Шам. Архивдик сүрөт

Бишкекте жекшемби күнү бир нече көчөдө жарык өчүрүлөт

50
(жаңыланган 17:08 29.05.2021)
Адатта "Түндүк электр" ишканасы иш күндөрү шаардыктарга алдын ала эскертүү берүү менен оңдоолорду жүргүзөт.

БИШКЕК, 29-май — Sputnik. Бишкектин айрым жерлеринде жекшемби күнү, 30-майда, электр кубаты жок болот. Бул тууралуу "Түндүк электр" ишканасы билдирди.

Электр энергиясы саат 9:00дөн 18:00гө чейин Токтоналиев, Медеров, Табалдиев жана Худайбергенов көчөлөрүнүн кесилиштеринде өчүрүлөт.

Бул убакытта кызматкерлер трансформатордук көмөк чордондун жабдууларын оңдошмокчу.

Адатта ишкана пландуу иштерди жумуш күндөрү шаардыктарга эскертүү берүү менен жасайт.

50
Белгилер:
жарык өчүрүү, "Түндүк Электр" ишканасы, Бишкек
Тема боюнча
Токтогулдагы суунун көлөмү көбөйүп, 10 млрд. куб метрди түздү
Автоунаалар Бишкек - ​​Ош трассасында бара жатат

Шейшембиге карата аба ырайы

4
22-июнга караган түнү өлкөнүн кээ бир райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-июн. — Sputnik. Шейшембиде күндүз дыйканчылык аймактарда жаан-чачын болбойт. Бул тууралуу Кыргызгидромет билдирди.

Абанын температурасы Чүйдө +24…+29, Талас облусунда +22…+27, Ош, Жалал-Абад, Баткен аймактарында +31…+36, Ысык-Көлдө +19…+24, Нарын чөлкөмүндө +18…+23 градуска жогорулайт.

Күндүн табы Бишкекте +26…+28, Ош шаарында +34…+36, Чолпон-Атада +18…+20 градус ысыйт.

4
Белгилер:
Кыргызстан, июнь, аба ырайы
Тема боюнча
Маал-маалы менен өткүн өтүп турат. Бир жумага карата аба ырайы
ЖРТ жыйынтыгы менен эң көп балл алган караколдук Жайдар Нургазиев

ЖРТдан эң көп баллга татыган Жайдар: Гонконгдогу окуу жайга тапшырып койгом

141
(жаңыланган 19:32 21.06.2021)
Мыкты жыйынтыкка жеткен окуучу тестирлөөгө кантип даярданганы жана алдыдагы пландары тууралуу айтып берди.

БИШКЕК, 21-июн. — Sputnik. Мектеп бүтүрүүчүлөрүнүн арасындагы жалпы республикалык тестирлөөнүн (ЖРТ) жыйынтыгы менен эң көп балл алган караколдук Жайдар Нургазиев менен Sputnik Кыргызстан агенттигинин кабарчысы сүйлөштү.

Выпускник кыргызского-турецкого лицея Сапат имени Кусеина Карасаева в Караколе Жайдар Нургазиев, набравший наивысший балл на Общереспубликанском тестировании (ОРТ)
© Фото / администрация кыргызско-турецкого лицея "Сапат" имени Х. Карасаева в Караколе
ЖРТ жыйынтыгы менен эң көп балл алган караколдук Жайдар Нургазиев

Жайдар тесттен 232 балл алып, алтын сертификат алган бүтүрүүчүлөрдүн сап башына чыкты. Ал Каракол шаарындагы Кусейин Карасаев атындагы "Сапат" лицейин аяктады.

Бүтүрүүчүнүн айтымында, алтын сертификат алууну пландаган, бирок бардыгынан озуп чыгам деп ойлогон эмес.

"Бейкапар ноутбукта иштеп отурсам апам келип "сүйүнчү" деди. Ага лицейдегилер чалышыптыр. Алтын сертификат алганга аракет кылгам, бирок биринчиге чыгам деп ойлобоптурмун. ЖРТга жарым жыл даярдандым. Аябай көп деле убакыт бөлгөн жокмун. Ашып кетсе бир сааттай кошумча окуп, сабактан кийин мугалимдер менен иштеп жаттым. Тестте суроолор оңой эле болду. Анан бул аралыкта социалдык тармактарды жыйыштыргам", — деди Жайдар Нургазиев.

Ал лицейди жалаң "бешке" бүтүп жатканын айтып, билим берген мугалимдерине ыраазычылык айтты.

Жайдар чет мамлекетте окууну пландап, ЖРТнын жыйынтыгы чыкканга чейин эле Гонконгдогу CityU университетине тапшырганын билдирди.

Бүтүрүүчүлөр алтын сертификаттар аземинде . Архив
© Пресс-служба президента КР / Султан Досалиев
"Гонконгдогу окуу жайга да ЖРТнын жыйынтыгы керек болчу. Буюрса ал жактан да бекер жана стипендия менен окуганы турам. Социология факультетин тандадым. Эл менен иштеген жагат, коомдун өнүгүшүнө салым кошом деген ниетим бар", — деди бүтүрүүчү.

ЖРТдан кошумча предмет катары математика менен англис тилин тандап алган, бирок азырынча жыйынтыгы чыга элек.

Караколдук окуучу үч бир туугандын экинчиси, агасы жана иниси бар. Ата-энеси компаниялардын биринде коопсуздук кызматында иштейт.

Бош убактысында сүрөт тартып, волейбол, баскетбол, кээде компьютердик оюндарды ойнойт.

141
Белгилер:
Жайдар Нургазиев, ыраазычылык, мугалим, лицей, сертификат, окуу, Гонконг, ЖРТ
Тема боюнча
ЖРТ боюнча эң жогорку баллды ким алганы белгилүү болду. Сүрөт