Уу коргошундун кайнатмасы. Архив

Бейшеналиев: "Ысык-Көл тамырына" жасалган клиникалык тажрыйба соңуна чыкты

297
(жаңыланган 15:12 31.05.2021)
Депутат Сайдулла Нышанов министр жоопкерчиликти алууга үйрөнүшү керектигин айтып, Бейшеналиев мыкты хирург болгону менен жетекчилик кызматты алып кете албай жатканын белгиледи.

БИШКЕК, 31-май — Sputnik. "Ысык-Көл тамырына" (уу коргошун) жасалган клиникалык тажрыйбалар соңуна чыкты. Бул тууралуу саламаттык сактоо министри Алымкадыр Бейшеналиев Жогорку Кеңештин социалдык маселелер боюнча комитетинин жыйынында билдирди.

Министр депутаттардын суроолоруна жооп берип жатып бүгүн кечке жуук уу коргошунду ичкен 300-400 адамды топтой турганын кабарлады. Анын айтымында, "Ысык-Көл тамыры" иммунитетти көтөрүп, жөтөлгөндө какырыкты чыгарып, кандагы канттын деңгээлин түшүрөт. Ал, ошондой эле, аконит шишиктин өсүп кетишине жол бербей турганын белгиледи.

"Клиникалык изилдөөлөр соңуна чыкты. Биз анын жыйынтыгын профессорлор менен окумуштууларга жөнөттүк. Жообун күтүп жатабыз", — деди ал.

Ал эми депутат Сайдулла Нышанов министр жоопкерчиликти алууга үйрөнүшү керектигин айтып, Бейшеналиев мыкты хирург болгону менен жетекчилик кызматты алып кете албай жатканын белгиледи.

"Дүйнө жүзүнө шылдың болдук, элди уят кылдыңыз. Сиз балким кетип каласыз, бирок аракетиңиз мамлекетке чоң сокку болду. Сизди президент колдосо колдоп жаткандыр, бирок сиз аны буга аралаштырбай жоопкерчиликти өзүңүз алыңыз. Сиз Россиянын президенти Владимир Путин уу коргошун боюнча Садыр Жапаровдон өзү сураганын айтып чыктыңыз. Бардык нерсенин чеги болушу керек. Же сиз, же парламент кетиши керек", — деди эл өкүлү.

Бейшеналиев болсо "Ысык-Көл тамыры" жөнүндөгү маалымат ал аркылуу жайылбаганын белгилей кетти. Анын айтымында, журналисттер бейтаптарга уу коргошунду берип жаткан дарыгерлер тууралуу сурай баштаганда ал министр катары жооп берген.

"Россияга болгон сапардан кийин биз Садыр Нургожоевич менен отурганбыз… Путин чын эле сураган. Ал эми Жапаров клиникалык изилдөөлөр жүрүп жатканын айткан", — деди ал.

Буга чейин саламаттык сактоо жана социалдык өнүктүрүү министри Алымкадыр Бейшеналиев 24-май күнкү Сочи шаарындагы жолугушуу учурунда Россиянын президенти Владимир Путин Кыргызстандын өлкө башчысы Садыр Жапаровдон уу коргошун тууралуу өзү сураганын айткан. Ал уу коргошунду мурда колдонгон россиялык окумуштуулар менен анын касиетин талкуулап, коронавируска каршы каражат катары биргеликте изилдеп көрүү мүмкүнчүлүгү каралып жатканын кошумчалаган.

Кийин Жапаровдун маалымат катчысы Эрбол Султанбаев расмий сүйлөшүүлөрдү жүргүзгөн учурда уу коргошун темасында сөз болбогонун айткан.

297
Белгилер:
Алымкадыр Бейшеналиев, аконит, уу коргошун, Садыр Жапаров, Кыргызстан
Тема:
Уу коргошун чуусу (26)
Тема боюнча
Жапаров менен Путин расмий сүйлөшүү учурунда уу коргошун тууралуу сөз кылган эмес
Уу коргошунга ууланып ооруканага түшкөн төрт кишинин абалы айтылды
Автоунаалар Бишкек - ​​Ош трассасында бара жатат

Шейшембиге карата аба ырайы

6
22-июнга караган түнү өлкөнүн кээ бир райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-июн. — Sputnik. Шейшембиде күндүз дыйканчылык аймактарда жаан-чачын болбойт. Бул тууралуу Кыргызгидромет билдирди.

Абанын температурасы Чүйдө +24…+29, Талас облусунда +22…+27, Ош, Жалал-Абад, Баткен аймактарында +31…+36, Ысык-Көлдө +19…+24, Нарын чөлкөмүндө +18…+23 градуска жогорулайт.

Күндүн табы Бишкекте +26…+28, Ош шаарында +34…+36, Чолпон-Атада +18…+20 градус ысыйт.

6
Белгилер:
Кыргызстан, июнь, аба ырайы
Тема боюнча
Маал-маалы менен өткүн өтүп турат. Бир жумага карата аба ырайы
ЖРТ жыйынтыгы менен эң көп балл алган караколдук Жайдар Нургазиев

ЖРТдан эң көп баллга татыган Жайдар: Гонконгдогу окуу жайга тапшырып койгом

148
(жаңыланган 19:32 21.06.2021)
Мыкты жыйынтыкка жеткен окуучу тестирлөөгө кантип даярданганы жана алдыдагы пландары тууралуу айтып берди.

БИШКЕК, 21-июн. — Sputnik. Мектеп бүтүрүүчүлөрүнүн арасындагы жалпы республикалык тестирлөөнүн (ЖРТ) жыйынтыгы менен эң көп балл алган караколдук Жайдар Нургазиев менен Sputnik Кыргызстан агенттигинин кабарчысы сүйлөштү.

Выпускник кыргызского-турецкого лицея Сапат имени Кусеина Карасаева в Караколе Жайдар Нургазиев, набравший наивысший балл на Общереспубликанском тестировании (ОРТ)
© Фото / администрация кыргызско-турецкого лицея "Сапат" имени Х. Карасаева в Караколе
ЖРТ жыйынтыгы менен эң көп балл алган караколдук Жайдар Нургазиев

Жайдар тесттен 232 балл алып, алтын сертификат алган бүтүрүүчүлөрдүн сап башына чыкты. Ал Каракол шаарындагы Кусейин Карасаев атындагы "Сапат" лицейин аяктады.

Бүтүрүүчүнүн айтымында, алтын сертификат алууну пландаган, бирок бардыгынан озуп чыгам деп ойлогон эмес.

"Бейкапар ноутбукта иштеп отурсам апам келип "сүйүнчү" деди. Ага лицейдегилер чалышыптыр. Алтын сертификат алганга аракет кылгам, бирок биринчиге чыгам деп ойлобоптурмун. ЖРТга жарым жыл даярдандым. Аябай көп деле убакыт бөлгөн жокмун. Ашып кетсе бир сааттай кошумча окуп, сабактан кийин мугалимдер менен иштеп жаттым. Тестте суроолор оңой эле болду. Анан бул аралыкта социалдык тармактарды жыйыштыргам", — деди Жайдар Нургазиев.

Ал лицейди жалаң "бешке" бүтүп жатканын айтып, билим берген мугалимдерине ыраазычылык айтты.

Жайдар чет мамлекетте окууну пландап, ЖРТнын жыйынтыгы чыкканга чейин эле Гонконгдогу CityU университетине тапшырганын билдирди.

Бүтүрүүчүлөр алтын сертификаттар аземинде . Архив
© Пресс-служба президента КР / Султан Досалиев
"Гонконгдогу окуу жайга да ЖРТнын жыйынтыгы керек болчу. Буюрса ал жактан да бекер жана стипендия менен окуганы турам. Социология факультетин тандадым. Эл менен иштеген жагат, коомдун өнүгүшүнө салым кошом деген ниетим бар", — деди бүтүрүүчү.

ЖРТдан кошумча предмет катары математика менен англис тилин тандап алган, бирок азырынча жыйынтыгы чыга элек.

Караколдук окуучу үч бир туугандын экинчиси, агасы жана иниси бар. Ата-энеси компаниялардын биринде коопсуздук кызматында иштейт.

Бош убактысында сүрөт тартып, волейбол, баскетбол, кээде компьютердик оюндарды ойнойт.

148
Белгилер:
Жайдар Нургазиев, ыраазычылык, мугалим, лицей, сертификат, окуу, Гонконг, ЖРТ
Тема боюнча
ЖРТ боюнча эң жогорку баллды ким алганы белгилүү болду. Сүрөт