Бишкектеги калкты тейлөө борборлорунда иш учурунда. Архив

Жалпы жарандык паспортту кыска мөөнөттө алса болот. Баасы, убактысы

501
(жаңыланган 16:35 31.05.2021)
Жалпы жарандык паспортту алуу үчүн документтерди толтуруу, биометрикалык маалыматтарды тапшыруу Калкты тейлеген ар бир борбордо жүргүзүлө баштады. Документ 18 күндө даярдаларын айтышты.

БИШКЕК, 31-май — Sputnik. 31-майдан тарта жарандар чет өлкөгө чыгууга мүмкүнчүлүк берген жалпы жарандык паспортту тез арада жана кыска мөөнөттө алуу үчүн документтерди тапшыра баштады. Бул тууралуу Мамлекеттик каттоо кызматы кабарлады.

Жалпы жарандык паспортту чукул арада — үч саатта, эки, төрт жана сегиз күндө алса болот.

Ага төмөнкүдөй акча төлөнөт (банктын кызматын кошкондо):

  • 8 күн — 2 300 сом;
  • 4 күн — 2 665;
  • 2 күн — 3 010;
  • 3 саат — 6 475.

Атын, атасынын атын, фамилиясын жана улутун өзгөртсө мамлекеттик пошлинадан улам 100 сомго кымбатыраак болот:

  • 8 күн — 2 400 сом;
  • 4 күн — 2 765;
  • 2 күн — 3 110;
  • 3 саат — 6 575.

Жоголуп кеткен же айрылып калган жалпы жарандык паспортту алмаштыруу (банктын кызматы менен мамлекеттик пошлинаны кошкондо):

  • 8 күн — 2 500 сом;
  • 4 күн – 2 865;
  • 2 күн — 3 210;
  • 3 саат — 6 675.

Жаңы муундагы паспорт Жарандык авиация боюнча эл аралык стандартка ылайык келет.

Документтерди толтуруу жана биометрикалык маалыматтарды тапшыруу Калкты тейлеген ар бир борбордо жүргүзүлүп жатат. Даярдоо мөөнөтү — 18 иш күн. Паспорт 10 жылга жарактуу, баасы 885 сом.

501
Белгилер:
паспорт, жарандык, Кыргызстан
Тема боюнча
Кыргызстандыктарга жаңы үлгүдөгү жалпы жарандык паспорт бериле баштады
Ысык-Көл аэропортунда Оштон келген каттамды тосуп алышкан

"Ысык-Көл" аэропорту Оштон келген алгачкы каттамды тосуп алды. Сүрөт

25
(жаңыланган 14:28 25.06.2021)
Оштон Тамчыга 105 киши келип, кайра 88 адам учуп кетти. Алардын ондон ашыгы балдар. Туруктуу каттам жумасына үч жолу аткарылып турат.

БИШКЕК, 25-июн. — Sputnik. "Ысык-Көл" эл аралык аэропорту ушул жылдын эсебинен Кыргызстандын түштүгүнөн келген алгачкы каттамды тосуп алды. Бул тууралуу "Манас" эл аралык аба майданынан билдиришти. 

  • В Международном аэропорту Иссык-Куль встретили первый в этом году рейс из города Ош. 25 июня 2021 года
    "Ысык-Көл" эл аралык аэропорту ушул жылдын эсебинен Кыргызстандын түштүгүнөн келген алгачкы каттамды тосуп алды
    © Фото / пресс-служба ОАО "МАМ"
  • В Международном аэропорту Иссык-Куль встретили первый в этом году рейс из города Ош. 25 июня 2021 года
    TezJet авиакомпаниясы RG 85 учагы менен Ош — Тамчы багыты боюнча 105 жүргүнчүнү алып келген
    © Фото / пресс-служба ОАО "МАМ"
  • В Международном аэропорту Иссык-Куль встретили первый в этом году рейс из города Ош. 25 июня 2021 года
    Алардын арасында 12 бала бар. Ал эми Тамчыдан Ошко 88 жүргүнчү (13ү бала) учуп кетти
    © Фото / пресс-служба ОАО "МАМ"
1 / 3
© Фото / пресс-служба ОАО "МАМ"
"Ысык-Көл" эл аралык аэропорту ушул жылдын эсебинен Кыргызстандын түштүгүнөн келген алгачкы каттамды тосуп алды

TezJet авиакомпаниясы RG 85 учагы менен Ош — Тамчы багыты боюнча 105 жүргүнчүнү алып келген. Алардын арасында 12 бала бар. Ал эми Тамчыдан Ошко 88 жүргүнчү (13ү бала) учуп кетти.

Туруктуу каттам жумасына үч жолу — шаршемби, жума жана жекшемби күндөрү аткарылып турат.

25
Белгилер:
жүргүнчү, учуу, каттам, Ысык-Көл, Тамчы, Ош
Тема боюнча
Кыргызстандан Грузияга түз учууга жол ачылды
Бишкектен Түркиянын Анталия шаарына жасалчу аба каттамдардын саны көбөйдү
Экзамен тапшырып жаткан бүтүрүүчү. Архив

Министрлик жогорку окуу жайга тапшыруунун босого баллын белгиледи

78
(жаңыланган 13:56 25.06.2021)
Бул жылы жалпы республикалык тестирлөөнү 44 416 бүтүрүүчү тапшырган. Тесттин катышуучуларынын орточо упайы 120,5ти түздү.

БИШКЕК, 25-июн. — Sputnik. Жалпы республикалык тестирлөөнүн жыйынтыгы (ЖРТ) менен окуу жайларга тапшыруунун босого баллы аныкталды. Бул тууралуу Бишкектеги маалымат жыйында билим берүү жана илим министринин орун басары Нурлан Өмүров билдирди.

Анын айтымында, бюджеттик формадагыларга 110 балл, келишимдик негизде окуй тургандарга босого балл 105 деп белгиленди. Бул жылы ЖРТны 44 416 окуучу тапшырган. Тесттин катышуучуларынын орточо упайы 120,5ти түзгөн.

"25 284 киши же бүтүрүүчүлөрдүн 60 пайызы 110дон жогору балл алды. 105тен ашык упайга 28 143 бала же абитуриенттердин 63 пайызы ээ болду. Башкача айтканда, бүтүрүүчүлөрдүн 63 пайызынын дагы окуу жайга тапшырууга мүмкүнчүлүгү бар", — деди министрдин орун басары.

Оморов бул жылы да бүтүрүүчүлөр окууга онлайн тапшырарын эске салды. Кенен маалыматты 2020.edu.gov.kg сайтынан алууга болот. Ошондой эле суроолор боюнча 1818 тынымсыз байланыш номери кызмат көрсөтөт. Адаттагыдай окуу жайлар үч тур менен кабыл алат.

78
Белгилер:
бүтүрүүчү, балл, упай, Билим берүү жана илим министрлиги, Кыргызстан
Тема боюнча
ЖРТдан эң көп баллга татыган Жайдар: Гонконгдогу окуу жайга тапшырып койгом
Кыргызстандын 10 мыкты бүтүрүүчүсү тандап алган окуу жайлар
Доллар жана сом купюралары. Иллюстративдик сүрөт

Эсепсиз байыган. Бишкек мэриясынын жерине үй курду делген компания аныкталды

0
(жаңыланган 14:37 25.06.2021)
Юнусалиев жана Сухе-Батор көчөлөрүнүн кесилишиндеги кымбат баалуу муниципалдык 0,95 гектар жер тилкеси махинациялык жол менен жеке менчикке өтүп кеткен.

БИШКЕК, 25-июн. — Sputnik. Кымбат баалуу жер тилкеси коррупциялык жол менен берилгендиктен бюджетке 170 миллион сомдон ашык зыян келтирилгени аныкталды. Бул туурасында Башкы прокуратуранын маалымат кызматы билдирди.

Текшерүүнүн алкагында Бишкек шаардык мэриясынын 1999-жылдагы токтому менен Юнусалиев жана Сухе-Батор көчөлөрүнүн кесилишиндеги кымбат баалуу муниципалдык 0,95 гектар жер тилкеси Н.А. аттуу жаранга ден соолукту чыңдоо борборун куруу үчүн мөөнөтсүз пайдаланууга мыйзамсыз берилгени аныкталган.

Бирок 2002-жылы мэриянын токтому менен кайра 49 жылга ижарага берүү шартына өзгөртүлгөн. Ал эми 2005-жылы жердин багыты көп кабаттуу үй курууга которулуп "А" компаниясына 83 миллион 520 миң 200 сомго сатылганы кабарланды.

"2013-жылы аталган компания Бишкек райондор аралык сотунун негизсиз чечими менен көрсөтүлгөн жерди муниципалдыктан жеке менчикке өткөрүп, көп кабаттуу үйлөрдү курган. Андагы батирлерди жарандарга кымбат баада сатып, мыйзамсыз түрдө эбегейсиз пайда тапкандыгы такталды. Жогорудагыдай татаалдаштырылган коррупциялык схема аркылуу муниципалдык кызматкерлердин, сот органдарынын жана жеке адамдардын мыйзамсыз аракеттеринен улам мамлекетке 173 миллион сомдук ири өлчөмдө зыян келтирилген", — деп айтылат маалыматта.

Бул факт боюнча материалдар Башкы прокуратура тарабынан Жазык кодексинин 319 ("Коррупция") жана 329-беренелери ("Кызматтык жасалмачылык") менен сотко чейинки өндүрүш иши башталды.

0
Белгилер:
Башкы прокуратура, сатуу, сот, коррупция, жер тилкеси, Бишкек
Тема боюнча
Чүйдө 23 миллион сомдук социалдык объект Шопоков мэриясына өттү
Прокуратура 731 миң сомдук жер тилкеси ит бекер сатылганын аныктады