Москва электрондук техника институтунун студенттери. Архив

Россиялык университет кыргызстандык студенттерди кабыл алууда. Шарт-талабы

226
(жаңыланган 17:17 01.06.2021)
Экзамендер кадимки форматта жана аралыктан өтөт. Буга байланыштуу кыргызстандыктар билим жактан күчүн Россияга барбай туруп эле сынай алышат.

"Москва электрондук техника институту" (МЭТИ) улуттук изилдөө университети кыргызстандык студенттерди окуу жайга кабыл алуу үчүн сынак жарыялады.

Университеттин маалымат кызматы россиялык окуу жайга тапшыруу үчүн сынакка Россиянын Бишкектеги Илим жана маданият борборуна июндун экинчи жарымында барып катышууга боло турганын маалымдады.

Кампус национального исследовательского университета Московский институт электронной техники (МИЭТ)
© Фото / пресс-служба НИУ "МИЭТ"
МЭТИ микро жана наноэлектроника, телекоммуникация жана маалыматтык технология жаатындагы адистерди даярдоо боюнча лидерлердин бири болуп саналат

МЭТИ микро жана наноэлектроника, телекоммуникация жана маалыматтык технология жаатындагы адистерди даярдоо боюнча лидерлердин бири болуп саналат.

"Сынак кадимки форматта жана аралыктан өтөт. Буга байланыштуу Россияга келүүгө шарты жок балдар экзаменди Кыргызстандан эле тапшыра алышат. Мындан сырткары, биздин мугалимдер Бишкектеги 10-класстын окуучуларына мастер-класстарды өтүп, ал эми физика сабагынан экзамен тапшыра турган 11-класстагыларга консультация беришет", — деди МЭТИнин кабыл алуу комиссиясынын адиси Влада Быкова.

Анын айтымына караганда, быйыл абитуриенттер документтерин беш багыт боюнча тапшыра алышат.

"Эки өлкө ортосундагы келишимге ылайык, Кыргызстандын жарандары россиялыктардай эле бюджеттик окуу формасына өтүү үчүн сынакка катышып же Бирдиктүү мамлекеттик экзамен тапшыра алышат", — деди адис.

Быкова белгилегендей, 2020-жылы бюджетке өткөн абитуриенттердин үч предмет боюнча сынакта алган орточо упайы 240ты түзгөн.

"Биздин окуу жайга тапшырууну эртерээк ойлонгондор Россиядагы окуу жайларда билим алууга берилген квотага илинип калуу мүмкүнчүлүгүн колдонуп калышса болот. МЭТИге квота боюнча өтүш үчүн алгач абитуриент өзү каалаган багытты тандап, андан соң бул окуу жайды приоритет катары белгилеп туруп өз өлкөсүндө сынакка катышса болот. Акы төлөп окууну каалагандар эки предмет боюнча гана экзамен тапшырышат", — деди ал.

Университеттин маалымат кызматынан белгилешкендей, Кыргызстанда МЭТИнин физика-математика боюнча олимпиадалары байма-бай өтүп турат. Жеңүүчүлөр менен сыйлык ээлерине окуу жайга тапшырууда 10 упай кошулат. Ошондой эле "Физтехтин" олимпиадасынын финалына чыгып, ал жактан жеңген окуучу окуу жайга сынагы жок өтөт.

МЭТИнин проректору Дмитрий Коваленконун айтымында, бүгүнкү күндө университетте Бишкектин ар кайсы мектептеринин бүтүрүүчүлөрү билим алууда.

"Акыркы жылдары Е. Якир атындагы физика-математика боюнча мектеп МЭТИнин физика-математика боюнча олимпиадаларын өткөрүү үчүн аянтча болуп берүүдө. Жакында эле биздин университет аймактагы мыктылардын бири болгон "Газпром Кыргызстан" мектеби менен кызматташа баштады. Университеттин педагогдору физика-математика боюнча олимпиадалык "Ысык-Көл" мектебинде иштешет, ошондой эле жогорку класстын окуучуларына аралыктан лекция окушат", — деди ал.
Студенты национального исследовательского университета Московский институт электронной техники (МИЭТ)
© Фото / пресс-служба НИУ "МИЭТ"
МЭТИде 4 500дөн ашык адам билим алат. Алардын 300ү отуз мамлекеттен келген студенттер менен аспиранттар болсо, 11и — Кыргызстандан баргандар.

МЭТИде 4 500дөн ашык адам билим алат. Алардын 300ү отуз мамлекеттен келген студенттер менен аспиранттар болсо, 11и — Кыргызстандан баргандар.

"Бардык чет өлкөлүк студенттерге жатаканадан орун берилет. Бюджеттик формада окугандарга жогорулатылган стипендия төлөнөт жана илимий долбоорлорго катышып, өндүрүштүк практикадан өтүшөт", — деди Коваленко.

Анын айтымында, башка мамлекеттерден келген студенттерге Чет элдик студенттердин ассоциациясы дагы колдоо көрсөтөт.

МЭТИ бакалавриат менен магистратуранын 80ден ашык билим берүү программасын жана аспирантуранын 16 программасын ишке ашырып келет. "Маалыматтык коммуникация технологиясы жана байланыш системасы", "материалдарды жүргүзүү жана материалдардын технологиясы", "программалык инженерия" адистиктерин кыргызстандыктар көп тандашат.

Бишкектик Анна Рааб экинчи курстун студенти. Ал окуу жай боюнча пикирин билдирди.

Студентка второго курса бакалавриата по направлению Материаловедение и технологии материалов МИЭТ из Бишкека Анна Рааб
© Фото / пресс-служба НИУ "МИЭТ"
Студент Анна Рааб
"Университеттин сайтын изилдеп чыккандан кийин так ушул окуу жайга тапшыргым келип калды. Бул жактын стипендиясы жакшы. Жатаканадан окуу жайга чейин жөө бассаң 20 мүнөттүк эле убактың кетет. Жеке чоң бассейни бар. Мындан сырткары, окуу жана окуудан тышкаркы иштер үчүн мүмкүнчүлүктөр кеңири. Менин негизги максатым — мыкты техникалык билим алуу. Келечекте Москвада калууну пландап жатам. Ал жактан кесибим боюнча сөзсүз жумуш табылат", — деди Рааб.

Быйыл МЭТИде студенттер менен бүтүрүүчүлөргө резюме жазып, иш табууга жардам берген карьера менен ишкерликти өнүктүрүү борбору ачылды.

Маалыматка караганда, окуу жайдын бүтүрүүчүлөрү Microsoft, Intel, Synopsys, Cadence, Google, IBM, National Instruments, Samsung, Siemens Networks, Hewlett-Packard, "Газпром нефть", "Сбербанк", "Яндекс", "Касперский лабораториясы" сыяктуу россиялык жана чет өлкөлүк алдыңкы компанияларда эмгектенишет.

МЭТИ Россиядагы рейтинг боюнча 16-сапта турат. Ал эми Times Higher Education BRICS & Emerging Economies дүйнөлүк рейтинги боюнча (2021-жыл) 201-орунду ээлеген.

Иш издөө жана кызматкерлерди алуу боюнча Superjob IT-сервисинин маалыматына караганда, 2015-2019-жылдары МЭТИнин IT-тармагы боюнча бүтүргөндөрдүн орточо айлыгы 105 000 рублди түзгөн.

226
Белгилер:
Москва, бүтүрүүчү, экзамен, сынак, Университет, Россия, Кыргызстан
Тема боюнча
Россияда билим алган КР студенттери окуусуна кайтууга уруксат алды
Турдубаева: онлайн билим берүүнүн келечеги кең
Балдардын укугу боюнча ыйгарым укуктуу өкүл Жыпариса Рысбекова Военно-Антоновка балдар үйүндө каза болгон өспүрүмдүн бир тууганы менен жолугушту

Балдар үйүндө көз жумган өспүрүм боюнча иш Садыр Жапаровдун көзөмөлүндө

12
(жаңыланган 22:20 21.06.2021)
Балдар укугу боюнча ыйгарым укуктуу өкүл Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

БИШКЕК, 21-июн. — Sputnik. Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди. Бул тууралуу мамлекет башчынын маалымат кызматынан кабарлашты.

Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди
    © Пресс-служба правительства / Алишер Алиев
  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди

Эске салсак, балдар үйүнүн 12 жаштагы тарбиялануучусунун өлүмү тууралуу маалымат мындан эки жума мурда тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон.

Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген ой болуп жаткандыгын айткан.

Жолугушууда Балдардын укугу боюнча ыйгарым укуктуу өкүл Богдан Якуниндин инисинин өлүмүнө байланыштуу бардык жүйөөлөрүн уккан.

Рысбекова Богдан Якунинди учурда окуянын бардык жагдайлары комиссиялык кароодон өтүп жатат деп ишендирген. Ал Игорь Якуниндин өлүмүнүн жагдайларына баа берүүнүн жыйынтыгы менен бул каргашалуу окуяга жол берген кызмат адамдарынын жоопкерчилиги каралат деген.

12
Белгилер:
Игорь Якунин, Жыпариса Рысбекова, кайрылуу, өлүм, балдар үйү, Кыргызстан
Тема боюнча
Буга чейин далай качкан. Чүйдө 15 жаштагы бала кайрадан изделүүдө. Сүрөт
Жалал-Абадда жоголгон 13 жаштагы бала табылды
Ош шаардык тез жардам кызматынын диспетчердик бөлүмүнүн кызматкери. Архив

Ошто эпидемиологиялык абал курчуй берсе шаарга чектөөлөр кирет

23
(жаңыланган 21:49 21.06.2021)
Кыргызстандын экинчи борборунда коронавирус боюнча абал оор боюнча калып жаткандыгын айткан вице-мэр элди санитардык эрежени бекем сактоого чакырды.

БИШКЕК, 21-июн. — Sputnik. Ош шаарында коронавирус боюнча кырдаал курчуса, чектөөлөр кириши мүмкүн. Бул тууралуу аталган калаанын вице-мэри Эмиль Шадыханов айткандыгын муниципалитеттин маалымат кызматынан кабарлашты.

Бүгүн, 21-июнда, Ош шаарынын мэриясында эпидемиологиялык кырдаалды жөнгө салуу боюнча штабдын кезектеги жыйыны болгон.

"Учурда Ош шаарындагы абал оор боюнча калууда. Шаардыктарды эл көп чогулган жайлардан алыс болуп турууга чакырабыз. Эгер кырдаал курчуй турган болсо чектөөлөр кириши мүмкүн. Муниципалдык ишканаларда 65 жаштан жогорку курактагы кызматкерлер аралыктан иштөөгө өтөт", — деген вице-мэр.

Ал элди санитардык эрежелерди бекем сактоого чакырды.

21-июлга карата Ош шаарында коронавируска чалдыккандардын саны 54 болгон. Маалыматта стационарларга кайрылган жарандардын саны суткасына 700гө жетип жатканы айтылды.

Кыргызстанда акыркы мезгилде коронавирус жуктургандар көбөйүп жатат. Алдыдагы эки жумада ооругандардын саны кескин көбөйө турганы божомолдонду.

23
Белгилер:
чектөө, коронавирус, Ош шаары, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бийлик кыргызстандыктарды эл көп топтолгон жерлерге барбоого чакырып жатат
Учпагандар кирбейт! Кыргызстандын аэропортторунда чектөөлөр күчөтүлдү