УКМКнын имараты. Архив

УКМК: Орхан Инандыны буга чейин уюшкан кылмыштуу топтун мүчөлөрү издеп жүргөн

738
(жаңыланган 18:14 01.06.2021)
Атайын кызмат эки жыл мурда Инандыга жеке жан сакчы алуу жана тийиштүү этияттык чараларын киргизүүнү сунуштаган.

БИШКЕК, 1-июн. — Sputnik. "Сапат" эл аралык билим берүү мекемесинин президенти Орхан Инандыны буга чейин уюшкан кылмыштуу топтун мүчөлөрү издеп жүргөн. Бул туурасында УКМКнын маалымат кызматы кабарлады.

"2019-жылы уюшкан кылмыштуу топтун мүчөлөрү акча талап кылуу максатында Орхан Инандыны уурдап кетери тууралуу маалымат түшкөн. Буга байланыштуу Жазык кодексинин 170-беренеси ("Адам урдоо") менен сотко чейинки өндүрүш ачылып, текшерүү иштери уюштурулган. Ыкчам тергөөнүн алкагында УКМК тарабынан аны уурдап кетүү кооптуулугу жаралганы туурасында өзүнө кабар берилген", — деп айтылат маалыматта.

Мындан улам атайын кызмат Инандыга жеке жан сакчы алууну жана тийиштүү этияттык чараларын киргизүүнү сунуштаганы белгиленет.

УКМК учурда Ички иштер министрлигине аталган кылмышка тиешеси бар адамдарды издөөгө көмөктөшүп, комплекстүү ыкчам иштерди жүргүзүп жатканы айтылат.

Бүгүн Бишкекте "Сапат" лицейлер тармагынын президенти, Кыргызстан жараны Орхан Инандынын дайынсыз болуп жатканы кабарланды. Бул маалыматтан кийин президент Садыр Жапаров аны издөө боюнча кошумча күч тартууну тапшырды. Анын автоунаасы 12-кичи райондо эшиги ачык калган тейде табылганы айтылган. Атасынын жоголгону боюнча уулу арыз жазган.

738
Белгилер:
уюшкан кылмыштуу топ, жардам, издөө, Орхан Инанды, УКМК
Тема:
Орхан Инандынын Бишкекте жоголушу (24)
Тема боюнча
"Сапаттын" түзүүчүлөрүнүн бири Орхан Инанды дайынсыз болуп, милиция издеп жатат
Садыр Жапаров күч түзүмдөрүнө Орхан Инандыны табууну тапшырды
Адвокат: Орхан Инандыны уурдап, Бишкекте кармап турушат деген маалымат бар
Медициналык кызматкер вакцина менен шприцти кармап турат. Архив

COVID: эмделер алдында антителого тест тапшыруунун зарылдыгы барбы

18
(жаңыланган 13:42 24.06.2021)
Адистердин айтымында, жогорку деңгээлдеги антитело вакцинадан баш тартуу керек дегенди түшүндүрбөйт.

БИШКЕК, 24-июн. — Sputnik. COVID-19га каршы вакцина алардан мурда антителонун бар же жогун аныктоо үчүн тест тапшыруу зарыл эмес. Бул тууралуу Москва шаарынын коронавируска каршы ыкчам штабынан билдиришти.

Маалыматка караганда, эмдөө алдында дарыгер бейтапты стандарттык кароодон өткөрөт. Бирок атайын, тереңдетилген текшерүүдөн өтүүнү эч ким талап кылбайт.

Ошондой эле штабдан жогорку деңгээлдеги антитело болсо дагы вакцинадан баш тартпай эле койгон туура экенин кошумчалашты.

18
Белгилер:
эреже, антитело, тест, эмдөө, коронавирус
Тема:
Дүйнөгө жайылган коронавирус
Тема боюнча
Казак өкмөтү: Кыргызстанга вакцина берүү пландалган эмес
COVID-19ду бир маалда көп адамга жуктурган кубулуш аныкталды
Манас аэропортундагы учак

Кыргызстандан Грузияга түз учууга жол ачылды

29
(жаңыланган 13:29 24.06.2021)
Жаңы каттам үстүбүздөгү жылдын 17-июлунан баштап жумасына бир жолу жүргүзүлө турганы белгилүү болду.

БИШКЕК, 24-июн. — Sputnik. "Манас" эл аралык аэропорту Грузиянын Батуми шаарына түз каттам ачылганын кабарлады.

Бишкек — Батуми — Бишкек маршруту боюнча чартердик каттамды "Эйр Манас" авиакомпаниясы ишке ашырмакчы. Жаңы рейс ушул жылдын 17-июлунан тарта жумасына бир жолу (ишемби) каттай турганы белгилүү болду.

29
Белгилер:
Батуми, маршрутка, аэропорт, Грузия, каттам
Тема боюнча
Бишкектен Түркиянын Анталия шаарына жасалчу аба каттамдардын саны көбөйдү
Бишкек Ирандан келген алгачкы рейсти тосуп алды, эми түз учууга болот. Сүрөт
Кыргызстандын президенти Садыр Жапаров. Архив

Садыр Жапаров Түркмөнстанга барып, Тажикстанга да тие келери кабарланды

0
(жаңыланган 14:23 24.06.2021)
Мамлекет башчы 27-28-июнь күндөрү Түркмөнстанга барып, 28-29-июнда Тажикстанда кыргыз-тажик чек арасына байланыштуу маселелерди талкуулайт.

БИШКЕК, 24-июн. – Sputnik. Кыргызстандын президенти Садыр Жапаров 27-28-июнь күндөрү Түркмөнстанга расмий сапары менен барат. Бул тууралуу мамлекет башчынын аппаратынан билдиришти.

Маалыматка караганда, Жапаров Түркмөнстандын башчысы Гурбангулы Бердымухамедов менен тар жана кеңейтилген форматта жолугушуу өткөрөт.

“Эки өлкөнүн жетекчилери эки жана көп тараптуу кызматташууну, аймактык жана эл аралык уюмдардын алкагында иштешүүнү талкуулашат”, - деп айтылат маалыматта.

Ал эми 28-29-июнь күндөрү Садыр Жапаров Тажикстанга расмий сапары менен барып, Эмомали Рахмон менен жолугары кабарланды. Тараптар кыргыз-тажик чек арасына байланыштуу маселелерди талкуулашат.

Буга чейин Жапаровдун Тажикстанга барарын Sputnik Тажикстан жазган. 

0
Белгилер:
чек ара, расмий сапар, Тажикстан, Түркмөнстан, Кыргызстан
Тема боюнча
Садыр Жапаров июндун соңу менен Тажикстанга барат
Путиндин өкүлү Козак Бишкекке келип, Жапаровдун кабыл алуусунда болду