Республикалык ден соолукту чыңдоо жана массалык коммуникация борборунун (РДЧМКБ) адистери Бишкек шаарындагы Балдарды социалдык жактан адаптациялоо борборундагы бөбөктөрдү майрамдатты

Социалдык адаптациядан өтүп жаткан бөбөктөргө майрам тартууланды. Сүрөт

48
(жаңыланган 11:34 02.06.2021)
Балдардын социалдык адаптация борборунда турмуштук оор кырдаалга кабылган жана ата-энесинин камкордугусуз калган балдар жашайт.

БИШКЕК, 2-июн. — Sputnik. Республикалык ден соолукту чыңдоо жана массалык коммуникация борборунун (РДЧМКБ) адистери Бишкек шаарындагы Балдарды социалдык жактан адаптациялоо борборундагы бөбөктөрдү майрамдатты. Бул тууралуу аталган мекеме билдирди.

Иш-чаранын демилгечиси, РДЧМК борборунун коомчулук менен байланыш боюнча адиси Жеңишгүл Тоголокова балдар үчүн атайын куурчак театрын даярдаган. Ошондой эле аларга колду кантип туура жууш керектиги тууралуу мультфильм көрсөтүлүп, белектер жана таттуулар тапшырылган.

В Детском центре социальной адаптации в Бишкеке специалисты Республиканского центра пропаганды здоровья и массовых коммуникаций (РЦМС) отметили день защиты детей.
© Фото / Нур Эшимканова
Балдар үчүн атайын куурчак театры даярдалган

Социалдык жактан адаптациялоо борборунун тарбиячысы Кундуз Калдымолдоеванын айтымында, кыйын учурга туш болгон балдар күнү-түнү кабыл алынат.

"Борбордо 4 жаштан 18 жашка чейинки балдар жашайт. Бул жерде жарым жыл болушуп, андан кийинки жашай турган жерин комиссия чечип, жөнөтөт. Айрым балдар эки-үч жолудан түшүшөт. Негизи балдар бизди угушат, мектепке барып келип окугандары бар, ийримдерге кызыгып катышышат", — деди Калдымолдоева.

Белгилей кетсек, 2000-жылы Норвегия өкмөтү, ПРООНдун каржы кеңсеси жана кыргыз өкмөтү, ошондой эле Бишкек мэриясынын токтому менен Балдардын социалдык адаптация борбору түзүлгөн. Борбор 70 орунга ылайыкташтырылган. Бул жерде турмуштук оор кырдаалга кабылган жана ата-энесинин камкордугусуз калган балдарга жана өспүрүмдөргө социалдык, медициналык, психологиялык, педагогикалык кызмат көрсөтүлөт.

48
Белгилер:
майрам, балдар, Кыргызстан
Тема боюнча
Президент Жапаров аз камсыз болгон үй-бүлөлөрдүн балдары менен жолукту
Түнкүсүн Бишкектин борборунун көрүнүшү. Архив

Бишкектин жарымы жарыксыз калды. Энергетика министринин түшүндүрмөсү 

7
(жаңыланган 22:38 17.06.2021)
Жарык Москва, Сокулук, Панфилов, Жайыл райондорунда жана Бишкек шаары менен Токмоктун айрым бөлүктөрүндө жок болгон.

БИШКЕК, 17-июн. — Sputnik. Кыргызстанда жарык Казакстандын энергосистемасында авариялык кырдаал жаралгандыктан өчтү. Бул тууралуу "Улуттук электр түйүн" ишканасынын маалымат кызматынын жетекчиси Элзада Саргашкаева билдирди.  

Буга чейин ордо калаанын тургундары соцтармакка жарык өчкөнүн жазышкан. Ал тургай электр жарыгы Жогорку Кеңештин имаратында да жок болгон. Анын себебин энергетика жана өнөр жай министри Доскул Баймурзаев өлкө боюнча жыштыкты жөнгө салуу жабдуусу иштеп кеткени менен түшүндүргөн.  

"Коңшу мамлекетте авария болуп, Токтогул ГЭСи былтыркыдай кырдаалды  жөнгө салды", — деди ал.  

Ишкананын маалымат кызматы саат 19:28те "Л-514 Фрунзенская-Шу" линиясында авария болгонун билдирди.  

"Борбор Азиянын бириктирилген энергосистемасы Казакстандын түндүгүндөгү бирдиктүү энергосистемадан өзүнчө бөлүнүп чыккан. Өлкө боюнча автоматтык түрдө жыштыкты жөнгө салуу жабдуусу иштеп кеткен. Саат 20:26лар чамасында "Фрунзенская-Шу" линиясы транзитке кошулуп, саат 20:55те жарык берилди", — деди Саргашкаева. 

Электр кубаты Чүйдүн Москва, Сокулук, Панфилов, Жайыл райондорунда жана Бишкек шаары менен Токмоктун айрым бөлүктөрүндө жок болгон

7
Белгилер:
себеп, жарык өчүрүү, Казакстан, Кыргызстан
Тема боюнча
Эч кандай энергетикалык кризис жок, өчүрүү да болбойт. Министрлик үн катты
Өчүрүп чык! Электр кубаты үчүн аз акча төлөөнүн 10 жолу
Нарын шаарындагы жугуштуу оорулар ооруканасынын ачылышы

Нарындагы оорукананын жугуштуу илдеттер бөлүмүнүн имараты ишке берилди. Сүрөт  

13
(жаңыланган 22:16 17.06.2021)
Бакашеванын айтымында, оорукананын 70 орундуу бөлүмүн салууга 79,2 миллион сом керектелген.

БИШКЕК, 17-июн. — Sputnik. Бүгүн, 17-июнда, Нарын облустук бириктирилген ооруканасынын жугуштуу оорулар бөлүмү үчүн курулуп жаткан имарат пайдаланууга берилди. Бул тууралуу министрлер кабинетинин төрагасынын орун басары Жылдыз Бакашова Facebook баракчасы аркылуу билдирди.  

  • Заместитель председателя кабинета министров Жылдыз Бакашова приняла участие в открытии инфекционной больницы в городе Нарын. 17 июня 2021 года
    Бүгүн, 17-июнда, Нарын облустук бириктирилген ооруканасынын жугуштуу оорулар бөлүмү үчүн курулуп жаткан имарат пайдаланууга берилди
    © Фото / пресс-служба правительства КР
  • Коллектив инфекционной больницы во время церемонии открытия в городе Нарын. 17 июня 2021 года
    Анын айтымында, оорукананын 70 орундуу бөлүмүн салууга 79,2 миллион сом керектелген
    © Фото / пресс-служба правительства КР
  • Заместитель председателя кабинета министров Жылдыз Бакашова приняла участие в открытии инфекционной больницы в городе Нарын. 17 июня 2021 года
    Эске салсак, аталган оорукананын имаратын куруу иштери 2020-жылы башталган
    © Фото / пресс-служба правительства КР
1 / 3
© Фото / пресс-служба правительства КР
Бүгүн, 17-июнда, Нарын облустук бириктирилген ооруканасынын жугуштуу оорулар бөлүмү үчүн курулуп жаткан имарат пайдаланууга берилди

Анын айтымында, оорукананын 70 орундуу бөлүмүн салууга 79,2 миллион сом керектелген.  

"Курулуш иштерин "Мерибелл Текстиль Иншаат" жоопкерчилиги чектелген коомунун подряддык ишканасы жүргүздү. Имараттын 48 койкасы бокс палаталарда, 22 койкасы реанимация жана интенсивдик палаталарда жайгашкан. Мында дарыгерлер жана бейтаптар үчүн бардык ыңгайлуу шарттар түзүлгөн. Министрлер кабинетинин атынан жугуштуу оорулар бөлүмүнө жалпы суммасы 3,5 миллион сомдук акцент генераторлор, ИВЛ аппараттары, кычкылтек концентраторлору жана мониторлор сыяктуу медициналык жабдуулар тапшырылды", — деген Бакашева.  

Эске салсак, аталган оорукананын имаратын куруу иштери 2020-жылы башталган.

13
Белгилер:
курулуш, имарат, бөлүм, оорукана, Нарын
Тема:
Коронавируска байланыштуу Кыргызстандагы кырдаал
Тема боюнча
Кыргызстанга "Спутник V" вакцинасынын үчүнчү партиясы келип түштү. Видео
Бийлик Бишкек—Кара-Балта жолу качан оңдолуп бүтөрүн айтты