Кыргызстандын паспорту. Архивдик сүрөт

Президенттик администрация: КР жарандыгын алып берем деген алдамчылар көбөйдү

55
(жаңыланган 17:59 02.06.2021)
Катчылык жарандык берүүгө байланыштуу маселелерде коррупциялык схемалар же фактылар болсо кабарлап коюуну өтүнөт.

БИШКЕК, 2-июн. — Sputnik. Президенттик администрациянын Жарандык боюнча комиссиясынын катчылыгы соңку учурда чет элдиктерге Кыргызстандын жарандыгын алып берүүнү убадалаган шылуундук топ чыкканын эскертти.

Аталган орган жарандык берүүгө байланыштуу маселелерде коррупциялык схемалар же фактылар болсо кабарлап коюуну өтүнөт.

"Акыркы учурда жарандык берүүдө, калыбына келтирүүдө, чет өлкөдөн келгендерди Кыргызстандын жарандыгына кабыл алууда ортомчулар тарабынан коррупциялык көрүнүштөргө, алдоолорго кабылган адамдардан даттануулар түшүп жатат. Ушуга байланыштуу Жарандык боюнча комиссиянын катчылыгы сак болууга чакырып, кандайдыр бир коррупциялык көрүнүштөр болсо тиешелүү мамлекеттик органдарга токтоосуз билдирүүнү өтүнөт", — деп айтылат маалыматта.

УКМКнын Коррупцияга каршы кызматынын коомдук кабылдамаларынын даректери жана ишеним телефондору:

  • Бишкек шаары, Жибек жолу проспектиси, 322, телефон: 0312 – 66 – 00 – 20;
  • Баткен шаары, Нургазиев көчөсү, 1, 03622 – 501 – 50;
  • Ош шаары, Ленин көчөсү, 318, 03222 – 555 – 11;
  • Жалал-Абад шаары, Токтогул көчөсү, 55, 03722 – 555 – 35;
  • Талас шаары, Бердике баатыр көчөсү, 297, 03422 – 604 – 31;
  • Каракол шаары, Кутманалиев көчөсү, 148, 03922 – 538 – 79;
  • Нарын шаары, Ленин көчөсү, 78, тел.: 03522 – 514 – 58
55
Белгилер:
эскертүү, кайрылуу, алдамчылык, жарандык, коррупция
Тема боюнча
Жапаров этникалык кыргыздарга жарандык берүү жарлыгына кол койду
Бажы кызматы: алдамчылык көбөйдү, сак болгула
Медициналык кызматкер вакцина менен шприцти кармап турат. Архив

COVID: эмделер алдында антителого тест тапшыруунун зарылдыгы барбы

18
(жаңыланган 13:42 24.06.2021)
Адистердин айтымында, жогорку деңгээлдеги антитело вакцинадан баш тартуу керек дегенди түшүндүрбөйт.

БИШКЕК, 24-июн. — Sputnik. COVID-19га каршы вакцина алардан мурда антителонун бар же жогун аныктоо үчүн тест тапшыруу зарыл эмес. Бул тууралуу Москва шаарынын коронавируска каршы ыкчам штабынан билдиришти.

Маалыматка караганда, эмдөө алдында дарыгер бейтапты стандарттык кароодон өткөрөт. Бирок атайын, тереңдетилген текшерүүдөн өтүүнү эч ким талап кылбайт.

Ошондой эле штабдан жогорку деңгээлдеги антитело болсо дагы вакцинадан баш тартпай эле койгон туура экенин кошумчалашты.

18
Белгилер:
эреже, антитело, тест, эмдөө, коронавирус
Тема:
Дүйнөгө жайылган коронавирус
Тема боюнча
Казак өкмөтү: Кыргызстанга вакцина берүү пландалган эмес
COVID-19ду бир маалда көп адамга жуктурган кубулуш аныкталды
Манас аэропортундагы учак

Кыргызстандан Грузияга түз учууга жол ачылды

29
(жаңыланган 13:29 24.06.2021)
Жаңы каттам үстүбүздөгү жылдын 17-июлунан баштап жумасына бир жолу жүргүзүлө турганы белгилүү болду.

БИШКЕК, 24-июн. — Sputnik. "Манас" эл аралык аэропорту Грузиянын Батуми шаарына түз каттам ачылганын кабарлады.

Бишкек — Батуми — Бишкек маршруту боюнча чартердик каттамды "Эйр Манас" авиакомпаниясы ишке ашырмакчы. Жаңы рейс ушул жылдын 17-июлунан тарта жумасына бир жолу (ишемби) каттай турганы белгилүү болду.

29
Белгилер:
Батуми, маршрутка, аэропорт, Грузия, каттам
Тема боюнча
Бишкектен Түркиянын Анталия шаарына жасалчу аба каттамдардын саны көбөйдү
Бишкек Ирандан келген алгачкы рейсти тосуп алды, эми түз учууга болот. Сүрөт
Кыргызстандын президенти Садыр Жапаров. Архив

Садыр Жапаров Түркмөнстанга барып, Тажикстанга да тие келери кабарланды

0
(жаңыланган 14:23 24.06.2021)
Мамлекет башчы 27-28-июнь күндөрү Түркмөнстанга барып, 28-29-июнда Тажикстанда кыргыз-тажик чек арасына байланыштуу маселелерди талкуулайт.

БИШКЕК, 24-июн. – Sputnik. Кыргызстандын президенти Садыр Жапаров 27-28-июнь күндөрү Түркмөнстанга расмий сапары менен барат. Бул тууралуу мамлекет башчынын аппаратынан билдиришти.

Маалыматка караганда, Жапаров Түркмөнстандын башчысы Гурбангулы Бердымухамедов менен тар жана кеңейтилген форматта жолугушуу өткөрөт.

“Эки өлкөнүн жетекчилери эки жана көп тараптуу кызматташууну, аймактык жана эл аралык уюмдардын алкагында иштешүүнү талкуулашат”, - деп айтылат маалыматта.

Ал эми 28-29-июнь күндөрү Садыр Жапаров Тажикстанга расмий сапары менен барып, Эмомали Рахмон менен жолугары кабарланды. Тараптар кыргыз-тажик чек арасына байланыштуу маселелерди талкуулашат.

Буга чейин Жапаровдун Тажикстанга барарын Sputnik Тажикстан жазган. 

0
Белгилер:
чек ара, расмий сапар, Тажикстан, Түркмөнстан, Кыргызстан
Тема боюнча
Садыр Жапаров июндун соңу менен Тажикстанга барат
Путиндин өкүлү Козак Бишкекке келип, Жапаровдун кабыл алуусунда болду