Аялдамада турган шаар тургундары

Мэрия: Бишкектеги маршрутка айдагандар бүгүн да жумушка чыккан жок

58
(жаңыланган 09:38 03.06.2021)
Бишкектин шаардык транспорт боюнча вице-мэри Русланбек Акылбеков кечээ айдоочулардын айрымдары каттамга чыгарын белгилеген.

БИШКЕК, 3-июн. — Sputnik. Бишкекте маршрутка айдоочулар бүгүн да жумушка чыгышкан жок. Бул тууралуу Sputnik Кыргызстанга мэриянын маалымат кызматы билдирди.

Ички иштер министрлиги, "Манас" эл аралык аэропорту жана "Дордой" ассоциациясы 15тен ашык автобустарды берип, алар шаар тургундарын акысыз ташыды. Линияда мэриянын 141 троллейбусу жана 110 автобусу эл ташып жатканы белгилүү болду.

Буга чейин ЖМКларда айдоочулар бир апта бою жумуш таштай турганы тууралуу маалыматтар жазылган. Мэрия маршруттук унааларга ээлик кылган фирмалар менен сүйлөшүүлөрдү жүргүзгөн, жыйынтыгы азырынча айтыла элек.

Бишкектин шаардык транспорт боюнча вице-мэри Русланбек Акылбеков КТРКнын эфиринен сүйлөп жатып айдоочулардын айрымдары линияга чыгууга даяр экенин белгилеген.

Кечээ, 2-июнда, Бишкекте маршрутка айдоочулары иш таштап, линияга чыгышкан эмес. Алар жол акыны көтөрүүнү талап кылышууда.

58
Белгилер:
иш таштоо, айдоочу, маршрутка, Бишкек
Тема:
Бишкекте маршрутка айдоочуларынын иш ташташы (37)
Тема боюнча
Маршрутка  айдоочулары бир жума бою ишке чыкпайбы? Мэриянын жообу
Бишкекте троллейбустар саат 23.00гө чейин иштемей болду
Эртең автобус менен троллейбустар кандай тартипте иштейт
Москвадагы эл аралык мамилелер институту. Архив

Москвадагы эл аралык мамилелер институтуна сунушталган КР жарандары. Тизме

44
(жаңыланган 00:10 25.06.2021)
Талапкерлерди министрликтин Сынактык тандап алуу боюнча комиссиясы аныктап, алардын ЖРТда алган упайы жана англис тили боюнча тестирлөөнүн жыйынтыгы эске алынган.

БИШКЕК, 24-июн. — Sputnik. КРдин Тышкы иштер министрлиги Эл аралык мамилелер боюнча Москва мамлекеттик институтуна кабыл алууга сунушталган кыргызстандыктардын тизмесин жарыялады.

Мекеменин маалымат кызматы абитуриенттерди тандоо иши Россия менен Кыргызстандын ТИМинин ортосундагы кызматташуу программасынын алкагында жүргүзүлгөндүгүн билдирди.

"Сынактык тандап алуу боюнча комиссия ЖРТнын жана англис тили боюнча тестирлөөнүн жыйынтыктарын алды. Ошондой эле тандалган багыттар боюнча эң жогорку баллга ээ болгон талапкерлердин тизмесин бекитти", — деп айтылат маалыматта.

Талапкерлердин тизмеси

Бакалавриат

  • Абдымаликова Айзада Абдымаликовна (багыты эл аралык мамилелер)
  • Чалбаев Ильдар Уланбекович (багыты эл аралык мамилелер)
  • Абылгазиева Айша Таалайбековна (багыты чет өлкөлүк аймак таануу)
  • Эрматова Саадат Сэйитбековна (багыты юриспруденция)
  • Мукаева Бермет Айдарбековна (багыты юриспруденция)
  • Маликова Дарин Маликовна (багыты экономика)

Магистратура

  • Бердиев Арген Равшанович (багыты эл аралык мамилелер)
  • Караева Айжана Мааданбековна (багыты юриспруденция).
44
Белгилер:
тизме, талапкер, Россия, Кыргызстан
Тема боюнча
МГИМО кыргызстандык абитуриенттерди кабыл алат. Шарт-талабы
Кыргызстандын 10 мыкты бүтүрүүчүсү тандап алган окуу жайлар
Россиялык университет кыргызстандык студенттерди кабыл алууда. Шарт-талабы
Вакцина алып жаткан кыз. Архив

Түркиянын вакцинасы Кыргызстанда сыналабы? Министрдин жообу

36
(жаңыланган 23:02 24.06.2021)
Түркиянын саламаттык сактоо министри Turcovac вакцинасынын үчүнчү фазадагы сыноосу Кыргызстанда өтө тургандыгын кабарлаган.

БИШКЕК, 24-июн. — Sputnik. Түркия коронавируска каршы вакцинасын үч өлкөдө сынайт, анын ичинде Кыргызстан да бар. Бул тууралуу саламаттык сактоо министри Фахреттин Кожага шилтеме кылып жергиликтүү ЖМКлар жазып чыкты. Буга чейин Түркиянын президенти Режеп Тайип Эрдоган ата мекендик вакцинанын үчүнчү фазадагы сыноосу башталгандыгын айткан.

"Үчүнчү фазадагы изилдөөгө 40 миң 800 ыктыярчы катышат. Сыноолор Венгрия, Азербайжан жана Кыргызстанда жүргүзүлөт. Биз тизмеге дагы башка мамлекеттерди кошууга аракет кылып жатабыз", — деген министр.

Бул маалымат боюнча Кыргызстандын саламаттык сактоо жана социалдык өнүктүрүү министри Алымкадыр Бейшеналиев төмөнкүлөрдү билдирди.

"Түрк тарап сунуштап жатат, бирок биз алардын шарттарын билгибиз келет. Азырынча кат алмашуу гана болууда", — деди министр.

Препарат кооптуу эмеспи деген суроого Бейшеналиев "кооптуулук болушу мүмкүн" деп жооп берди.

Ал ошондой эле ортодо эч кандай макулдашуу жок экендигин кошумчалады.

Эске сала кетсек, учурда кыргызстандыктар коронавируска каршы россиялык "Спутник V" жана кытайлык Sinopharm менен эмделип жатышат.

36
Белгилер:
сыноо, вакцина, Түркия, Кыргызстан
Тема:
Коронавируска каршы эмдөө
Тема боюнча
Акылбек Жапаров: өлкөдө элдин 0,7%ы гана вакцина алды, бул — биздин трагедия
Казак өкмөтү: Кыргызстанга вакцина берүү пландалган эмес