Саламаттык сактоо жана социалдык өнүктүрүү министри Алымкадыр Бейшеналиев. Архив

Министр: ооруканаларда уу коргошун колдонбой калдык, анализ эки өлкөгө жөнөтүлдү

237
(жаңыланган 14:39 03.06.2021)
Бекешев "чет өлкөлүктөр күлгөн жокпу, олуттуу эле кабыл алыштыбы" деп сурады. Аны менен катар министрге ишине кылдат мамиле кылып уят кылган мындай иштерди чыгарбоону сунуштады.

БИШКЕК, 3-июн. — Sputnik. Уу коргошунду клиникалык сыноодон өткөрүп, анализдерди Казакстан менен Россияга жөнөттүк. Бул туурасында саламаттык сактоо жана социалдык өнүктүрүү министри Алымкадыр Бейшеналиев парламенттин жыйынында билдирди.

Ошондой эле ал учурда мамлекеттик ооруканаларда коронавирустан дарылоо үчүн уу коргошун колдонулбай калганын айтты.

Депутат Дастан Бекешев анда буга чейин эмнеге жарнамалап, ооруканаларда колдонуп келишкенин сурады.

"Буга чейин 400 кишиге берип, клиникалык сыноодон өткөргөндөн кийин токтотконбуз. Бардык анализдер Казакстан, Россиядагы академиктерге жөнөтүлдү. Учурда резюмесин күтүп жатабыз. Биз оорунун жеңил жана орточо түрү менен ооругандарга (уу коргошун — ред.) бердик. Какырык чыгарып, иммунитетти көтөрөт экен, бардык анализдерди жөнөттүк", — деди Бейшеналиев.

Андан соң Бекешев "чет өлкөлүктөр күлгөн жокпу, олуттуу эле кабыл алыштыбы" деп сурады. Аны менен катар министрге ишине кылдат мамиле кылып мындай уят иштерди чыгарбоону сунуштады.

Ал эми Бейшеналиев айтылган эскертүүлөрдү эске алууну убадалады.

237
Белгилер:
коронавирус, сыноо, уу коргошун, Дастан Бекешев, Алымкадыр Бейшеналиев
Тема:
Уу коргошун чуусу (26)
Тема боюнча
Министр Бейшеналиев: менден өткөн мыкты адис табылса креслону бошотуп берем
Жапаров менен Путин расмий сүйлөшүү учурунда уу коргошун тууралуу сөз кылган эмес
Бейшеналиев: "Ысык-Көл тамырына" жасалган клиникалык тажрыйба соңуна чыкты
Жалал-Абадда жол кырсыктарын алдын алууга багытталган баннерлер илинди

Жалал-Абад: жол кырсыктарын алдын алуу үчүн баннерлер илинип, кеңештер айтылды

4
(жаңыланган 15:08 24.06.2021)
Облустук жол кыймылынын коопсуздугун камсыздоо бөлүмү акыркы мезгилде адам өлүмүнө алып келген жол кырсыктары көбөйгөнүн кабарлады.

БИШКЕК, 24-июн. — Sputnik. Жалал-Абадда жол кырсыктарын алдын алууга багытталган баннерлер илинди. Бул тууралуу Sputnik агенттигине облустук жол кыймылынын коопсуздугун камсыздоо бөлүмүнүн өкүлү Айбек Сатыбалдиев билдирди.

  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Жалал-Абадда жол кырсыктарын алдын алууга багытталган баннерлер илинди
    © Фото / Зульфия Тургунова
  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Акыркы мезгилде адам өлүмүнө алып келген жол кырсыктары көп катталып жатканы белгиленди
  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Баннерлер демөөрчүлөр менен биргеликте илинди
    © Фото / Зульфия Тургунова
  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Ошондой эле Жалал-Абаддын ЖКККБсы айдоочуларды жол кыймылынын эрежелерин так сактап жүрүүгө чакыруу менен бир катар кеңештерди берди: рулга отургандан кийин коопсуздук курун тагыныңыз жана жүргүнчүлөр да байлаганын текшериңиз.
    © Фото / Зульфия Тургунова
1 / 4
© Фото / Зульфия Тургунова
Жалал-Абадда жол кырсыктарын алдын алууга багытталган баннерлер илинди

Акыркы мезгилде адам өлүмүнө алып келген жол кырсыктары көп катталып жатканы белгиленди. Баннерлер демөөрчүлөр менен биргеликте илинди. Ошондой эле Жалал-Абаддын ЖКККБсы айдоочуларды жол кыймылынын эрежелерин так сактап жүрүүгө чакыруу менен бир катар кеңештерди берди: рулга отургандан кийин коопсуздук курун тагыныңыз жана жүргүнчүлөр да байлаганын текшериңиз.

  • Кичинекей балдарды бою, салмагына жараша атайын ылайыкташтырылган олтургучка отургузуңуз;
  • ылдамдыктын чегин билип, аралыкты сактаңыз. Бул эрежелерди унутуу далай каргашага алып келерин статистика да көрсөтүүдө;
  • чарчап же өзүңүздү жаман сезип жатсаңыз рулга отурбаңыз. Ошондой эле ичимдик ичип алып автоунаа айдайм деп такыр ойлобоңуз, кесепети чоң;
  • унааны абайлап, эч нерсеге алаксыбай кылдаттык менен айдаңыз. Уюлдук телефон менен рулда баратып сүйлөшпөңүз;
  • жолду карап тыюу салынган аймактарга, жерлерге көңүл буруңуз;
  • унааңыздын техникалык абалына көз салыңыз, мүчүлүштүктөр болсо рулду башкарбаңыз;
  • автоунааңыздын ичинде биринчи жардам кутучасы (аптечка), караңгыда чагылышып турган жилет жана өрт өчүргүч болгону жакшы;
  • жөө жүрүүчүлөр өтүүчү жол кооптуу жер экендигин унутпаңыз. Мындай жакка жакындаганда айдоочу ылдамдыгын алдын ала азайтып, өзүн колго алышы зарыл.
4
Белгилер:
автоунаа, айдоочу, кеңеш, баннер, жол кырсык, Жалал-Абад облусу
Тема боюнча
Ысык-Көл милициясы эс алууга келген чет элдиктерге 7 кеңеш берди
Жамгыр учурунда көчөдө бараткан коммуналдык кызматкер. Архив

Шашылыш билдирүү! Эртең-бүрсүгүнү айрым аймактарда сел жүрөт

21
(жаңыланган 14:44 24.06.2021)
ӨКМ 25-26-июнда республиканын тоолуу жана тоо этектериндеги райондорунда аба ырайы өзгөрүп, нөшөрлөп жаан жаай турганын айтты.

БИШКЕК, 24-июн. — Sputnik. Өзгөчө кырдаалдар министрлиги өлкөнүн айрым аймактарында сел жүрүшү мүмкүн экенин эскертти.

Ага ылайык, 25-26-июнда республиканын тоолуу жана тоо этектериндеги аймактарында аба ырайы өзгөрүп, нөшөрлөп жаан жаайт. Буга байланыштуу сел жүрүшү мүмкүн.

Ушул жума ичиндеги аба ырайы тууралуу синоптиктер кенен маалымат берген.

21
Белгилер:
сел, жаан-чачын, аба ырайы, ӨКМ
Тема боюнча
Маал-маалы менен өткүн өтүп турат. Бир жумага карата аба ырайы