Маршруткалар. Архив

Мэрияда Бишкектин транспорт көйгөйүн чече турган долбоор каралбай жатканы айтылды

76
(жаңыланган 14:39 03.06.2021)
Экономика жана финансы министрлигинин алдындагы МЖӨ борборунун өкүлдөрү долбоор тууралуу маалымат берип, демилге каралбай жатканын кошумчалашты.

БИШКЕК, 3-июн. — Sputnik. Бишкек мэриясында транспорттук көйгөйлөрдү чечүүгө багытталган мамлекеттик-жеке өнөктөштүк (МЖӨ) боюнча долбоор 2017-жылдан бери турат. Бул тууралуу Экономика жана финансы министрлигинин алдындагы МЖӨ борборунан билдиришти.

"Бишкектеги шаардык транспортту жакшыртуу" долбоору боюнча демилге төрт жыл мурда көтөрүлгөн. Борбордун маалыматына ылайык, долбоор каттамдардагы кичи автобустардын ордуна жаңы автобус, троллейбустарды пайдаланып, ал эми кичи маршруткаларды Бишкектин чет жакаларына таратууга багытталган.

Адистер тарабынан даярдалган техникалык-экономикалык негиздемеге ылайык, кичи автобустар шаардын сыртына каттап, жүргүнчү терминалдары аркылуу тармакка туташтырылат.

Жалпысынан 220 троллейбус (170 оперативдүү, 50 резерв) жана 490 автобус (380 оперативдүү жана 110 резерв) керектелет. Учурдагы миңдеген маршруттук таксилердин саны бир нече жүзгө чейин кыскарат. Бул борбор калаанын экологиялык абалына да пайдалуу болору долбоордо белгиленген.

МЖӨ борборунун маалыматына ылайык, долбоордо маршруттук тармакты оптимизациялоо каралган. Анда шаардын негизги жолдорунда тыгындарды пайда кылган айрым параллель маршруттардын саны кыскартылат.

Аталган борбордун өкүлдөрү мэрия долбоордун андан аркы тагдыры тууралуу позициясын айта электигин кошумчалашты.

Кечээ, 2-июнда, Бишкекте маршрутка айдоочулары иш таштап, линияга чыгышкан эмес. Алар жол акыны көтөрүүнү талап кылышууда. Акция бүгүн да уланып жатат.

76
Белгилер:
Бишкек, Бишкек мэриясы, Мамлекеттик-жеке өнөктөштүк, автобус, маршрутка
Тема:
Бишкекте маршрутка айдоочуларынын иш ташташы (37)
Тема боюнча
Кырдаалдан пайдаланбагыла! Мэрия такси айдоочуларына кайрылды
Кайгуул милициясы Бишкектеги тыгындын себебин айтты
Москвадагы эл аралык мамилелер институту. Архив

Москвадагы эл аралык мамилелер институтуна сунушталган КР жарандары. Тизме

45
(жаңыланган 00:10 25.06.2021)
Талапкерлерди министрликтин Сынактык тандап алуу боюнча комиссиясы аныктап, алардын ЖРТда алган упайы жана англис тили боюнча тестирлөөнүн жыйынтыгы эске алынган.

БИШКЕК, 24-июн. — Sputnik. КРдин Тышкы иштер министрлиги Эл аралык мамилелер боюнча Москва мамлекеттик институтуна кабыл алууга сунушталган кыргызстандыктардын тизмесин жарыялады.

Мекеменин маалымат кызматы абитуриенттерди тандоо иши Россия менен Кыргызстандын ТИМинин ортосундагы кызматташуу программасынын алкагында жүргүзүлгөндүгүн билдирди.

"Сынактык тандап алуу боюнча комиссия ЖРТнын жана англис тили боюнча тестирлөөнүн жыйынтыктарын алды. Ошондой эле тандалган багыттар боюнча эң жогорку баллга ээ болгон талапкерлердин тизмесин бекитти", — деп айтылат маалыматта.

Талапкерлердин тизмеси

Бакалавриат

  • Абдымаликова Айзада Абдымаликовна (багыты эл аралык мамилелер)
  • Чалбаев Ильдар Уланбекович (багыты эл аралык мамилелер)
  • Абылгазиева Айша Таалайбековна (багыты чет өлкөлүк аймак таануу)
  • Эрматова Саадат Сэйитбековна (багыты юриспруденция)
  • Мукаева Бермет Айдарбековна (багыты юриспруденция)
  • Маликова Дарин Маликовна (багыты экономика)

Магистратура

  • Бердиев Арген Равшанович (багыты эл аралык мамилелер)
  • Караева Айжана Мааданбековна (багыты юриспруденция).
45
Белгилер:
тизме, талапкер, Россия, Кыргызстан
Тема боюнча
МГИМО кыргызстандык абитуриенттерди кабыл алат. Шарт-талабы
Кыргызстандын 10 мыкты бүтүрүүчүсү тандап алган окуу жайлар
Россиялык университет кыргызстандык студенттерди кабыл алууда. Шарт-талабы
Вакцина алып жаткан кыз. Архив

Түркиянын вакцинасы Кыргызстанда сыналабы? Министрдин жообу

36
(жаңыланган 23:02 24.06.2021)
Түркиянын саламаттык сактоо министри Turcovac вакцинасынын үчүнчү фазадагы сыноосу Кыргызстанда өтө тургандыгын кабарлаган.

БИШКЕК, 24-июн. — Sputnik. Түркия коронавируска каршы вакцинасын үч өлкөдө сынайт, анын ичинде Кыргызстан да бар. Бул тууралуу саламаттык сактоо министри Фахреттин Кожага шилтеме кылып жергиликтүү ЖМКлар жазып чыкты. Буга чейин Түркиянын президенти Режеп Тайип Эрдоган ата мекендик вакцинанын үчүнчү фазадагы сыноосу башталгандыгын айткан.

"Үчүнчү фазадагы изилдөөгө 40 миң 800 ыктыярчы катышат. Сыноолор Венгрия, Азербайжан жана Кыргызстанда жүргүзүлөт. Биз тизмеге дагы башка мамлекеттерди кошууга аракет кылып жатабыз", — деген министр.

Бул маалымат боюнча Кыргызстандын саламаттык сактоо жана социалдык өнүктүрүү министри Алымкадыр Бейшеналиев төмөнкүлөрдү билдирди.

"Түрк тарап сунуштап жатат, бирок биз алардын шарттарын билгибиз келет. Азырынча кат алмашуу гана болууда", — деди министр.

Препарат кооптуу эмеспи деген суроого Бейшеналиев "кооптуулук болушу мүмкүн" деп жооп берди.

Ал ошондой эле ортодо эч кандай макулдашуу жок экендигин кошумчалады.

Эске сала кетсек, учурда кыргызстандыктар коронавируска каршы россиялык "Спутник V" жана кытайлык Sinopharm менен эмделип жатышат.

36
Белгилер:
сыноо, вакцина, Түркия, Кыргызстан
Тема:
Коронавируска каршы эмдөө
Тема боюнча
Акылбек Жапаров: өлкөдө элдин 0,7%ы гана вакцина алды, бул — биздин трагедия
Казак өкмөтү: Кыргызстанга вакцина берүү пландалган эмес