Аткаминерлер. Архив

Маршрутка көйгөйү: Бишкек шаардык кеңешинин азыркы депутаттары маселени чече алабы

101
(жаңыланган 15:08 03.06.2021)
Бишкек шаардык кеңешине шайлоо 11-июлга белгиленген. Буга чейинки шайлоо 11-апрелде өтүп, бир нече мыйзам бузуулар катталгандыктан анын жыйынтыгы жокко чыгарылган.

БИШКЕК, 3-июн — Sputnik. Бишкек шаардык кеңеши маршруткалардын тарифи боюнча маселени кароо үчүн качан жыйын өткөрүшү мүмкүн экенин маалымат кызматынан кабарлашты. 

Билдирүүгө ылайык, мурдагы депутаттардын мөөнөтү дагы деле аяктай элек. Мыйзамга ылайык, алар келерки чакырылыштын биринчи сессиясына чейин эл өкүлү болуп эсептелишет. Ошондой эле бул чакырылыштын кароосуна мэрия бүгүн баа саясаты боюнча токтомду киргизгени кошумчаланды.

"Эреже боюнча, документ бир ай коомдук талкууга коюлат. Ал биздин сайтка илинди. Каалоочулар таанышып көрсө болот. Андан соң мэриянын тармактык комиссиясы карап чыгат. Анткени комиссиянын бүтүмү болмоюнча токтом сессияда каралбайт", — деп айтылат билдирүүдө.

Ошондой эле маалымат кызматтан кезексиз жыйын боюнча төмөнкүчө деп түшүндүрүштү:

"Бишкек шаардык кеңешинин регламентине ылайык, бүгүн көтөрүлүп жаткандай нормативдик-укуктук багыттагы маселелер кезексиз жыйында каралбайт", — дешти шаардык кеңештен.

Эске салсак, кечээ, 2-июнда, Бишкекте бардык маршрутка айдоочулары ишке чыкпай, автобус, троллейбустар гана каттаган. Маршрутка айдоочулары мэрия менен шаардык кеңеш жол кирени азыркыга чейин көтөрбөй жатканына нааразы. Буга чейин да алар иш таштап, жол кирени 10 сомдон 15 сомго кымбаттатууну талап кылышкан.

Муниципалитет жол кирени көбөйтүү шаардык кеңештин депутаттары чогулгандан кийин гана карала турганын билдирген болчу. Белгилей кетсек, Бишкек шаардык кеңешине шайлоо 11-июлга белгиленген. Буга чейинки шайлоо 11-апрелде өтүп, бир нече мыйзам бузуулар катталгандыктан анын жыйынтыгы жокко чыгарылган.

Ошол эле учурда Бишкектин транспорттук блок боюнча вице-мэри Руслан Акылбеков маалымат жыйыны учурунда шаардык кеңештин депутаттарынын азыркы курамын чогултууга аракет болуп жатканын айткан эле.

Айдоочулар бүгүн дагы ишке чыккан жок.

101
Белгилер:
маршрутка, кезексиз жыйын, шаардык кеңеш, Бишкек мэриясы
Тема:
Бишкекте маршрутка айдоочуларынын иш ташташы (37)
Тема боюнча
Үнүбүз элге жетпей жатат. Маршруткалардын айдоочулары үн катты
Мэрияда Бишкектин транспорт көйгөйүн чече турган долбоор каралбай жатканы айтылды
Жамгыр учурунда көчөдө бараткан коммуналдык кызматкер. Архив

Шашылыш билдирүү! Эртең-бүрсүгүнү айрым аймактарда сел жүрөт

12
(жаңыланган 14:44 24.06.2021)
ӨКМ 25-26-июнда республиканын тоолуу жана тоо этектериндеги райондорунда аба ырайы өзгөрүп, нөшөрлөп жаан жаай турганын айтты.

БИШКЕК, 24-июн. — Sputnik. Өзгөчө кырдаалдар министрлиги өлкөнүн айрым аймактарында сел жүрүшү мүмкүн экенин эскертти.

Ага ылайык, 25-26-июнда республиканын тоолуу жана тоо этектериндеги аймактарында аба ырайы өзгөрүп, нөшөрлөп жаан жаайт. Буга байланыштуу сел жүрүшү мүмкүн.

Ушул жума ичиндеги аба ырайы тууралуу синоптиктер кенен маалымат берген.

12
Белгилер:
сел, жаан-чачын, аба ырайы, ӨКМ
Тема боюнча
Маал-маалы менен өткүн өтүп турат. Бир жумага карата аба ырайы
Медициналык кызматкер вакцина менен шприцти кармап турат. Архив

COVID: эмделер алдында антителого тест тапшыруунун зарылдыгы барбы

25
(жаңыланган 13:42 24.06.2021)
Адистердин айтымында, жогорку деңгээлдеги антитело вакцинадан баш тартуу керек дегенди түшүндүрбөйт.

БИШКЕК, 24-июн. — Sputnik. COVID-19га каршы вакцина алардан мурда антителонун бар же жогун аныктоо үчүн тест тапшыруу зарыл эмес. Бул тууралуу Москва шаарынын коронавируска каршы ыкчам штабынан билдиришти.

Маалыматка караганда, эмдөө алдында дарыгер бейтапты стандарттык кароодон өткөрөт. Бирок атайын, тереңдетилген текшерүүдөн өтүүнү эч ким талап кылбайт.

Ошондой эле штабдан жогорку деңгээлдеги антитело болсо дагы вакцинадан баш тартпай эле койгон туура экенин кошумчалашты.

25
Белгилер:
эреже, антитело, тест, эмдөө, коронавирус
Тема:
Дүйнөгө жайылган коронавирус
Тема боюнча
Казак өкмөтү: Кыргызстанга вакцина берүү пландалган эмес
COVID-19ду бир маалда көп адамга жуктурган кубулуш аныкталды