Мамлекет башчы Садыр Жапаров өлкөнүн билим берүү жана илим министри Болотбек Купешев менен

Окуучулардын адебине басым жасоо керек. Жапаров билим берүү министрин кабыл алды

110
(жаңыланган 15:43 03.06.2021)
Президент менен министр бир нече маселени талкуулаган. Анын ичинде Россия салып берчү мектептердин курулуш иштери тууралуу да кеп болгон.

БИШКЕК 3-июн.— Sputnik. Мамлекет башчы Садыр Жапаров бүгүн, 3-июнда, өлкөнүн билим берүү жана илим министри Болотбек Купешевди кабыл алды. Бул тууралуу президенттин маалымат кызматы кабарлады.

Анда илимий кадрдык мүмкүнчүлүк, билим берүү системасын санариптештирүү, билим берүү жана илим жаатындагы мыйзамдарды инвентаризациялоо маселеси талкууланган.

Мамлекет башчы баланын инсан катары калыптанышында негизги этап болгон жетилүүнүн жана мектепке чейинки билим берүүнүн маанилүүлүгүн белгилеген.

"Президент балдарды кичинесинен активдүү кылып өстүрүү керектигин белгилеп, бул мектепте, кесиптик билим алууда ийгиликтүү окууга жана иштеп кетүүгө кепилдик болорун кошумчалады. Жапаров билим берүүнү өнүктүрүү боюнча 2030-жылга чейин бекитилген концепцияны андан ары жайылтуу зарылдыгына токтолду", — деп айтылат маалыматта.

Мамлекет башчы мектептерде электрондук кезекке тургузуу тутумун жакшыртып, бул процессти айрыкча Бишкек шаарында натыйжалуу жана ачык-айкын жүргүзүү зарылдыгын кошумчалаган.

"Жалпысынан билим берүү системасынын деңгээлин жана ага болгон элдин ишенимин жогорулатуу өтө маанилүү. Ошондой эле негизги баалуулуктарды калыптандырып, адептүү инсанды тарбиялоо үчүн адеп-ахлакты өнүктүрүү боюнча предметтерди киргизүү зарыл", — деген Жапаров.

Билим берүү министри "Инсандын руханий-адеп-ахлактык өнүгүүсү жана дене тарбиясы жөнүндө" жарлыкка ылайык, этика, эстетика боюнча предметтер киргизилип жатканын белгилеген.

Министр Купешев Россиянын жардамы менен курула турган орус тилдүү мектептердин долбоорун ишке ашыруу кайсы этапта экенин да айткан. Аларды салуу үчүн жер тилкелери аныкталган. Биринчи этапта Ош, Каракол шаарларында жана Чүй облусунун Сокулук районунда үч мектептин курулушун баштоо чечими кабыл алынган.

Министр образования и науки страны Болотбек Купешев на встрече с президентом КР. 03 июня 2021 года
© Пресс-служба президента КР / Султан Досалиев
Өлкөнүн билим берүү жана илим министри Болотбек Купешев
"Андан кийин курулуш иштери Баткен облусунун Баткен шаарында, Талас облусунун Манас районунда, Нарын облусунун Нарын шаарында, Жалал-Абад шаарында, Ош облусунун Өзгөн районунда жана Бишкек шаарындагы калктуу конуштардын биринде башталат", — деп жазылат маалыматта.

Жолугушуунун жыйынтыгында Жапаров Купешевге Кыргызстандагы илим жана билим берүү чөйрөсүн мындан ары өркүндөтүү боюнча бир катар конкреттүү милдеттерди койгон.

110
Белгилер:
жолугушуу, Болотбек Купешев, Садыр Жапаров, Кыргызстан
Тема боюнча
Президент Жапаров аз камсыз болгон үй-бүлөлөрдүн балдары менен жолукту
Аттестаты особого образца Алтын тамга для выпускникам школ. 25 июня 2021 года

Бишкектик 99 бүтүрүүчү жаңы үлгүдөгү "Алтын тамга" аттестатын алды. Сүрөт

7
(жаңыланган 15:08 25.06.2021)
Мектепти жакшы баа менен аяктагандарды шаардын мэринин милдетин аткаруучу Бактыбек Кудайбергенов куттуктап, документ менен кошо акылдуу саат тапшырды.

БИШКЕК, 25-июн. — Sputnik. Бишкектеги билим берүү мекемелерин аяктаган 99 балага жаңы үлгүдөгү "Алтын тамга" аттестаты тапшырылды. Бул тууралуу мэриянын маалымат кызматы кабарлады.

Салтанаттуу иш-чара Абдылас Малдыбаев атындагы опера жана балет театрында өттү. Мектепти жакшы баа менен аяктаган бүтүрүүчүлөрдү шаардын мэринин милдетин аткаруучу Бактыбек Кудайбергенов куттуктап, документ менен кошо акылдуу саат тапшырды. Ал эми бүтүрүүчүлөр шаар башчысына өз колдору менен жасаган белекти беришкен. Анда шаардын символу болгон илбирстин сүрөтү кийизге түшүрүлгөн.

Иш-чара бардык санитардык-эпидемиологиялык эрежелерди сактоо менен өткөрүлдү.

7
Белгилер:
"Алтын тамга" аттестаты, тапшыруу, аттестат, бүтүрүүчү, Бишкек мэриясы
Тема боюнча
Министрлик жогорку окуу жайга тапшыруунун босого баллын белгиледи
ЖРТнын жыйынтыгы менен алтын сертификат алгандар. Тизме
QazVac вакцинасы. Архивдик сүрөт

Элчи менен сүйлөшкөнбүз. Министр Бейшеналиев QazVac вакцинасы тууралуу

13
(жаңыланган 15:08 25.06.2021)
Буга чейин Бейшеналиев өлкөгө казакстандык QazVac вакцинасы алып келинерин айткан. Көп өтпөй коңшу өлкөнүн өкмөтү бул маалыматты төгүндөгөн.

БИШКЕК, 25-июн. — Sputnik. Саламаттык сактоо жана социалдык өнүктүрүү министри Алымкадыр Бейшеналиев Казакстандын коронавируска каршы QazVac вакцинасы боюнча боюнча түшүндүрмө берди.

"Биз Казакстандын Кыргызстандагы элчиси менен сүйлөшкөнүбүздө вакцина берилет деп айткан", — деди министр.

Эске салсак, Бейшеналиев өтүп бара жаткан жуманын ичинде өлкөгө казакстандык QazVac вакцинасы алып келинерин айткан. Болгондо дагы жума же ишемби күнү вакцинанын 50 миң дозасы гумжардам катары келерин баса белгилеген.

Көп өтпөй коңшу өлкөнүн вице-премьери Ералы Тугжанов менен саламаттык сактоо министри Алексей Цой бул маалыматты төгүндөгөн. Алар Казакстан жакынкы айларда эч бир өлкөгө коронавируска каршы QazVac вакцинасын бербей турганын, бул тууралуу сөз дагы болбогонун билдиришкен.

13
Белгилер:
вакцина, Казакстан, коронавирус, Алымкадыр Бейшеналиев
Тема боюнча
Казак өкмөтү: Кыргызстанга вакцина берүү пландалган эмес
Акылбек Жапаров: өлкөдө элдин 0,7%ы гана вакцина алды, бул — биздин трагедия