Президент Садыр Жапаровдун маалымат катчысы Эрбол Султанбаев. Архивдик сүрөт

Жапаровдун маалымат катчысы: ЖМКлар менен болушунча тыгыз иштешебиз

92
(жаңыланган 16:47 03.06.2021)
Алты айдан бери иштелип жаткан Кыргызстандын маалымат саясаты боюнча долбоордун концепциясы бүгүн коомчулукка жарыяланды.

БИШКЕК, 3-июн. — Sputnik. Президент Садыр Жапаровдун маалымат катчысы Эрбол Султанбаев Жалпыга маалымдоо каражаттары менен мүмкүн болушунча тыгыз кызматташып, зарыл деген маалыматтарды берип турарын айтты.

Кыргызстандын маалымат саясаты боюнча алты айдан бери иштелип жаткан долбоордун концепциясы бүгүн коомчулукка жарыяланып, ал үчүн атайын улуттук медиа форум өттү.

Султанбаев форумда сүйлөп жатканда ЖМКлар менен мамлекеттик органдардын кызматташуусу үчүн алардын ортосунда жаңы ыкмаларды иштеп чыгуу зарылдыгын билдирди.

"Жаңы концепциянын өзөгүндө сөз эркиндигинин принциптери киргизилиши керектигин белгилеп кетмекчимин. Бул мамлекеттин Баш мыйзамында так айтылган. Мен президенттин маалымат катчысы кызматында мындай салмактуу медиа коомчулук менен биринчи ирет кезигип отурам жана сиздерге мүмкүнчүлүккө жараша жакын болуп, зарыл болгон маалыматтарды берип турууга өзүмдүн атымдан ишендирип кетейин. Бирок бардык ЖМКлардын өкүлдөрүн мамлекеттик органдардан тактап алып, шексиз, туура маалыматтарды берүүгө чакырам", — деди маалымат катчы.

"Маалымат саясатын иштеп чыгуу концепциясы: мамлекет менен медианын диалогу" деп аталган улуттук медиафорум "Медиа диалог" долбоорунун күчү менен уюштурулган. Аны Европалык биримдик Маданият, маалымат, спорт жана жаштар саясаты министрлиги менен биргеликте уюштурган.

Концепция диалогу 2021-2025-жылдар үчүн кабыл алынган. Долбоордун документи алты айдан ашуун убакытта кызыкдар болгон тараптардын кеңири курамында иштелип чыккан. Ага контент өндүрүүчүлөрдүн, медиа уюмдардын, мамлекеттик жана жергиликтүү өзүн-өзү башкаруу органдарынын өкүлдөрү катышкан. Андан тышкары коомдук жана бизнес уюмдарынан, билим берүү мекемелеринен келген.

Концепция Кыргызстандын маалыматтык суверенитетин камсыз кылуу жана медиа секторду өнүктүрүү, сөз эркиндиги менен пикирлердин ар түрдүүлүгүн коргоо үчүн шарт түзүүгө арналган.

Бул документ орто мөөнөттөгү келечекке карата өлкөнүн маалымат саясатынын максаттары жана милдеттери, анын ичинде медиадагы пикирлердин ар түрдүүлүгүнө жана рынок мамилелеринин өнүгүшүнө өбөлгө түзүүчү мамлекеттик жөнгө салуу чаралары боюнча тараптардын бирдиктүү пикирин билдирет.

2021-жылдан 2025-жылга чейинки мөөнөткө карата Кыргыз Республикасынын Маалымат саясатынын концепциясынын долбоору андан аркы коомдук талкуу үчүн http://kyrgyz.media/ сайтында жайгаштырылган. Сунуштар менен комментарийлерди kyrgyzmediakit@gmail.com дареги боюнча Кыргыз Республикасынын Маданият, маалымат, спорт жана жаштар саясаты министрлигинин жетектөөчү адиси Гүлнур Осмоналиевага жиберсе болот.

92
Белгилер:
концепция, контент, форум, Медиа, ЖМК, Кыргызстан
Тема боюнча
Төрт кодексти өзгөртүү боюнча мыйзам долбоору коомдук талкууга коюлду
Медициналык кызматкер вакцина менен шприцти кармап турат. Архив

COVID: эмделер алдында антителого тест тапшыруунун зарылдыгы барбы

14
(жаңыланган 13:42 24.06.2021)
Адистердин айтымында, жогорку деңгээлдеги антитело вакцинадан баш тартуу керек дегенди түшүндүрбөйт.

БИШКЕК, 24-июн. — Sputnik. COVID-19га каршы вакцина алардан мурда антителонун бар же жогун аныктоо үчүн тест тапшыруу зарыл эмес. Бул тууралуу Москва шаарынын коронавируска каршы ыкчам штабынан билдиришти.

Маалыматка караганда, эмдөө алдында дарыгер бейтапты стандарттык кароодон өткөрөт. Бирок атайын, тереңдетилген текшерүүдөн өтүүнү эч ким талап кылбайт.

Ошондой эле штабдан жогорку деңгээлдеги антитело болсо дагы вакцинадан баш тартпай эле койгон туура экенин кошумчалашты.

14
Белгилер:
эреже, антитело, тест, эмдөө, коронавирус
Тема:
Дүйнөгө жайылган коронавирус
Тема боюнча
Казак өкмөтү: Кыргызстанга вакцина берүү пландалган эмес
COVID-19ду бир маалда көп адамга жуктурган кубулуш аныкталды
Манас аэропортундагы учак

Кыргызстандан Грузияга түз учууга жол ачылды

17
(жаңыланган 13:29 24.06.2021)
Жаңы каттам үстүбүздөгү жылдын 17-июлунан баштап жумасына бир жолу жүргүзүлө турганы белгилүү болду.

БИШКЕК, 24-июн. — Sputnik. "Манас" эл аралык аэропорту Грузиянын Батуми шаарына түз каттам ачылганын кабарлады.

Бишкек — Батуми — Бишкек маршруту боюнча чартердик каттамды "Эйр Манас" авиакомпаниясы ишке ашырмакчы. Жаңы рейс ушул жылдын 17-июлунан тарта жумасына бир жолу (ишемби) каттай турганы белгилүү болду.

17
Белгилер:
Батуми, маршрутка, аэропорт, Грузия, каттам
Тема боюнча
Бишкектен Түркиянын Анталия шаарына жасалчу аба каттамдардын саны көбөйдү
Бишкек Ирандан келген алгачкы рейсти тосуп алды, эми түз учууга болот. Сүрөт

Саясатташкан айбанаттар. Желек "уурдаган" токой жаныбарынын видеосу

0
Кадимки эле кемчеттин паркка сайып койгон желектин таяктарын түбү менен сууруп алып, шашып, күч менен сүйрөп бараткан учуру интернетке тарады.

"National Geographic Россия" сайтынын маалыматына караганда, канадалык сүрөтчү Майк Дигаут паркка желекти сайып коюп, ага келген кемчетти видеого тартууну көздөгөн. Бирок маалыматта анын планы эки эсе майнаптуу болуп, жаныбар "саясатташып кетип" ал тургай желекти ийинин көздөй сүйрөп жөнөгөн.

Видеодогу каарманды аты Spud (Картофелина) жана бир жашта экени айтылды.

Кадрдан анын басып келип, жыгачка сайылган желекти айландыра карап, андан соң эки буттап тура калып, жетүүгө аракет кылганын көрүүгө болот. Анысы майнаптуу болбогондон кийин сайылып турган таякты жулууга тырмышып жатып, тиштегилеп да жиберип, акыры максатына жеткен.

Анын желек байланган таяктардын бирин тиштеп алып чуркап кетүүгө аракет кылып жаткан жеринен видео бүтүп калган.

"Spud —жергиликтүү сүрөтчүлөрдүн сүймөнчүгү, кишилерден коркпойт жана паркта пайда болгон жаңы объектилерди кызыгуу менен карап чыгат", — деп жазылган сайтта.

Анын адамдардан чочубаганы сүрөтчүлөрдүн кызыктуу ирмемдерди кармашына жакшы мүмкүнчүлүк түзүп берери да айтылган.

0
Белгилер:
желек, видео, Канада
Тема боюнча
Кескелдирикти кебелбей жутуп койгон кобранын видеосу
Илбирс камераны аз жерден чайнап кое жаздады. Видео