Ооруканадагы аялдар. Архивдик сүрөт

КРде онкологиялык илдеттер боюнча каттоодо тургандардын 98 пайызы аялдар

48
Рактын кайсы түрү кеңири тараганын айта кетсек, биринчи орунда тамак сиңирүү органдарынын залалдуу шишиги турат.

БИШКЕК, 4-июн. — Sputnik. 2020-жылдын аягындагы маалымат боюнча, республиканын онкологиялык мекемелеринде 20 миңден ашык адам каттоодо турат. Алардын 98 пайыздан ашыгы аялдар экенин Улуттук статистика комитети кабарлады.

Маалыматка караганда, Кыргызстанда адам өмүрүн алган оорулардын сап башында кан айлануу системасынын илдеттери турат. Андан кийин эле биз сөз кылып жаткан залалдуу шишиктер орун алган.

Рактын кайсы түрү кеңири тараганын айта кетсек, биринчи орунда тамак сиңирүү органдарынын залалдуу шишиги турат. Былтыр каттоодо тургандардын 33 пайызы рактын дал ушул түрүнө чалдыккандар болгон. Андан кийин дем алуу органдарындагы рак (12 пайыз), эмчек рагы (11 пайыз), кан рагы (5 пайыз) жана тери рагы (4 пайыз) жайгашкан.

Буга чейин Sputnik Кыргызстан адистердин пикирине таянып, кандай адамдарда ракка кабылуу тобокелдиги көбүрөөк экенин жазган.

48
Белгилер:
оору, аял, статистика, рак, Кыргызстан
Тема боюнча
Кызматка жабышайын деген оюм жок. Онкология борборунун жетекчиси иштен кетти
Өмүрдү узартып, онкологиялык оорулардын алдын алган азыктар аталды
Бишкек шаары. Архив

Шейшембиге карата аба ырайы

51
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

51
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы

Тонналаган акыр-чикир. Түтүн каптаган Бишкектин таштанды таштоочу жайынан видео

91
(жаңыланган 20:48 14.06.2021)
Калаадан чыккан бардык акыр-чикирди алып барып төккөн Бишкектин негизги таштанды таштоочу жайынын азыркы абалы кандай? Бул туурасында Sputnik Кыргызстандын видеосунан көрүңүз.

Жакында эле мэрия таштанды полигонун рекультивациялоо жана жабуу иштери жанданганын билдирген. Көп өтпөй рекультивациялоо кайра токтоп калганы белгилүү болду. Себеби подрядчы эстониялык компания ишти аягына чыгаруу үчүн башында макулдашылган каражатка кошумча дагы 1,3 миллион евро сураган.

Аталган долбоордун жалпы наркы 22 миллион евро, келишимге 2013-жылы кол коюлуп, 2015-жылы Жогорку Кеңеш ратификациялаган. Анын алкагында жаңы полигон салынып, эски таштанды жайды жабуу жана рекультивация иштери жасалат. Азыркы таштанды талаасы түздөлүп, акырындык менен жашыл аймакка айландырылмакчы. Мындан сырткары, метанды жок кылуу жабдуусун коюу пландалган, анткени таштанды ташталган жерден метан көп чыккандыктан түтөп, өрт тутана берет.

Ал эми рекультивациялоо долбоорунун наркы 9 миллион евро. Ишти аткаруу келишимине 2017-жылы июлда кол коюлган. Буга каражатты Европа өнүктүрүү жана реконструкция банкы бөлгөн. Анын жарымы грант, калганы кредит катары берилет.

91
Белгилер:
полигон, долбоор, жабуу, таштандылар сакталган жай, таштанды, Бишкек
Тема боюнча
Бишкектин таштанды полигонун рекультивациялоо иши 14 айдан кийин жанданды
Өкмөт уулуу калдыкты казып, 106 тонна алтын алууга белсенди. Кумтөрдөн видео