Грильде бышырылган жашылча менен балык. Архив

Диетолог идеалдуу кечки тамак кандай болушу керектигин айтты

112
Адистин айтымында, эгер адам түнкү саат 23:00дө жата турган болсо, анда кечки тамакты 18:00-19:00дөн өткөрбөй жеши керек.

БИШКЕК, 4-июн. — Sputnik. Диетолог Светлана Фус кечки тамакты уктаганга чейин 3-4 саат эрте жеш керектигин белгилеп, бул убакытка ылайыктуу делген азыктарды санап берди. Адистин кеңештери РИА Новостиге жарыяланды.

Анын айтымында, эгер адам түнкү саат 23:00дө жата турган болсо, анда кечки тамакты 18:00-19:00дөн өткөрбөй жеши керек. Бул инсулин менен байланыштуу. Ал тамак ичкенде дароо көтөрүлөт дагы уктаар алдында өз калыбына келип калганга жетишет.

"Бул организмге түндө майлардын запасын энергия катары колдонууга жардам берет. Дагы бир маанилүү нерсе — кечки тамак менен эртең мененки тамактын ортосу 12 сааттан кем болбошу керек. Тамактануу режимин пландаганда бул нерсени да эске алыңыз. Ошондуктан эгер сиз кечки саат 20:00дө тамактансаңыз, 8:00дөн ашкандан кийин эртең мененки тамакты жешиңиз керек", — деген адис.

Диетолог кечки тамак күндүзгү тамактын 20 гана пайызын түзүшү керектигин белгилеп кеткен. Фус кечкиге бууга бышырылган тамактарды, эт, балык эти же деңиз азыктарын сунуштаган.

Анын айтымында, адам эң негизгиси өтө катуу тоюп албаш керек. Ошол эле учурда жатарга чейин курсак ачпагандай тамактануу кажет. 

112
Белгилер:
кечки тамак, кеңеш, инсулин, диетолог
Тема боюнча
Арыктоого кайсы азык тоскоол болот? Эндокринологдун кеңеши
Бишкек шаары. Архив

Шейшембиге карата аба ырайы

36
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

36
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы

Тонналаган акыр-чикир. Түтүн каптаган Бишкектин таштанды таштоочу жайынан видео

75
(жаңыланган 20:48 14.06.2021)
Калаадан чыккан бардык акыр-чикирди алып барып төккөн Бишкектин негизги таштанды таштоочу жайынын азыркы абалы кандай? Бул туурасында Sputnik Кыргызстандын видеосунан көрүңүз.

Жакында эле мэрия таштанды полигонун рекультивациялоо жана жабуу иштери жанданганын билдирген. Көп өтпөй рекультивациялоо кайра токтоп калганы белгилүү болду. Себеби подрядчы эстониялык компания ишти аягына чыгаруу үчүн башында макулдашылган каражатка кошумча дагы 1,3 миллион евро сураган.

Аталган долбоордун жалпы наркы 22 миллион евро, келишимге 2013-жылы кол коюлуп, 2015-жылы Жогорку Кеңеш ратификациялаган. Анын алкагында жаңы полигон салынып, эски таштанды жайды жабуу жана рекультивация иштери жасалат. Азыркы таштанды талаасы түздөлүп, акырындык менен жашыл аймакка айландырылмакчы. Мындан сырткары, метанды жок кылуу жабдуусун коюу пландалган, анткени таштанды ташталган жерден метан көп чыккандыктан түтөп, өрт тутана берет.

Ал эми рекультивациялоо долбоорунун наркы 9 миллион евро. Ишти аткаруу келишимине 2017-жылы июлда кол коюлган. Буга каражатты Европа өнүктүрүү жана реконструкция банкы бөлгөн. Анын жарымы грант, калганы кредит катары берилет.

75
Белгилер:
полигон, долбоор, жабуу, таштандылар сакталган жай, таштанды, Бишкек
Тема боюнча
Бишкектин таштанды полигонун рекультивациялоо иши 14 айдан кийин жанданды
Өкмөт уулуу калдыкты казып, 106 тонна алтын алууга белсенди. Кумтөрдөн видео