Камакка алуу. Архивдик сүрөт

Жапаровдун маалымат катчысы саясатчылардын камалышы боюнча үн катты

204
(жаңыланган 12:11 04.06.2021)
Кумтөр иши боюнча коррупцияга айыпталып бир катар саясатчылар камакка алынган. Президенттин маалымат катчысы "бул иштер саясий куугунтук, саясатка байланыштуу" деген билдирүүлөрдү орунсуз деген.

БИШКЕК, 4-июн. — Sputnik. Өлкө башчы Садыр Жапаровдун маалымат катчысы Эрбол Султанбаев Кумтөрдүн айланасындагы акыркы камоолор тууралуу комментарий берди. Анын билдирүүсүн президенттин маалымат кызматы таратты.

Султанбаев Жогорку Кеңештин депутаттарынын айткандарына да жооп берген.

"Эл арасында алтын кенинин айланасында коррупциялык көрүнүштөр жөнүндө ачык айтылып келсе да бүгүнкү күнгө чейин Кумтөр боюнча терең жана объективдүү иликтөө жүргүзүлгөн эмес. Коомчулуктун талабы менен учурда анын айланасындагы бардык коррупциялык иштер ар тараптуу каралып жатат. Бул иште өлкөдөгү белгилүү адамдардын аты да чыгууда. Бирок бул жагдай тергөө иштеринин жүрүшүн токтотпошу керек. Мыйзам алдында баарыбыз бирдей болгондуктан бул абалга кимдир бирөөлөрдүн мурдагы эмгегин, ээлеген кызматын байланыштырууга болбойт", — деди Жапаровдун маалыма катчысы.

Ал, ошондой эле, "бул саясий куугунтук, саясатка байланыштуу" деген сыяктуу билдирүүлөрдү орунсуз деген.

"Жүргүзүлүп жаткан иштерден саясий себеп издеп, тергөөнүн объективдүүлүгүнөн шек санаган айрым жарандардын сөздөрүндө эч кандай негиз жок. Мен бардык тараптарды сабырдуулукка чакырар элем. Чекитти тиешелүү компетенттүү органдар коюшу керек", — деди Султанбаев.

Белгилей кетсек, Кумтөр иши боюнча коррупцияга айыпталып мурдагы өкмөт башчы Өмүрбек Бабанов, ЖК депутаттары Асылбек Жээнбеков менен Төрөбай Зулпукаров, экс-депутаттар Талант Узакбаев, Исхак Пирматов эки айга камакка алынган.

204
Белгилер:
билдирүү, кармоо, саясат, Кумтөр, Эрбол Султанбаев, Садыр Жапаров
Тема боюнча
Колуна кишен салынып... Камалган Бабановду соттон алып чыккан видео
Ташиев "Кумтөр" иши боюнча экс-президенттер да кармаларын эскертти
COVID 19 үлгүлөрү менен иштеген лаборант. Архив

Өткөн суткада 822 кишиден коронавирус аныкталып, беш адам көз жумду

23
(жаңыланган 11:41 24.06.2021)
Азыркы тапта ооруканада дарыланып жаткандардын ичинен 100 бейтаптын абалы өтө оор экени айтылды. Бир суткада эле 21 медиктин коронавирус жуктуруп алганы аныкталган.

БИШКЕК, 24-июн. — Sputnik. Кечээтен бери Кыргызстанда 822 кишиден коронавирус аныкталып, 475 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 300;
  • Ош – 70;
  • Чүй облусу – 207;
  • Ош облусу – 93;
  • Талас облусу – 9;
  • Нарын облусу – 1;
  • Ысык-Көл облусу – 20;
  • Жалал-Абад облусу – 80;
  • Баткен облусу – 42.

Ушуну менен өлкөдө илдет илештиргендердин жалпы саны 118 106га жетти. Анын ичинен 106 858 киши дартты жеңген.

Айыккандар:

  • Бишкек – 183;
  • Ош шаары – 118;
  • Чүй облусу – 54;
  • Ош облусу – 70;
  • Талас облусу – 2;
  • Нарын облусу – 4;
  • Ысык-Көл облусу – 6;
  • Жалал-Абад облусу – 22;
  • Баткен облусу – 16.

Тилекке каршы, өткөн суткада дарт беш адамдын өмүрүн алды:

  • Бишкек – 3;
  • Чүй облусу – 1;
  • Ош шаары – 1.

Жалпысынан оорудан 1 958 адам каза тапты.

Азыркы тапта стационарда 2 604 бейтап дарыланууда. Анын ичинен 801 бейтап оор абалда болсо, 100 адамдын абалы өтө оор деп бааланды. Бир сутка ичинде 21 медиктен коронавирус табылганы кошумчаланды.

23
Белгилер:
стационар, бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Казак өкмөтү: Кыргызстанга вакцина берүү пландалган эмес
Индиялык адис: COVID-19дун "дельта-плюс" штаммы өтө тез жугат
Медициналык кызматкер иш учурунда. Архив

Военно-Антоновкадагы балдар үйүндө көз жумган өспүрүм. Эки экспертиза дайындалды

14
(жаңыланган 11:31 24.06.2021)
Чүй милициясы жакынкы күндөрү экспертизанын жыйынтыгы чыгып, натыйжада окуяга юридикалык баа берилерин айтты.

БИШКЕК, 24-июн. — Sputnik. Военно-Антоновкадагы балдар үйүндө 13 жашар Игорь Якуниндин каза болушу боюнча соттук-медициналык жана соттук-химиялык экспертиза дайындалды. Бул тууралуу Чүй ОИИББдин маалымат кызматы кабарлады.

Ага ылайык, сотко чейинки өндүрүштүн алкагында бардык тергөө иштери жүрүп жатат. Жакынкы күндөрү экспертизанын жыйынтыгы чыгып, натыйжада окуяга юридикалык баа берилмекчи.

Ишти ИИМ жетекчилиги көзөмөлгө алганы белгиленди. Бул факт боюнча материалдар Чүй милициясынын тергөө кызматында, сотко чейинки процесстер уланууда.

Эске салсак, балдар үйүнүн 13 жаштагы тарбиялануучусунун каза тапканы тууралуу маалымат мындан эки жума мурда тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон.

Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген ой болуп жаткандыгын айткан.

Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди.

14
Белгилер:
Военно-Антоновка, Чүй облусу, экспертиза, милиция, өспүрүм, балдар үйү
Тема боюнча
15 жаштагы бала айдап... Ноокаттагы 6 киши көз жумган кырсыктын чоо-жайы