Кыргыз-тажик чек арасынан алыс эмес жердеги чек ара кызматкерлери. Архив

УКМК Чоң-Алайдагы кыргыз-тажик чек арасында азыркы абал кандай экенин айтты

535
(жаңыланган 15:01 04.06.2021)
Кыргыз-тажик чек арасында УКМКнын Чек ара кызматы күчөтүлгөн тартипте иш алып барып жатканы кабарланган.

БИШКЕК, 4-июн. — Sputnik. Чоң-Алай районунун Унжу-Булак аймагындагы кыргыз-тажик чек арасында саат 14:00гө карата абал салыштырмалуу тынч. Бул туурасында УКМКнын Чек ара кызматынан кабарлашты.

"Тиешелүү кызматтагы жетекчилер учурда аталган тилкеде кырдаалды жөндөө үчүн бардык чараларды көрүп жатат", — деп айтылат маалыматта.

Кыргыз-тажик чек арасында Улуттук коопсуздук комитетинин Чек ара кызматы күчөтүлгөн тартипте иш алып барып жатканы кабарланды.

Белгилей кетсек, 4-июнга караган түнү саат 03:00дөр чамасында тажик тарап Чоң-Алай районундагы Унжу-Булак аймагындагы такталбаган жерге 1000 метрге чейин кирип келип контейнер коё баштаган. Ошол эле учурда тажик аскерлери автоунаа жана жеңил брондолгон техникалары менен топтолгону байкалган. УКМКнын Чек ара кызматы абал чыңалып турганын айтууда. 4-июнда эртең менен Улуттук коопсуздук мамлекеттик комитетинин төрагасы Камчыбек Ташиев шашылыш түрдө Чоң-Алай районуна учуп кеткен.

Өкмөт муну менен буга чейин жетишилген кыргыз-тажик чек арасын делимитациялоо жана демаркациялоо иштери боюнча өкмөттөр аралык делегациянын келишими бузулганын белгиледи.

535
Белгилер:
кыргыз-тажик чек арасы, Чоң-Алай, Тажикстан, Кыргызстан
Тема:
Баткендеги кыргыз-тажик жаңжалы (299)
Тема боюнча
Тажик тарап түн жамынып Чоң-Алайдагы чек арага контейнер орнотууда. Видео
Контейнер коюп жатышат! Чоң-Алайдагы кыргыз-тажик чегинде абал чыңалууда

"Россия сегодня" 80 жылдык мааракесин белгилеп жатат. Видео

3
"Россия сегодня" эл аралык маалымат агенттиги бүгүн 80 жылдыгын белгилеп жатат. Эл аралык алдыңкы медиагруппанын тарыхы 80 жыл мурда, Совинформбюро түзүлгөндө башталган.

Ондогон жылдардан берки убакыт аралыгында агенттиктин аталышы "Новости", РИА "Новости", "Россия сегодня" болуп өзгөрдү. Бирок журналистиканын жогорку деңгээли менен ишке болгон жоопкерчилик ошол бойдон калды.

"Россия сегодня" 200 шаарда иш алып барып, 32 тилде, күнү-түнү Россияда жана дүйнөдө болуп жаткан жаңылыктар менен кабардар кылат.

3
Белгилер:
маалымат агенттиги, "Россия Сегодня" ЭМА
Тема боюнча
"Өздүгүн жашырууга аракет кылган". Facebook кимдин цензурасынан өтөт?
Өсүмдүк майы. Архив

Россия 365 тонна суу майды Кыргызстанга гумжардам катары берди

13
(жаңыланган 15:54 24.06.2021)
Россия БУУнун Кыргызстандагы Дүйнөлүк соода программасынын ири донору болуп саналат. Акыркы 10 жылда дээрлик 1 миллион кыргызстандыкка колдоо көрсөтүлгөн.

БИШКЕК, 24-июн. — Sputnik. Бишкек менен Ошко Россия гумжардам катары берген 365 тонна суу май жеткирилди. Азыктын бул түрү 27 миң аз камсыз үй-бүлөгө берилет.

Россия Кыргызстанга Дүйнөлүк соода программасынын алкагында байма-бай колдоо көрсөтүп келет. Мисалы, жазында витаминдүү ун жеткирилсе, эми суу май берилди. Гумжардамды тапшыруу иш-чарасына РФнын Кыргызстандагы элчилиги менен БУУнун Дүйнөлүк соода программасынын өкүлдөрү жана КРдин Саламаттык сактоо министрлигинин кызматкерлери катышты.

"365 тонна суу майдын 60 тоннасы Бишкектеги кампага киргизилсе, калганы Ошко жөнөтүлдү", — деди Россиянын Кыргызстандагы элчилигинин тышкы саясат тобунун жетекчиси Артем Романов.

 Бишкекке Казакстан гумжардам катары жөнөткөн 4500 тонна ун жеткирилди
© Фото / пресс-служба посольства РК в Кыргызстане
Саламаттык сактоо министрлигинин алдындагы Соцкамсыздоо департаментинин директору Актан Балбаков өкмөттүн атынан Россияга ыраазычылык билдирди.

БУУнун Дүйнөлүк соода программасынын маалыматына караганда, аз камсыз үй-бүлөлөр ар кандай долбоорлорго катышуу менен (каналдарды оңдоо жана калыбына келтирүү, бак тигүү ж.б.) ун жана суу май ала алышат.

Россия БУУнун Кыргызстандагы Дүйнөлүк соода программасынын ири донору болуп саналат. Акыркы 10 жылда дээрлик 1 миллион кыргызстандыкка колдоо көрсөтүлгөн. Жардам мектеп окуучуларына, фермерлер, айылдык аялдар жана аз камсыз үй-бүлөлөргө берилген.

13
Белгилер:
Ош, Бишкек, май, суу, ун, программа, БУУ, Россия, Кыргызстан
Тема боюнча
Бишкекке "Спутник V" вакцинасынын 80 миң дозасы алып келинди