Бишкекте маршрутка айдоочусу. Архив

Маршруткалар мындан ары чыкпасын! Ызаланган бишкектиктердин соцтармактагы пикири

758
(жаңыланган 17:17 04.06.2021)
Бүгүн бишкектиктердин маршруткасыз жашап жатканына үч күн болду. Шаардыктардын кыйналып жатканы айтпаса деле түшүнүктүү, анткен менен социалдык тармактарда маршрутка жок деле жашоо жакшы экенин айткандар көбөйдү.

Бишкек мэриясы бүгүн эртең менен дагы эл ташыган маршруткалардын айдоочулары ишке чыкпаганын кабарлады.

Алар үч күндөн бери иш таштап, жол кирени 10 сомдон 15 сомго чыгарып берүүнү талап кылып жатат. Ал эми мэрия бул боюнча токтом долбоорун шаардык кеңештин кароосуна жибергенин айтса, шаардык кеңеш документ мыйзам боюнча бир ай коомдук талкууда турушу керектигин билдирди.

Ал ортодо социалдык тармактарда "маршруткасыз шаар жакшы экен" деген таризде пикирлер айтылып, интернет колдонуучулардын айрымдары бул пикирди колдой баштады.

Бир нечесин окурмандарга сунуштайбыз.

Маршруткалар ушул бойдон ишке чыкпай, троллейбустар көбөйсө экен деп тилегендер бар.

Азамат Асанбеков аттуу колдонуучу маршруткасыз Бишкек таза көрүнүп калганын айтат.

Шаардын ыңгайлуу болуп калганын дагы айткандар жок эмес.

Айрымдар аялдамалардагы жүргүнчүлөрдү ала кетип жатканын, мындан улам транспорт күткөн адамдар дээрлик жок экенин жазууда.

Маршруткалар токтотулуп, автобустардын иштешин каалагандар аз эмес.

Ал ортодо айдоочулардын өзүнө бир нече талаптарды коюуну сунуштагандар чыкты. Акылбек Балтабаев аттуу колдонуучу маршруткалардын техникалык абалын жакшыртып, жүргүнчүлөргө ыңгайлуу шарттарды түзүп берүүнү талап кылууда. Аны кубаттагандар "айдоочулар рулда баратып, бири-бирине чалып жол инспекторлору тууралуу кабарлаганды токтотсун. Жүргүнчү толо автобус менен бензин куйган станцияга кирбесин" деген сунуштарын айтууда.

Интернет колдонуучулардын ичинде маршрутка айдоочуларына кабатырлангандар да бар.

"Өзүңөрдү ойлобойсуңарбы, ишке чыкпай жүрө берсеңер эртең кредитиңерди кантип төлөйсүңөр?..", — деди Жакын Кадыров аттуу жаран.

Айрымдар "маршруткаларды алып салууга ыңгайлуу учур келди" деп эсептейт.

Нурдин Абжалбеков аттуу колдонуучу "Маршрутка айдоочулары, силерге бош жана тыгынсыз көчө үчүн рахмат! Жумушка чыкпагылачы, сураныч!" деген пост жазды.

758
Белгилер:
пикир, социалдык тармак, айдоочу, маршрутка, Бишкек
Тема:
Бишкекте маршрутка айдоочуларынын иш ташташы (37)
Тема боюнча
Бишкекте маршрутка айдоочулары үчүнчү күнү да жумушка чыккан жок
Маршрутка көйгөйү: эки фирмага айып салынып, 34үнө эскертүү берилди
Четыре улицы после ремонта, планируемые открыть для проезда автомашин в Бишкеке. 24 июня 2021 года

Бишкектин төрт көчөсү 1-июлда автоунаалар үчүн ачылат. Тизме

0
(жаңыланган 12:09 24.06.2021)
Сухэ-Батор көчөсүнүн Каралаевден Шабдан баатырга чейинки бөлүгүнүн оңдолушу жана Аламүдүн дарыясы аркылуу курулуп жаткан көпүрө калаанын түштүк бөлүгүндөгү кичи райондордун жол тыгынын азайтат.

БИШКЕК, 24-июн. – Sputnik. Бишкектин төрт көчөсү оңдолуп бүтүп, 1-июлда тарнспорт үчүн ачылат. Бул тууралуу мэриядан билдиришти.

  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Открытие четырех улиц после ремонта в Бишкеке
    © пресс-служба мэрии города Бишкек
  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Открытие четырех улиц после ремонта в Бишкеке
    © пресс-служба мэрии города Бишкек
  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Открытие четырех улиц после ремонта в Бишкеке
    © пресс-служба мэрии города Бишкек
1 / 3
© пресс-служба мэрии города Бишкек
Открытие четырех улиц после ремонта в Бишкеке

Автоунаа үчүн ачыла турган көчөлөрдүн тизмеси:

  • Огонбаев көчөсүнүн Ибраимовдон Осмонкулга чейинки бөлүгү;
  • Жунусалиев көчөсүнүн Абдрахмановдон Арча-Бешик конушундагы Масалиевге чейинки бөлүгү;
  • Айбийкеден Ак-Ордодогу темир жолго чейин;
  • Ак-Тилек көчөсүнөн Ак-Тилек конушундагы Дзержинскийге чейин.

Мэриядан билдиришкендей, шаардын 35 көчөсүндө реконструкция иштери уланып жатат. Анын ичинен төмөнкү көчөлөрдүн жолу 70 пайызга оңдолуп бүттү:

  • Сухэ-Батор;
  • Койбагаров;
  • Карасаев;
  • Көкчө-Тоо;
  • Ташкент;
  • Логвиненко;
  • Стадионная;
  • Фере;
  • Буденный.
"Арча-Бешиктеги Жайыл баатыр көчөсүнүн Чортековдон Алыкуловго чейинки бөлүгү (2,8 чакырым) борбор калаанын түштүк-батыш тарабындагы жолдун "жүгүн" жеңилдетет. Ошондой эле Сухэ-Батор көчөсүнүн Каралаевден Шабдан баатырга чейинки бөлүгүнүн оңдолушу жана Аламүдүн дарыясы аркылуу курулуп жаткан көпүрө калаанын түштүк бөлүгүндөгү кичи райондордун жол тыгынын азайтат. Курулуш иштеринин арты менен унаа көп жүргөн Ахунбаев менен 7-Апрель көчөлөрү бошой түшөт", — дешти мэриядан.

Маалыматта Жукеев-Пудовкин көчөсү Советтер Союзунан бери оңдолбогону белгиленди.

0
Белгилер:
курулуш, тыгын, жол, Бишкек мэриясы
Нью-Йорктун борборундагы бош көчөсү. Архив

COVID-19ду бир маалда көп адамга жуктурган кубулуш аныкталды

12
(жаңыланган 11:58 24.06.2021)
Окумуштуулар өсүмдүктөрдүн чаңчалары абадагы COVID-19ду кантип башка жактарга таратарын изилдеп чыккан.

БИШКЕК, 24-июн. — Sputnik. Дарактардагы чаңчалар коронавирусту таратуучуларга кирерин Никосия университетинин окумуштуулары далилдеп чыкты. Бул туурасында Daily Mail басылмасы жазды.

Адистер ар кыл бөлүкчөлөр COVID-19дун таратуучусу болорун аныктоого аракет кылып, бир нече изилдөөдөн кийин оорунун кескин жугушу менен абадагы чаңчалардын топтолушунун ортосундагы байланышты тапкан.

АКШдагы жаз күндөрү жел болгон учурда чаңчалардын бир минутанын ичинде 20 метрдей аралыктагы топтошкон адамдарды каптай алары белгиленген.

"Эксперименттин маанилүү милдеттеринин бири — турмуштагыдай, кадимки эл аралашып жүргөн шарттарда изилдөө жүргүзүү эле. Миңдеген адамдар жана чаңча дандардын бөлүкчөлөрү, жүздөгөн сабактар, мажүрүм талдан 65 кадам арыраактагы бир топ адамдардын тобу керек болду", — деп айтып берген окумуштуулардын бири.

Компьютердик модель чаңчалар коронавирусту өзү тараган аймактан да алыс алып кете турганын көрсөтүп берген.

Окумуштуулар аллергендердин картасын терең изилдеп, COVID-19 чындыгында эле чаңчалар арбын чыгып, көп учуп жүргөн аймактарда тез таралгандыгын аныктап чыгышкан.

Адистер мындай шартта стандарт катары талап кылынып жаткан эки метрлик аралыкты сактоо мааниге ээ болбой кала тургандыгын белгилешкен.

12
Белгилер:
окумуштуулар, эксперимент, коронавирус
Тема:
Дүйнөгө жайылган коронавирус
Тема боюнча
Индиялык адис: COVID-19дун "дельта-плюс" штаммы өтө тез жугат
COVID: Республикалык штаб министрликке жаңы тапшырмаларды берди