Тамактанып жаткан аял. Архив

Дарыгер: майы жок азык менен арыктоо тукумсуздукка алып келиши мүмкүн

117
Организмде май жок болсо, ал ден соолукка эле эмес, сырткы келбетке да таасирин тийгизет. Тери кургак болуп, бырыш тез түшөт.

БИШКЕК, 5-июн. — Sputnik. Майы жок азыктардын жардамы менен арыктоо өнөкөт бронхит дартына, ал тургай тукумсуздукка алып келиши мүмкүн. Бул тууралуу диетолог Светлана Фустун айтымына таянып РИА Новости жазды.

Адис белгилегендей, эгер организмге май башка тамак аркылуу жетиштүү көлөмдө кирсе, анда майы жок азыктарды колдонсо болот.

"Организмде май жок болсо, ал ден соолукка эле эмес, сырткы келбетке да таасирин тийгизет. Тери кургак болуп, бырыш тез түшөт. Адамдын иммунитети түшүп, бардык органдар тез картая баштайт. Натыйжада жүрөктө көйгөй жаралып, эс тутум начарлайт", — деди диетолог.

Мындан сырткары, май энергиянын булагы экени айтылды. Май иммунитетти бекемдеп, көрүүнү жакшыртып, терини сулуу кылган A, E, K жана D витаминдерин сиңирүүгө көмөктөшөт.

Адис май гормон, анын ичинде жыныстык делген эстроген, тестостерон гормондорун бөлүп чыгарууга жакшы жардамчы болорун белгиледи. Светлана Фус тамактануу рационунда май таптакыр жок болбошу керектин айтып, бул тукумсуздукка чейин жеткириши ыктымал экенин эскертти.

"Майдан таптакыр баш тартып койгон аялдар кош бойлуу боло албаган бир нече учур катталган. Гормондор жетиштүү болбосо кантип бойго бүтмөк эле", — деген адис.

Диетолог бул маселе эркектерге да тиешелүү экенин айтып, курамында майы бар тамактарды рациондон таптакыр чийип салуу кооптуу экенин кошумчалады.

117
Белгилер:
тукумсуздук, гормон, май, диетолог
Тема боюнча
Арыктоого кайсы азык тоскоол болот? Эндокринологдун кеңеши
Арыктоого 20 мүнөт кетет. Кышында топтолгон салмактан арылуунун жолу айтылды
Москвадагы эл аралык мамилелер институту. Архив

Москвадагы эл аралык мамилелер институтуна сунушталган КР жарандары. Тизме

52
(жаңыланган 00:10 25.06.2021)
Талапкерлерди министрликтин Сынактык тандап алуу боюнча комиссиясы аныктап, алардын ЖРТда алган упайы жана англис тили боюнча тестирлөөнүн жыйынтыгы эске алынган.

БИШКЕК, 24-июн. — Sputnik. КРдин Тышкы иштер министрлиги Эл аралык мамилелер боюнча Москва мамлекеттик институтуна кабыл алууга сунушталган кыргызстандыктардын тизмесин жарыялады.

Мекеменин маалымат кызматы абитуриенттерди тандоо иши Россия менен Кыргызстандын ТИМинин ортосундагы кызматташуу программасынын алкагында жүргүзүлгөндүгүн билдирди.

"Сынактык тандап алуу боюнча комиссия ЖРТнын жана англис тили боюнча тестирлөөнүн жыйынтыктарын алды. Ошондой эле тандалган багыттар боюнча эң жогорку баллга ээ болгон талапкерлердин тизмесин бекитти", — деп айтылат маалыматта.

Талапкерлердин тизмеси

Бакалавриат

  • Абдымаликова Айзада Абдымаликовна (багыты эл аралык мамилелер)
  • Чалбаев Ильдар Уланбекович (багыты эл аралык мамилелер)
  • Абылгазиева Айша Таалайбековна (багыты чет өлкөлүк аймак таануу)
  • Эрматова Саадат Сэйитбековна (багыты юриспруденция)
  • Мукаева Бермет Айдарбековна (багыты юриспруденция)
  • Маликова Дарин Маликовна (багыты экономика)

Магистратура

  • Бердиев Арген Равшанович (багыты эл аралык мамилелер)
  • Караева Айжана Мааданбековна (багыты юриспруденция).
52
Белгилер:
тизме, талапкер, Россия, Кыргызстан
Тема боюнча
МГИМО кыргызстандык абитуриенттерди кабыл алат. Шарт-талабы
Кыргызстандын 10 мыкты бүтүрүүчүсү тандап алган окуу жайлар
Россиялык университет кыргызстандык студенттерди кабыл алууда. Шарт-талабы
Вакцина алып жаткан кыз. Архив

Түркиянын вакцинасы Кыргызстанда сыналабы? Министрдин жообу

38
(жаңыланган 23:02 24.06.2021)
Түркиянын саламаттык сактоо министри Turcovac вакцинасынын үчүнчү фазадагы сыноосу Кыргызстанда өтө тургандыгын кабарлаган.

БИШКЕК, 24-июн. — Sputnik. Түркия коронавируска каршы вакцинасын үч өлкөдө сынайт, анын ичинде Кыргызстан да бар. Бул тууралуу саламаттык сактоо министри Фахреттин Кожага шилтеме кылып жергиликтүү ЖМКлар жазып чыкты. Буга чейин Түркиянын президенти Режеп Тайип Эрдоган ата мекендик вакцинанын үчүнчү фазадагы сыноосу башталгандыгын айткан.

"Үчүнчү фазадагы изилдөөгө 40 миң 800 ыктыярчы катышат. Сыноолор Венгрия, Азербайжан жана Кыргызстанда жүргүзүлөт. Биз тизмеге дагы башка мамлекеттерди кошууга аракет кылып жатабыз", — деген министр.

Бул маалымат боюнча Кыргызстандын саламаттык сактоо жана социалдык өнүктүрүү министри Алымкадыр Бейшеналиев төмөнкүлөрдү билдирди.

"Түрк тарап сунуштап жатат, бирок биз алардын шарттарын билгибиз келет. Азырынча кат алмашуу гана болууда", — деди министр.

Препарат кооптуу эмеспи деген суроого Бейшеналиев "кооптуулук болушу мүмкүн" деп жооп берди.

Ал ошондой эле ортодо эч кандай макулдашуу жок экендигин кошумчалады.

Эске сала кетсек, учурда кыргызстандыктар коронавируска каршы россиялык "Спутник V" жана кытайлык Sinopharm менен эмделип жатышат.

38
Белгилер:
сыноо, вакцина, Түркия, Кыргызстан
Тема:
Коронавируска каршы эмдөө
Тема боюнча
Акылбек Жапаров: өлкөдө элдин 0,7%ы гана вакцина алды, бул — биздин трагедия
Казак өкмөтү: Кыргызстанга вакцина берүү пландалган эмес