Жолду оңдоо иштери. Архивдик сүрөт

Бишкек: жамгырдан соң көл пайда болгон жол эми оңдолот

77
Киркомстромдогу жамгыр жааган сайын суу топтоло берчү жолго түтүктөрдү коюу маселеси кайрадан көтөрүлүп, тапшырма берилди.

БИШКЕК, 5-июн. — Sputnik. Министрлер кабинетинин төрагасынын биринчи орун басары Айбек Жунушалиев өлкөнүн бир катар жолдорун оңдоо жана куруу иштеринин жүрүшү менен таанышты.

Сапардын алкагында төмөнкү жол тилкелеринин курулушу менен таанышкан:

  • Бишкек — Ош жолунун 9-чакырымы (Дэн Сяопин проспектиси / Бишкек шаарына батыш тараптан кирүү, Киркомстром);
  • Бишкек — Ош жолунун 31-чакырымы (Сокулук айылынын борбору);
  • Бишкек — Ош унаа жолунун 132-чакырымы (Төө-Ашуунун түштүк бөлүгү Маданият айылынан Жалал-Абад шаарына чейин 132-141-чакырым; 507-574-чакырым);
  • Түндүк — Түштүк жолунун Көк-Арт ашуусу аркылуу тунелинин түштүк порталы.
"Сапардын жыйынтыгы боюнча тиешелүү мамлекеттик органдарга бир катар тапшырмалар берилди. Тактап айтканда, борбор калаанын кире беришиндеги автотыгынды кыскартуу максатында Бишкек шаарынын мэриясына Абакан көчөсүн ондоо жана Камчатск көчөсүн капиталдык оңдоодон өткөрүү сунушталды. Ал эми Сокулук районунун акимчилигине Новопавловка айылында ирригациялык тармакты орнотуу тапшырылды", — деп айтылат маалыматта.

Ошондой эле Транспорт жана коммуникациялар министрлигине 1-августка чейин Киркомстром аймагындагы (500 м.) жолду, анын ичинде Ден Сяопин проспектиси менен Алыкулов көчөсүнүн кесилишиндеги ирригациялык тармактарды реконструкциялоону буюрган.

Белгилей кетсек, аталган жолго жаан жааган сайын суу топтоло берип министрлер кабинетинин төрагасы Улукбек Марипов эки ирет тийиштүү органдарга тапшырма берген

77
Белгилер:
жол оңдоо, өкмөт, Айбек Жунушалиев
Тема боюнча
Боом капчыгайында 7-11-июнда кыймыл чектелет
Бишкекте дагы эки көчөнүн кесилишинде оңдоо иштери жүрүп, жолдор жабылат
Пилот, Side attack drift team эл аралык дрифт командасынын мүчөсү, бир нече мелдештердин жеңүүчүсү Акылбек Өмүракунов

Өмүракунов: дрифт автоспорттун эң коопсуз түрү

8
Пилот, Side attack drift team эл аралык дрифт командасынын мүчөсү, бир нече мелдештердин жеңүүчүсү Акылбек Өмүракунов дрифт автоспорттун эң коопсуз түрү экенин айтты.

2017-жылдан бери дрифт менен алектенип келем. Ушул убакытка чейин алган тажрыйбам жарыштарда биринчи болууга мүмкүндүк берүүдө. Бул тууралуу Акылбек Өмүракунов Sputnik Кыргызстан радиосунун эфиринде маек куруп жатып билдирди.

Өмүракунов: дрифт — автоспорттун эң коопсуз түрү

Анын айтымында, 12 жашынан баштап автоунаа башкара баштаган.

"Мен автоунааларга эс тарткандан бери кызыгам. Башталгыч класстарда дептерлерге өзгөчө автомашиналардын сүрөттөрүн тартып жүрчүмүн. Башка балдар кандайдыр бир тасмалардан эргүү алып, анан гана автоспортко келишет. Ал эми мен үчүн "Форсаж" сыяктуу картиналар ачылыш деле болгон эмес. Менин азыркы унаам Nissan 200sx. Казакстандан сатып алгам. Негизи дрифтке катыша турган техниканы толугу менен жасап чыгабыз. Себеби машинанын мотору, коробкасы жана башка бардык жагы бышык, күчтүү болушу зарыл. Унаанын каркасынын ичи жалаң трубалардан турат. Ошондуктан дрифт автоспорттун бардык түрлөрүнүн ичинен эң коопсузу десек болот. Унаа мелдеште чындап эле оор сыноодон өтөт. Ошондуктан ар бир жарыштан соң техника толук кароодон өткөрүлөт. Бул машиналар менен шаар ичинде жүрө албайбыз. Себеби мыйзам жол бербейт жана үнү абдан катуу чыгат. Жарыштын унаалары чиркегич менен гана ташылат", — деди Өмүракунов.

Пилот шаар ичиндеги көчө жарышчылары элдин дрифт маданиятын кабылдоосуна терс таасир тийгизип жатканын кошумчалады.

8
Белгилер:
авто, спорт, жарыш, дрифт
Тема боюнча
Вильнюста жашаган автоспортчу Данас Азикеев: "Литвадагы күлүк кыргыз" дешет
Бишкекте оңдоп-түзөөдөн кийин төрт көчөнүн ачылышы

Бишкектин төрт көчөсү 1-июлда автоунаалар үчүн ачылат. Тизме

32
(жаңыланган 12:10 24.06.2021)
Сухэ-Батор көчөсүнүн Каралаевден Шабдан баатырга чейинки бөлүгүнүн оңдолушу жана Аламүдүн дарыясы аркылуу курулуп жаткан көпүрө калаанын түштүк бөлүгүндөгү кичи райондордун жол тыгынын азайтат.

БИШКЕК, 24-июн. – Sputnik. Бишкектин төрт көчөсү оңдолуп бүтүп, 1-июлда тарнспорт үчүн ачылат. Бул тууралуу мэриядан билдиришти.

  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Бишкектин төрт көчөсү оңдолуп бүтүп, 1-июлда тарнспорт үчүн ачылат
    © пресс-служба мэрии города Бишкек
  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Мэриядан билдиришкендей, шаардын 35 көчөсүндө реконструкция иштери уланып жатат
    © пресс-служба мэрии города Бишкек
  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Маалыматта Жукеев-Пудовкин көчөсү Советтер Союзунан бери оңдолбогону белгиленди
    © пресс-служба мэрии города Бишкек
1 / 3
© пресс-служба мэрии города Бишкек
Бишкектин төрт көчөсү оңдолуп бүтүп, 1-июлда тарнспорт үчүн ачылат

Автоунаа үчүн ачыла турган көчөлөрдүн тизмеси:

  • Огонбаев көчөсүнүн Ибраимовдон Осмонкулга чейинки бөлүгү;
  • Жунусалиев көчөсүнүн Абдрахмановдон Арча-Бешик конушундагы Масалиевге чейинки бөлүгү;
  • Айбийкеден Ак-Ордодогу темир жолго чейин;
  • Ак-Тилек көчөсүнөн Ак-Тилек конушундагы Дзержинскийге чейин.

Мэриядан билдиришкендей, шаардын 35 көчөсүндө реконструкция иштери уланып жатат. Анын ичинен төмөнкү көчөлөрдүн жолу 70 пайызга оңдолуп бүттү:

  • Сухэ-Батор;
  • Койбагаров;
  • Карасаев;
  • Көкчө-Тоо;
  • Ташкент;
  • Логвиненко;
  • Стадионная;
  • Фере;
  • Буденный.
"Арча-Бешиктеги Жайыл баатыр көчөсүнүн Чортековдон Алыкуловго чейинки бөлүгү (2,8 чакырым) борбор калаанын түштүк-батыш тарабындагы жолдун "жүгүн" жеңилдетет. Ошондой эле Сухэ-Батор көчөсүнүн Каралаевден Шабдан баатырга чейинки бөлүгүнүн оңдолушу жана Аламүдүн дарыясы аркылуу курулуп жаткан көпүрө калаанын түштүк бөлүгүндөгү кичи райондордун жол тыгынын азайтат. Курулуш иштеринин арты менен унаа көп жүргөн Ахунбаев менен 7-Апрель көчөлөрү бошой түшөт", — дешти мэриядан.

Маалыматта Жукеев-Пудовкин көчөсү Советтер Союзунан бери оңдолбогону белгиленди.

32
Белгилер:
курулуш, тыгын, жол, Бишкек мэриясы
Тема боюнча
Бишкекке жаңы алып келинген автобустар кайсы жактарга каттайт? Маршрут
Кыргыз Республикасынын эл артисти, театр жана кино актеру, белгилүү куудул Күмөндөр Абылов

Абылов: кыргыз күлкүсүнүн 45 түрү бар

0
(жаңыланган 12:39 24.06.2021)
Кыргыз Республикасынын эл артисти, театр жана кино актеру, белгилүү куудул Күмөндөр Абылов кыргызда күлкүнүн 45 түрү бар экенин айтты.

Кыргызды күлдүрүш кыйын дешет. Чынында ушундай, анткени биздин эл ишенген нерсесине гана күлөт. Бирок бул кыргызда күлкү жанры өнүкпөй калган дегенди түшүндүрбөйт. Мындай пикирин Күмөндөр Абылов Sputnik Кыргызстан радиосунун эфиринде маек куруп жатып билдирди.

Абылов: кыргыз күлкүсүнүн 45 түрү бар

Анын айтымында, аталган жанрды өнүктүрүү иштери колго алынбай жатат.

"Кыргыз элинде күлкү жанры абдан өнүккөн. Мунун далили катары аталган жанрдын 45 түрү бар экенин айтсак болот. Күлкү, күйдүргү, жанытма, кыйытма, апыртма, такмаза, кер какшык, какшык, каяша жана башка, мунун бардыгы ушул жанрга кирет. Керек болсо күлкүнү кыргыздын комузу, манасчылык, төкмөлүк өнөрү сыяктуу деңгээлде алып карасак болот. Ал үчүн бардык мүмкүнчүлүктөр бар. Бирок азыр жакшы көңүл бурулбай жатат. Сатира жазгандар жок, болсо да бекер бергиси келбей кийинки муун үзүрүн көрөр деп үйүнө катып койгон. Ал эми куудулдарыбыздын көпчүлүгү театралдык билими, сахна маданияты жок эле эл алдына чыгып алып, чампалап номерлерди коюшууда. Пикеттин деңгээлинен жогору, көрүүчүгө руханий байлык тартуулай турган сатиралар жаралбай калды. Андыктан күлкү жанрына илимий, мамлекеттик деңгээлде карап, иштер жасалуусу керек. Ар бир түрүн иликтеген илимий иштер жазылса, өнүктүрүү коому түзүлүп, куудулдардын билими жогорулатылса кандай жакшы болор эле. Элге мамлекеттик идеологиянын негизинде талаптар коюлуп, дасыккан режиссерлер менен ийине жеткире иштелип чыккан гана номерлер тартууланышы керек", — деди Абылов.

Ал сатирик жазуучулар менен куудулдардын башын бириктирип иш алып баруу маселесин тез арада ишке ашыруу зарылдыгы турганын кошумчалады.

0
Белгилер:
сатира, көйгөй, күлкү, Күмөндөр Абылов
Тема боюнча
Ниязов: Асанкул Шаршеновдун 16 улуттун өкүлүн жалгыз ойногон спектакли бар