Операция кылып аткан хирург. Архивдик сүрөт

Гита Резахановага Москвада оор операция жасалмай болду

198
(жаңыланган 22:38 05.06.2021)
Кечээ кыз наркоз менен текшерүүдөн өткөн. Татаал операция дүйшөмбүгө пландаштырылганы айтылды.

БИШКЕК, 5-июн. — Sputnik. Кыргызстандык Гита Резахановага Москва шаарында шашылыш операция жасалмай болду. Бул тууралуу Sputnik агенттигине белгилүү сиам эгиздердин энеси Зумрият Резаханова билдирди.

Ал буга чейин кызынын абалы начарлап кеткенин Facebook баракчасына жазган.

"Бүгүн Гитанын ден соолугу кескин начарлап кетти. Жүрөгү мүнөтүнө 120-130 жолу согуп жатат. Өңүнөн азып кетти, көзүнө жаш толуп турабы же оорудан ушундай болуп калдыбы, белгисиз. Кантип жардам берем? Эмне кылам? Текшерүүдөн өтүшүбүз керек. Дүйшөмбү күнү операция болот. Баарыңыздарга ден соолук", — деп жазган Резаханова.

Ал эки жылдан бери ар эки ай сайын Гита менен Москвага барып, бөйрөгүндөгү стенттин түтүгүн алмаштырып келерин айткан.

"2019-жылы Гитадан онкология — жоон ичегинин рагы аныкталып, экинчи стадияда экени белгилүү болгон. Шишик алынып, бөйрөгүнө түтүк орнотулган. Эми жалгыз бөйрөгүн жарактан чыгарган көйгөй жаралды. Ошондуктан операция жасоо чечими кабыл алынган. Дарыгерлер Гитага зыян келтирбегидей кылып колунан келген аракеттин баарын жасай тургандыктарын айтышты", — деди эгиздердин энеси.

Резаханова Бишкекте аларга жеке клиникалардын бири жардам берип жатканын белгиледи.

"Баламдын жашоосу ансыз деле дарыгерлерден көз каранды болчу. Кудайдын колундабыз. Медициналык жардамсыз жашай албайбыз, жакшылыктан үмүт үзбөй турабыз", — деп сөзүн жыйынтыктады аял.

Зита жана Гита Резахановалар дүйнөдө ажыратылгандан кийин жашап кеткен алгачкы сиам эгиздер. Операциядан кийин көпкө чейин ден соолуктары жакшы болуп келген. Бир табарсык, үч буту бар кыздарга уникалдуу операцияны 2003-жылы Москвадагы Филатов клиникасынын дарыгерлери жасаган.

Бирок 2011-жылы Зитанын абалы начарлап, бир катар клиникалардан дарыланганына карабастан улам бир органы иштен чыга берген. 2015-жылдын октябрында Зита Военно-Антоновка айылындагы ата-энесинин үйүндө көз жумган.

198
Белгилер:
бөйрөк, ден соолук, Москва, операция, сиам эгиздери, Зита Резаханова, Гита Резаханова
Тема боюнча
Сиам эгиздеринин бири Зита 24 жашында каза болду
Мектеп бүтүрүүчүнүн аттестаты. Архив

Эртең мектептерде аттестат бериле баштайт. Бүтүрүү кечеси болобу?

44
(жаңыланган 22:50 23.06.2021)
Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлдөө зарыл.

БИШКЕК, 23-июн. — Sputnik. Эртеңден тарта мектептерде бүтүрүүчүлөргө орто билими боюнча аттестат бериле баштайт. Бул тууралуу Билим берүү жана илим министрлигинен билдиришти.

Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлгө алышы шарт.

Мектеп жетекчилиги аттестат тапшыруу учурунда бүтүрүүчүлөрдүн өмүрү жана ден соолугу үчүн жооптуу. Коштошуу кечесин ресторан жана кафелерде өткөрүү үчүн акча чогултууга жол берилбеши керек.

44
Белгилер:
аттестат, бүтүрүүчү, мектеп, Кыргызстан
Тема боюнча
Усеналиев: "Алтын тамга" 11 жылдан бери өтүп келет
ЖРТнын жыйынтыгы менен алтын сертификат алгандар. Тизме
Медициналык кызматкер ооруканада. Архив

COVID: Республикалык штаб министрликке жаңы тапшырмаларды берди

197
(жаңыланган 21:41 23.06.2021)
Жылдыз Бакашова Республикалык штабдын кезектеги жыйынында күчөп бара жаткан абалды эске алуу менен жаңы тапшырмаларды койду.

БИШКЕК, 23-июн. — Sputnik. Министрлер кабинетинин төрагасынын орун басары Жылдыз Бакашова Республикалык ыкчам штабдын кезектеги отурумун өткөрүп, эпидемиологиялык абалды турукташтыруу, коронавирус илдети менен ооруган бейтаптарды дарылоо үчүн медициналык мекемелердин айрым корпустарын бошотуу, 118 номерлүү кызматтын ишин өркүндөтүү, амбулатордук деңгээлде диагностикалык жана дарылоо иштерин күчөтүү маселелери каралды.

Өкмөттүн маалымат кызматынан билдиргендей, жыйында коронавирус инфекциясы менен ооруган бейтаптарды аныктоо жана кайра жиберүү үчүн бөлүштүрүү пунктуларын уюштуруу, ошондой эле медициналык мекемелердин жана жеке лабораториялардын биргелешкен иши жөнүндө маселелер талкууланды.

“Эч ким былтыркы жылдагыдай экономикалык ишмердүүлүктү чектөө же жарандардын өлүмгө учуроо деңгээли боюнча сценарийдин кайталанышын каалабайт. Бардык жооптуу мамлекеттик органдар жана жергиликтүү бийлик органдары күчөтүлгөн тартипте иштөөгө өтүүлөрү зарыл. Саламаттык сактоо системасы бейтаптардын саны дагы өсүшүнө даяр болушу керек”, – деди Бакашова.

Саламаттык сактоо жана социалдык өнүктүрүү министрлигине төмөнкүлөр тапшырылды:

  • Санариптик өнүктүрүү министрлиги менен биргеликте электрондук саламаттык сактоо системасын ишке киргизүүнү, дары-дармек каражаттар жана медициналык буюмдар боюнча улуттук маалыматтар базасын, ошондой эле коронавирус оорусунан айыккан бейтаптардын бирдиктүү реестрин түзүүнү тездетсин;
  • ооруканаларда кошумча керебеттерди жайгаштырууда реанимациялык бөлүмдүн милдеттүү болуусу менен өзүнчө корпусту же имаратты бөлүү мүмкүнчүлүгүн караштырсын;
  • облустарда, Бишкек жана Ош шаарларында коронавирус менен ооруган кош бойлуу аялдарды дарылоо үчүн өз алдынча саламаттык сактоо мекемелерин, ошондой эле коронавирусту жуктуруп алган өнөкөт бөйрөк жетишсиздиги бар бейтаптарды дарылоо үчүн гемодиализ борборлорун аныктасын;
  • министрлер кабинетинин облустардагы ыйгарым укуктуу өкүлдөрү Бишкек жана Ош шаарларынын мэриялары менен биргеликте 118 номерлүү кызматтын үзгүлтүксүз иштөөсүн камсыз кылсын (зарыл болгондо кызматкерлердин санын көбөйтүү менен);
  • шаар жана облустардын аймактарында күндүзгү же күнү-түнү иштөөчү стационарларды ачуу учурунда кире бериште медициналык персоналдын тийиштүү штатын камсыз кылуу менен бөлүштүрүү зоналарын милдеттүү түрдө уюштурсун;
  • 10 күндүк мөөнөттө медициналык мекемелер менен жеке лабораториялардын ортосунда келишимдик мамилелерди түзүү жөнүндө маселени иштеп чыксын;
    вакцинациялоо темпин күчөтсүн.
197
Белгилер:
тапшырма, коронавирус, Жылдыз Бакашова, өкмөт
Тема:
Коронавируска байланыштуу Кыргызстандагы кырдаал
Тема боюнча
"Манас" аэропортундагы ПЦР-лаборатория күнү-түнү иштей баштады
Вакцинадан баш тартуу COVID-19дун организмде мутацияланышын шарттайт

Россиянын аскер учагы Кара деңизде британиялык кемени кантип токтотту. Видео

0
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

0
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?