Тез жардам автоунаалары. Архив

COVID: Кызыл жарым ай коому Чүйдө тез жардам кызматын ишке киргизди

64
(жаңыланган 11:27 06.06.2021)
Кыргызстан боюнча эпидемиологиялык абал Бишкек шаары менен Чүй облусунда оор бойдон калууда. Оору жугузгандардын жана каза тапкандардын басымдуу бөлүгү дал ушул аймактарда катталып жатат.

БИШКЕК, 6-июн. — Sputnik. COVID-19га байланыштуу абал курч бойдон кармалып тургандыктан Кыргызстандын Кызыл жарым ай коому Чүй облусу боюнча тез жардам кызматын ишке киргизди. Бул тууралуу Республикалык штабдан кабарлашты.

"Чүй облусу боюнча тез жардам кызматы COVID-19дун белгилери бар жарандарга жардам берип, 118 кызматынын жүгүн жеңилдетүү максатында иштейт. Жардам берүү акысыз", — деп айтылат билдирүүдө.

Бишкек, Токмок, Кара-Балта жана Кант шаарларынын тургундары төмөнкү телефондорго чалса болот:

  • 0709-400-600;
  • 0772-455-660;
  • 0222-264-609.

Эске салсак, Кыргызстан боюнча эпидемиологиялык абал Бишкек шаары менен Чүй облусунда оор бойдон калууда. Оору жугузгандардын жана каза тапкандардын басымдуу бөлүгү дал ушул аймактарда катталып жатат.

64
Белгилер:
коронавирус, тез жардам, Кызыл жарым ай коому, Чүй облусу, Бишкек
Тема:
Коронавируска байланыштуу Кыргызстандагы кырдаал (2775)
Тема боюнча
Кыргызстанда толугу менен эмдөөдөн өткөндөр 40 миңден ашты
Министр Бейшеналиев: сентябрга чейин 1 миллион адам COVID-19га каршы эмделет
Казакстан коронавируска каршы QazVac вакцинасы. Архив

Казак өкмөтү: Кыргызстанга вакцина берүү пландалган эмес

38
(жаңыланган 10:15 24.06.2021)
Казакстан учурда айына QazVac вакцинасын 100 миң дозадан гана даярдап жатат. Бул көлөмдү август айынын соңунда гана көбөйтүү каралган.

БИШКЕК, 24-июн. — Sputnik. Казакстан жакынкы айларда эч бир өлкөгө коронавируска каршы QazVac вакцинасын бербейт. Бул тууралуу өлкө вице-премьери Ералы Тугжанов билдиргенин Sputnik Казакстан агенттиги жазды.

Эске салсак, Кыргызстандын саламаттык сактоо министри Алымкадыр Бейшеналиев ушул жуманын ичинде өлкөгө казакстандык QazVac вакцинасы алып келинерин айткан. Болгондо дагы жума же ишемби күнү вакцинанын 50 миң дозасы гумжардам катары келерин баса белгилеген.

"Биринчи кезекте Казакстан вакцина менен өз жарандарын камсыздоосу керек. Андыктан август айынын аягына чейин кайсы бир өлкөгө QazVac вакцинасын жөнөтүү боюнча сөз дагы болбойт. Сентябрь айында гана вакцинанын 1 миллионго жакын дозасын даярдап бүтөбүз. Ошондо башка өлкөлөргө берүү маселесин карашыбыз мүмкүн", — деди Тугжанов.

Ал эми коңшу өлкөнүн саламаттык сактоо министри Алексей Цой балким мындай өтүнүч менен Кыргызстан Казакстанга кайрылса керек деп божомолдоду.

"Албетте, кызыкдар өлкөлөр бар. Биз өтүнүч, сунуштардын бардыгын карап чыгабыз. Бирок жакынкы айларда эч кимисине вакцина бере албайбыз", — деди Цой.

QazVac (QazCovid-in) — Казакстанда чыгарылган коронавируска каршы препарат. Алгач 75 миң доза өндүрүлүп, апрель айынан баштап жергиликтүү эл эмделе баштаган. Клиникалык сыноонун акыркы, үчүнчү фазасы 2020-жылдын декабрь айында өткөрүлгөн.

38
Белгилер:
төгүндөө, Алымкадыр Бейшеналиев, Кыргызстан, коронавирус, QazVac вакцинасы, Казакстан
Тема:
Коронавируска каршы эмдөө
Тема боюнча
Аптап коронавирустун жаңы штаммына кандай таасир этери айтылды
ДССУ балдарды эмдөө боюнча көз карашын өзгөрттү
Күндүн ысыгы учурунда көчөдө жүргөн жаштар

Аптап коронавирустун жаңы штаммына кандай таасир этери айтылды

52
(жаңыланган 10:08 24.06.2021)
Биолог азыркы өтө ысык температура COVID-19 менен ооруган адамдардын абалына таасир тийгизиши толук мүмкүндүгүнө токтолгон.

БИШКЕК, 24-июн. — Sputnik. Россияда коронавирустун "индия" штаммынын таралышы кээ бир аймактарда күндүн катуу ысышына туш келди. Бул экөөнүн ортосунда кандай байланыш бар экендигин Sputnik радиосуна Москва мамлекеттик университетинин биология факультетинин профессору Николай Никитин түшүндүрүп берген.

Анын айтымына караганда, пандемия учурунда жайкы ысык кандайдыр бир жолдор менен коронавирустун таралышына жакшы жардамчы экендиги түшүнүктүү болду. Мындай учурда социалдык факторлор гана абалга аралжы болушу мүмкүн. Тагыраагы, ысыкта эл эс алуу үчүн чыгып кетип, бири-бири менен аз жолугуп, оорунун жугуу кооптуулугу азаят.

Вирустун өзү үчүн ысык өтө маанилүү эмес. Апаптуу аба ырайы жаңы мутациялардын пайда болушун деле шарттабайт.

"Аптап, ачуу тийген күн жана ультрафиолеттин коронавирус инфекциясы менен вируска таасири жок. Штаммдарга келе турган болсок, ысык жаңы мутациялардын пайда болуп жана таралышын шарттады деп айта албайбыз", — деген биолог.

Ошону менен бирге эле азыр болуп жаткан өтө ысык температура COVID-19 менен ооруган адамдардын абалына таасир тийгизиши толук мүмкүндүгүн кошумчалаган. Адистин айтымында, биринчи иретте бул өнөкөт илдети барлар, өзгөчө кан тамыр системасы менен жүрөгү ооругандарды аябайт.

"Аптап алардын жүрөгүнө жакпайт, тагыраагы, аны аталган организм көтөрө албагандыктан оору күчөп кетиши мүмкүн", — деген Никитин.

Учурда дүйнөнүн көп өлкөсүндө коронавирустун "индия" штаммы тарап, пандемияга жаңы толкун кошууда. Анткен менен адистер кандай гана болбосун, эки доза менен алынган вакцина ооруга туруштук берерин айтып жатышат.

52
Белгилер:
окумуштуулар, аптап, биология, "Индия" штаммы, коронавирус
Тема:
Дүйнөгө жайылган коронавирус
Тема боюнча
COVID: Республикалык штаб министрликке жаңы тапшырмаларды берди
Министр: Кыргызстанда коронавирустун бардык штаммы болушу мүмкүн
Көчөдө бара жаткан кыздын силуэти. Архив

Жалал-Абадда 18 жаштагы өзбекстандык кыз изделүүдө. Сүрөт

0
(жаңыланган 10:56 24.06.2021)
Бахрамова Севинч Шерзод кызы Кыргызстандын Жалал-Абад мамлекеттик университетинин филология факультетинин 1-курсунда окучу.

БИШКЕК, 24-июн. — Sputnik. Жалал-Абад ШИИБдин маалымат кызматы 18 жаштагы Өзбекстандын жараны изделип жатканын билдирди.

Ага ылайык, милицияга Өзбекстандын Кашка-Дарыя облусуна караштуу Яккабак шаарынын Ойша Азаматова аттуу тургуну кайрылып, небереси дайынсыз болуп жатканын билдирген.

Без вести пропавшая в Джалал-Абаде, 18-летняя гражданка Узбекистана Севинч Бахрамова (Шерзод кызы)
© Фото / пресс-служба УВД Джалал-Абадской области
Бахрамова Севинч Шерзод кызы Кыргызстандын Жалал-Абад мамлекеттик университетинин филология факультетинин 1-курсунда окучу

Анын айтымында, Бахрамова Севинч Шерзод кызы Кыргызстандын Жалал-Абад мамлекеттик университетинин филология факультетинин 1-курсунда окучу. Ал Жалал-Абад шаарында жашап жүрүп ушул жылдын 3-майында Өзбекстандын аймагына кирген боюнча дайынсыз.

Белгилери: бою 160-165 сантиметр. Кара тору, чачы, көзү, кашы кара, мурду кырдач, арык. Сол далысында сары күрөң калы бар.

Эгер Бахрамова Севинч Шерзод кызы боюнча кандайдыр бир маалыматтар болсо, милиция төмөнкү телефондорго кабарлап коюуну өтүндү: 102 кыска номери, (03722) 5-28-31, 7-03-44, 0(0224) 95-15-15, 0(773)00-08-02.

0
Белгилер:
милиция, издөө, кыз, Өзбекстан, Кыргызстан
Тема боюнча
Сарайдан чыккан боюнча жок. Ысык-Атада 34 жаштагы Элдияр Байгазиев изделүүдө
Жалал-Абадда 13 жаштагы өспүрүм бала жоголду. Сүрөт