Үйдүн жашоочулары балкондо. Архив

Кондиционер жок деп кейибеңиз! Үйдү салкындатуунун 11 ыкмасы

12513
(жаңыланган 16:54 06.06.2021)
Адис үйлөмө шар, бөлмө өсүмдүктөрү жана кадимки эле швабранын жардамы менен саратанда үйдү салкындатуунун жолдорун тизмектеп берди.

Кыргызстанда жаз кечиксе да жай өз маалында келди. Дегенибиз термометр эмитен эле көлөкөдө +30...+35 градусту көрсөтүүдө. Энергетикалык эффективдүүлүк боюнча инженер Оксана Гудкова кондиционер орнотпостон колубуздагы эле каражаттар менен батир же жеке турак жайды мээлүүн кармоого болорун айтып берди.

Инженер ВИЭ Оксана Гудкова в офисе Sputnik Кыргызстан
© Sputnik / Асель Сыдыкова
Энергетикалык эффективдүүлүк боюнча инженер Оксана Гудкова

Кенен мейкиндик

Бөлмөлөрдө көбүрөөк орун бошотуңуз. Абанын тоскоолдуксуз айланышы температураны төмөндөтүүгө көмөкчү болот. Мунун чарасы жеңил эле, эмерек, стол, отургучтарды дубалга такай коюңуз, бөлмө каалгаларын ачык кармап, килем, төшөк, одеяло, каалгалардагы көшөгөлөрдү алып салыңыз. Бөлмө канчалык бош болсо, абанын аптабы ошончолук тез кайтат.

Квартира жилого дома построенного для военнослужащих Министерства обороны и Пограничной службы ГКНБ. 28 мая 2021 года
© Пресс-служба президента КР / Султан Досалиев
Бөлмөлөрдө көбүрөөк орун бошотуңуз. Абанын тоскоолдуксуз айланышы температураны төмөндөтүүгө көмөкчү болот

Терезелер

Терезе пардаларын калың кездемеден тагып, күн чакыйып тийип турганда ачпаңыз. Батирди таң эртең менен же кеч киргенде желдеткен оң. Эгер терезелер ар багытка караса, анда үйдүн көлөкө жагындагыларын гана ачкан дурус. Ошондой эле терезенин айнектерин караңгылатуучу же жарыкка чагылуучу пленкаларды чаптоо да кактаган күндүн табынан жакшы коргойт. Эгер экөө тең болбосо, кадимки эле ак кагаз чаптаңыз. Бул күндүн жарыгын чагылтып бөлмөдөгү абанын жылып кетишине жол бербейт.

Шам чырак жана лампалар

Лампалардын катуу ысып кетери жалпыга маалым. Баарынан да ичине зым салынган кадимки лампочкалар өтө ысыйт. Абанын температурасын түшүрүү үчүн люстра, шам чырак же зарылдыгы болсо светильниктерди колдонуңуз. Лампаларды жарык чыгаруучу диодго алмаштырууга болот. Алар азыраак (80 пайызга дейре) гана ысыбастан, электр кубатын да сарамжалдайт.

Энергосберегающая лампочка горит в комнате. Архивное фото
© Фото / Pexels / Mohamed Khaled
Лампаларды жарык чыгаруучу диодго алмаштырууга болот. Алар азыраак (80 пайызга дейре) гана ысыбастан, электр кубатын да сарамжалдайт

Ашкана жана жабдыктар

Газ же электр мешке тамак жасаганыңызда бөлмө катуу ысып кетет. Жайдын аптабында азыгыңызды таңда же кечкисин жасап алып, муздаткычта сактап, жылытып жеген жакшы. Бөлмөнүн ысышына муздаткыч, телевизор, компьютер да таасир этет. Өчүрүлүп турган жабдыктар да электр кубатын сарптап, абаны жылытарын эсиңизге түйүңүз.

Нымдуулук

Үйдү улам жууп-тазалап туруңуз. Бууланган ным абаны бир аз салкындатат. Нымдалган шейшептерди бөлмөгө илип же муздак сууну тюль, парда, обойлорго пульверизатор менен чачуу да ушул натыйжаны берет. Майда тамчылардан зыян келбейт, ал эми суунун бууланышы да мээлүүн абаны тартуулайт.

Вентилятор

Көп үйлөрдө вентиляторлорду пайдаланышат, бирок кыйла салкындатуу үчүн алар туура жерде турушу шарт. Мисалы, желдетүүдө бир вентиляторду терезеге абаны үйлөөгө, экинчисин башка бөлмөгө абаны толтуруу үчүн коюу керек. Сырттагы мээлүүн аба үйдү тез салкындатат. Мындан тышкары, эгер багытын алмаштырып турган вентиляторду пайдалансаңыз, аны муздак аба өйдө үйлөгөндөй кылып бурууга болот. Эгер вентилятордун жанына муз салынган желим бөтөлкө койсоңуз, абаны кондиционердей эле муздатат.

Үйлөмө шар

Эгер үйдө вентилятор болбосо кадимки үйлөмө шарды пайдаланууга болот. Суу толтуруп, түнкүсүн тоңдургучка салыңыз. Таң атканда шариктерди бөлмөлөргө коюп чыгасыз, салкын аба 2-4 саат сакталат.

Нымдаткыч жабдык

Бөлмөнү мээлүүн кылуу үчүн ушундай жабдыкты колдонуңуз. Алар абаны гана салкындатпастан, ным менен каныктырат. Мындан улам дем алуу жеңилдей түшөт. Эгер атайын жабдык болбосо, кадимки эле пульверизаторду пайдалануу менен улам суу чачыратып коюп туруңуз.

Шейшептерди муздатуу

Күн тийбесе да таңдан берки ысыган аба түндө да ыңгайсыздык жаратышы ыктымал. Саратан түнү шейшептерди муздатуу дароо уктоого жардам берет. Ал үчүн шейшепти желим баштыкка салып тоңдургучка болгону 10-15 мүнөткө салыңыз. Нымды эмес, салкын абаны сезесиз.

Үйдү гүлгө толтуруңуз

Бөлмө өсүмдүктөрү да үйдөгү абаны мээлүүн кармайт. Ошондой эле гүл өстүрүлгөн тамда аба тазараак дагы келет. Өсүмдүктөр нымды активдүү буулантып, салкын абаны камсыз кылат.

Цветы в Заокском питомнике растений.
© Sputnik / Виталий Белоусов
Бөлмө өсүмдүктөрү да үйдөгү абаны мээлүүн кармайт. Ошондой эле гүл өстүрүлгөн тамда аба тазараак дагы келет

Жылуулоо

Сыртынан жылууланган үй жана батирлердин чатыр жана дубалдары көчөдөн жылуулук киргизбей, ичтен да салкын абаны чыгарбайт. Ошондуктан жайы-кышы ыңгайлуу жашагыңыз келсе, үйдү изоляциялык материалдар менен жылуулаган оң. Андан сырткары, кубаттуулукту үнөмдөөчү айнектер салынган кат-кат терезелерди коюуга болот. Эгер шартыңыз туура келсе, үйдүн дубал, чатырын ак түскө сырдаңыз, бул күндүн нурун жакшы чагылтат. Айрыкча аптаптуу аймактарда бул абдан орчундуу.

12513
Белгилер:
турак-жай, батир, ыкма, аптап, ысык, кондиционер
Тема боюнча
Кыргызстан Орто Азияны климаттык апааттан сактап кала алат. Суу тууралуу маек
Айыл, суу чарба жана аймактарды өнүктүрүү министри Аскарбек Жаныбеков. Архив

Министр: Орто-Токой суу сактагычындагы суу бир айга гана жетет

21
(жаңыланган 23:35 17.06.2021)
Министр Орто-Токой суу сактагычында 224 миң куб суу калганын айтып, сууну эл өзүм билемдикке салып колдонбошу керектигин эскертти.

БИШКЕК, 17-июн. — Sputnik. Эгер суунун чыгымы азыркыдай көп болсо, анда 15-20-июлда Орто-Токой суу сактагычында суу калбай калат. Бул тууралуу Айыл, суу чарба жана аймактарды өнүктүрүү министри Аскарбек Жаныбеков Жогорку Кеңештин жыйынында билдирди.  

"Орто-Токой суу сактагычында 224 миң куб суу калганын айтып коюшум керек. Эгер биз аны азыркыдай иштетсек, 15-20-июлда ал жакта суу жок калат. Суу сактагыч беш дарыядан барган суу менен толот. Быйыл нормадан 50 пайызы гана келип жатат. Кырдаалдан чыгуунун бир эле жолу бар. Ал график боюнча кезектешип сугаруу жана скважинаны иштетүү", — деди министр.  

Аткаминер эл сууну өзүм билемдикке салып бөлүштүрбөшү керектигин эскертип, суу  чарбасы бөлүштүргөн графиктин негизинде иш алып барышы керектигин белгиледи.  

Чүй облусундагы суу тартыштыгы дыйкандарды убайымга салды. Алардын эгин талаалары куурап, бир жылдык түшүмдөн кол жууп калуу кооптуулугу бар. Бийлик өкүлдөрү тоолордо күн жылыбай, мөңгүлөрдүн эрибей жатканы көйгөйдүн бирден-бир себеби экенин айтууда.
© Sputnik / Акылбек Батырбеков , Эмиль Садыров
"Эгер суу бөлүштүрүү боюнча график сакталса, суу баарына жетет. Суу ресурстары боюнча агенттикте 4 600 адам иштейт. Көбүнүн айлыгы 4600-4800 сом. Ага карабай бул адамдар каналда күнү-түнү иштеп, аракет кылып жатышат", — деди Жаныбеков.  

Буга чейин Суу ресурстары боюнча мамлекеттик агенттиктин жетекчисинин орун басары Абдыбай Жайлообаев июлда сугат суусу азыркыдан да тартыш болушу мүмкүн экенин божомолдогон.

21
Белгилер:
министр, бөлүштүрүү, айыл чарба, суу, Орто-Токой суу сактагычы
Тема боюнча
Сабиз менен картошканы сыртка сатууга тыюу салынат
Бийлик өкүлдөрү суу эмнеге кескин азайып кеткенин түшүндүрдү
Түнкүсүн Бишкектин борборунун көрүнүшү. Архив

Бишкектин жарымы жарыксыз калды. Энергетика министринин түшүндүрмөсү