Карыя киши небереси менен шахмат ойноп жатат. Иллюстративдик сүрөт

Окумуштуу: коомдо интеллект деңгээли түшүп бара жатат

218
(жаңыланган 13:05 06.06.2021)
Илимпоздун айтымында, 1930-1980-жылдар аралыгында туулган кишилердин IQ деңгээли андан кийин туулгандардыкына караганда 20 пайызга жогору.

БИШКЕК, 6-июн. — Sputnik. Орто эсеп менен алганда жылдан-жылга адамдын интеллектинин деңгээли түшүп бара жатат. Бул тууралуу Жалпы россиялык техникалык эстетика илим-изилдөө институтунун Неврология илимий борборунун директору Михаил Пирадовдун пикирине таянып РИА Новости агенттиги жазды.

Адис "Илим жана жашоо. Адамзат жоголуу коркунучунда" аталышындагы илимий сессияга катышып, сөз сүйлөдү.

"Эгер адам баласынын цивилизациясы өсүп-өнүксүн десек, жөн гана ден соолукка эмес, менталдык саламаттыкка дагы көңүл бурушубуз керек. Акыл-эсти өстүрүү зарыл. Анткени мээ — бул адамдын негизи", — деди Пирадов.

Анын айтымында, 1930-1980-жылдар аралыгында туулган кишилердин IQ деңгээли андан кийин туулгандардыкына караганда 20 пайызга жогору. Окумуштуу ушундай жол менен кете берсек, келечекте колунан эч нерсе келбеген муун пайда болушу мүмкүн экенин айтты.

Ошол эле иш-чарага катышкан Акушердик гинекология жана тукум улоо боюнча илимий институтунун директору Игорь Коган адам баласы таптакыр эле жок болуп кетиши мүмкүн деген пикирде.

"Учурда дүйнөдө жубайлардын 17-18 пайызы балалуу боло алышпайт. Бул тукумсуздук. Бойго бүткөн күндө дагы көпчүлүк учурда түйүлдүк төрөткө чейин жетпей калып жатат", — деди Коган.

Мындан улам окумуштуулар адам баласы өзүнүн өнүгүү жолунда айрым нерселерди өзгөртүшү керек деп эсептешет.

218
Белгилер:
тукумсуздук, ден соолук, акыл, интеллект, адам, окумуштуулар
Тема боюнча
Адис кандай дарыгерден жаа бою качуу керектигин айтып берди
Диетолог идеалдуу кечки тамак кандай болушу керектигин айтты
Жети-Өгүз райондук Эмгек жана социалдык өнүктүрүү башкармалыгынын үй-бүлө жана балдарды коргоо бөлүмүнүн башчысы Гүлбара Жаанбаева

Жаанбаева: жалгыз бой ата же энелер да фостердик үй-бүлө боло алат

0
(жаңыланган 11:23 24.06.2021)
Жети-Өгүз райондук Эмгек жана социалдык өнүктүрүү башкармалыгынын үй-бүлө жана балдарды коргоо бөлүмүнүн башчысы Гүлбара Жаанбаева 2021-жылдан баштап балдар 18 жашка чейин фостердик үй-бүлөлөрдө кала аларын айтты.

Фостердик үй-бүлөлөргө коюлган талаптар жогору. Алардын психологиялык абалы, кирешеси, бардыгы текшерилет. Эң маанилүүсү, мурда соттолбогон, укук коргоо органдары менен көйгөйү жок ата-эне болуусу зарыл. Бул тууралуу Гүлбара Жаанбаева Sputnik Кыргызстан радиосунун эфиринде маек куруп жатып билдирди.

Жаанбаева: жалгыз бой ата же энелер да фостердик үй-бүлө боло алат

Анын айтымында, фостердик үй-бүлө сөзсүз түрдө аялы, күйөөсүнөн турушу керек деген талап жок. Эгер мүмкүнчүлүгү болсо, жалгыз бой эне же аталар да бул укуктан колдоно алышат.

"Баланын фостердик үй-бүлөдө тарбияланышы, албетте, биринчи кезекте өзү үчүн пайдалуу. Ал үй-бүлө мүчөлөрүндөй болуп эле чарбалык иштерге аралашып, ата, эне, тууган-уругу бар чөйрөдө өсөт. Адамдык мамиле, боорукердик, күнүмдүк турмуштук иштерди үйрөнөт. Бирок балдар үйүнүн тарбиялануучуларын алып эле каалаган адам фостердик ата-эне боло албайт. Анткени балдар үйлөрүндө өзүнүн ата-энеси турмуштук оор кырдаалга туш болгон же убактылуу балага болгон укугунан ажыратылган тарбиялануучулар да бар. Мындай балдарды башка үй-бүлөгө убактылуу жашоого берип жатканда кийин өз ата-энесине кайтарып берүүсү, аларды жамандабай балага туура түшүндүрүү сыяктуу атайын окуулардан өткөрөбүз. Башкача айтканда, балдарды фостердик үй-бүлөлөргө жайгаштырып эле тим болбостон, аларды өз ата-энеси менен келечекте бириктирүүгө аракет кылабыз. Мурдагы мыйзамдар боюнча, балдар 16 жашка чейин гана фостертик үй-бүлөгө кабыл алынса, ушул жылдан тарта 18 жашка дейре узартылды", — деди Жаанбаева.

Ал ошондой эле фостердик үй-бүлөдө өз балдарын кошкондо бир учурда бештен ашык бала болбошу керектигин кошумчалады.

0
Белгилер:
фостердик үй-бүлө, укук, бала
Тема боюнча
Баткен облусунда кыска мөөнөттүү бала бакчалар ачылат. Артыкчылыгы эмнеде
Медициналык кызматкерлер жансыз денени Делидеги ооруканага жеткиришет. Архив

Индиялык адис: COVID-19дун "дельта-плюс" штаммы өтө тез жугат

11
(жаңыланган 11:06 24.06.2021)
Адистин айтымында, "дельта-плюс" штаммын жуктуруп алуу үчүн байтаптын жанынан бет капсыз өтүп кетүү эле жетиштүү.

БИШКЕК, 24-июн. — Sputnik. Индияда табылган коронавирустун "дельта-плюс" (B.1.617.2.1) деп аталган түрү өтө бат жугары аныкталды. Бул тууралуу Бүткүл индиялык медициналык илимдер институтунун директору Рандип Гулерияга шилтеме берип India Today басылмасы жазды.

Анын айтымында, ооруну жуктуруп алуу үчүн байтаптын жанынан бет капсыз өтүп кетүү эле жетиштүү.

"Жаңы штамм мурдагыларга салыштырмалуу өтө бат жугуп жатат. Ага кабылган адамдын жанынан бет капсыз өтүп кетүү эле вирустун жайылышына алып келет. Бул штаммдын антитело менен иммунитетти тоготпогону адистердин тынчсыздандырууда", — деди адис.

Учурда "дельта-плюс" штаммын индиялык окумуштуулар изилдеп, учудагы вакциналар ага канчалык туруштук бере аларын аныктоого аракет кылууда.

"Дельта" штаммы мутациясын улантууда. Өткөн аптада бул штамм Махараштра штатында табылган. Башкалардан ооруп айыккандардын антителосун жана эмделгендердин иммунитетин төмөндөтүп кое алгандыгы менен айырмаланат. Индияда бул штаммга кабылган 22 учур катталды.

11
Белгилер:
коркунучтар, штамм, коронавирус, Индия
Тема:
Дүйнөгө жайылган коронавирус
Тема боюнча
COVID: Республикалык штаб министрликке жаңы тапшырмаларды берди
Индияда коронавирустун жаңы мутациясы пайда болгону айтылды