* УКМК * ЧЕК * АРА *
Кыргызстандын аскер кызматкерлери Тажикстан менен чек арада

УКМК кыргыз-тажик чек арасындагы абал боюнча маалымат берди

244
(жаңыланган 18:08 06.06.2021)
Кыргыз-тажик чек арасын делимитациялоо жана демаркациялоо боюнча өкмөттөр аралык делегациянын сүйлөшүүсүнүн жыйынтыгы менен кошумча күчтөрдү артка кайтаруу иштери жыйынтыкталган.

БИШКЕК, 6-июн. — Sputnik. Ош облусунун Чоң-Алай районундагы Унжу-Булак участогундагы абал туруктуу. Бул тууралуу УКМКнын Чек ара кызматынан кабарлашты.

Ага ылайык, кыргыз-тажик чек арасындагы кыргызстандык чек арачылар күчөтүлгөн тартипте иштеп жатат.

"Саат 15:30га карата Унжу-Булак участогундагы абал туруктуу. Кыргыз-тажик чек арасын делимитациялоо жана демаркациялоо боюнча өкмөттөр аралык делегациянын сүйлөшүүсүнүн жыйынтыгы менен аскерлерди жана кошумча күчтөрдү артка кайтаруу иштери жыйынтыкталды", —деп айтылат маалыматта.

Белгилей кетсек, 4-июнга караган түнү саат 03:00дөр чамасында тажик тарап Чоң-Алай районундагы Унжу-Булак аймагындагы такталбаган жерге 1000 метрге чейин кирип келип, контейнер коё баштаган. Ошол эле учурда тажик аскерлери автоунаа жана жеңил брондолгон техникалары менен топтолгону байкалган.

Кыргыз өкмөтү муну менен буга чейин жетишилген кыргыз-тажик чек арасын делимитациялоо жана демаркациялоо иштери боюнча өкмөттөр аралык делегациянын келишими бузулганын белгиледи.

Бирок Тажикстандын ТИМи аскердик наряд Тажикстандын өзүнүн аймагында, буга чейин такталган, эки тараптын биргелешкен протоколу менен макулдашылган жеринде турганын билдирген.

4-июнда Ош облусунун Чоң-Алай районуна караштуу Карамык, Жекенди, Кара-Тейит, Шибе жана Чулук айылынын тургундарын эвакуациялоо башталып, 5-июнда көчүрүлгөн эл кайра айылдарына жеткириле баштаган.

Кийинчерээк эки өлкөнүн Чек ара кызматынын жетекчилери сүйлөшүп, макулдашкан протоколу жарыяланган. Анын негизинде эки тараптын тең аскерлерин артка кайтаруу тууралуу жазылган.

244
Белгилер:
абал, Тажикстан, Кыргызстан, Мамлекеттик чек ара кызматы, УКМК
Тема:
Баткендеги кыргыз-тажик жаңжалы (299)
Тема боюнча
Кыргызстан Тажикстандын "Унжу-Булак" боюнча билдирүүсүнө жооп кайтарды
Наряд өз аймагында турат. Тажикстан дагы Кыргызстандын элчисине нота тапшырды
Жаңы үлгүдөгү Алтын тамга аттестаттары

Бишкектик 99 бүтүрүүчү жаңы үлгүдөгү "Алтын тамга" аттестатын алды. Сүрөт

15
(жаңыланган 15:14 25.06.2021)
Мектепти жакшы баа менен аяктагандарды шаардын мэринин милдетин аткаруучу Бактыбек Кудайбергенов куттуктап, документ менен кошо акылдуу саат тапшырды.

БИШКЕК, 25-июн. — Sputnik. Бишкектеги билим берүү мекемелерин аяктаган 99 балага жаңы үлгүдөгү "Алтын тамга" аттестаты тапшырылды. Бул тууралуу мэриянын маалымат кызматы кабарлады.

  • И.о. мэра Бишкека Бактыбек Кудайбергенов на торжественной церемонии вручения аттестатов особого образца Алтын тамга выпускникам 11-х классов столичных школ. 25 июня 2021 года
    Бишкектеги билим берүү мекемелерин аяктаган 99 балага жаңы үлгүдөгү "Алтын тамга" аттестаты тапшырылды
    © пресс-служба мэрии города Бишкек / Улукбек Шамбетов
  • И.о. мэра Бишкека Бактыбек Кудайбергенов на торжественной церемонии вручения аттестатов особого образца Алтын тамга выпускникам 11-х классов столичных школ. 25 июня 2021 года
    Салтанаттуу иш-чара Абдылас Малдыбаев атындагы опера жана балет театрында өттү
    © пресс-служба мэрии города Бишкек / Улукбек Шамбетов
  • И.о. мэра Бишкека Бактыбек Кудайбергенов на торжественной церемонии вручения аттестатов особого образца Алтын тамга выпускникам 11-х классов столичных школ. 25 июня 2021 года
    Мектепти жакшы баа менен аяктаган бүтүрүүчүлөрдү шаардын мэринин милдетин аткаруучу Бактыбек Кудайбергенов куттуктап, документ менен кошо акылдуу саат тапшырды
    © пресс-служба мэрии города Бишкек / Улукбек Шамбетов
  • И.о. мэра Бишкека Бактыбек Кудайбергенов на торжественной церемонии вручения аттестатов особого образца Алтын тамга выпускникам 11-х классов столичных школ. 25 июня 2021 года
    Ал эми бүтүрүүчүлөр шаар башчысына өз колдору менен жасаган белекти беришкен. Анда шаардын символу болгон илбирстин сүрөтү кийизге түшүрүлгөн
    © пресс-служба мэрии города Бишкек / Улукбек Шамбетов
1 / 4
© пресс-служба мэрии города Бишкек / Улукбек Шамбетов
Бишкектеги билим берүү мекемелерин аяктаган 99 балага жаңы үлгүдөгү "Алтын тамга" аттестаты тапшырылды

Салтанаттуу иш-чара Абдылас Малдыбаев атындагы опера жана балет театрында өттү. Мектепти жакшы баа менен аяктаган бүтүрүүчүлөрдү шаардын мэринин милдетин аткаруучу Бактыбек Кудайбергенов куттуктап, документ менен кошо акылдуу саат тапшырды. Ал эми бүтүрүүчүлөр шаар башчысына өз колдору менен жасаган белекти беришкен. Анда шаардын символу болгон илбирстин сүрөтү кийизге түшүрүлгөн.

Иш-чара бардык санитардык-эпидемиологиялык эрежелерди сактоо менен өткөрүлдү.

15
Белгилер:
"Алтын тамга" аттестаты, тапшыруу, аттестат, бүтүрүүчү, Бишкек мэриясы
Тема боюнча
Министрлик жогорку окуу жайга тапшыруунун босого баллын белгиледи
ЖРТнын жыйынтыгы менен алтын сертификат алгандар. Тизме
QazVac вакцинасы. Архивдик сүрөт

Элчи менен сүйлөшкөнбүз. Министр Бейшеналиев QazVac вакцинасы тууралуу

18
(жаңыланган 15:08 25.06.2021)
Буга чейин Бейшеналиев өлкөгө казакстандык QazVac вакцинасы алып келинерин айткан. Көп өтпөй коңшу өлкөнүн өкмөтү бул маалыматты төгүндөгөн.

БИШКЕК, 25-июн. — Sputnik. Саламаттык сактоо жана социалдык өнүктүрүү министри Алымкадыр Бейшеналиев Казакстандын коронавируска каршы QazVac вакцинасы боюнча боюнча түшүндүрмө берди.

"Биз Казакстандын Кыргызстандагы элчиси менен сүйлөшкөнүбүздө вакцина берилет деп айткан", — деди министр.

Эске салсак, Бейшеналиев өтүп бара жаткан жуманын ичинде өлкөгө казакстандык QazVac вакцинасы алып келинерин айткан. Болгондо дагы жума же ишемби күнү вакцинанын 50 миң дозасы гумжардам катары келерин баса белгилеген.

Көп өтпөй коңшу өлкөнүн вице-премьери Ералы Тугжанов менен саламаттык сактоо министри Алексей Цой бул маалыматты төгүндөгөн. Алар Казакстан жакынкы айларда эч бир өлкөгө коронавируска каршы QazVac вакцинасын бербей турганын, бул тууралуу сөз дагы болбогонун билдиришкен.

18
Белгилер:
вакцина, Казакстан, коронавирус, Алымкадыр Бейшеналиев
Тема боюнча
Казак өкмөтү: Кыргызстанга вакцина берүү пландалган эмес
Акылбек Жапаров: өлкөдө элдин 0,7%ы гана вакцина алды, бул — биздин трагедия