Экс-премьер-министр Өмүрбек Бабанов. Архив

Катты абактан жазып жатам… Өмүрбек Бабанов элге кайрылуу жасады

719
(жаңыланган 17:24 07.06.2021)
Өмүрбек Бабанов 2012-жылдын акырына чейин премьер-министр болуп иштегенге мүмкүнчүлүк берилгенде Кыргызстандын Кумтөрдөгү үлүшүн сөзсүз түрдө 70 пайызга жеткирип, өлкө өзү Кумтөрдү башкарып калмактыгын белгиледи.

БИШКЕК, 7-июн. — Sputnik. Кумтөр иши боюнча коррупциялык ишке шектелип УКМКнын тергөө абагына киргизилген саясатчы Өмүрбек Бабанов кыргызстандыктарга кат аркылуу кайрылды. Ал катты тергөө абагынан жазганын белгилеген.

Саясатчы абийири таза болгондуктан башын бийик көтөрүп жүрөрүн айткан.

"Кымбаттуу кыргызстандыктар! Мен бул катты УКМКнын тергөө абагынан жазып жатам. Менин эрким бекем жана үмүтүм чоң, анткени чындык баары бир жеңет. Мен башымды бийик көтөрүп жүрөм, анткени менин абийирим таза жана ишим туура", — деди Бабанов.

Ал сот боюнча пикири менен дагы бөлүшкөн.

"Мен жактоочуларым менен соттук териштирүүгө журналисттерди киргизүүнү абдан сурандым. Эгер мен корко турган нерсе болсо, журналисттерди киргизгиле дейт белем? Тилекке каршы, сот бул өтүнүчүбүздү канааттандырган жок, залда аудио-видео жазуу жүргүзүлөт, аны кийин алса болот деген. Бирок соттук териштирүүдөн кийин видеоматериалды берүүдөн баш тартышты. Менин жактоочуларым расмий түрдө өтүнүч кылганы менен, сот техникалык себептерден улам жазылбай калыптыр деп жооп берип койду.

Судья эмнеге алдайт? Соттук териштирүү түшүрүлгөн видеону бергенден коркуп жатышат. Себеби соттогу абсурдду видеожазуудан бардыгы көрө алмак. Тергөөчү менен прокурор бир да суроого жооп бере албай башын жерге салып турушту. Анткени алар бир нерсени билишкен – мага коюлуп жаткан айып эч нерсеге жарабаган, акылга сыйбаган айыптоо", — деди Бабанов.

Саясатчы премьер-министр болуп турган кезде Кумтөр маселесин көтөргөн бирден бир аткаминер болгонун белгиледи.

"Ким Кумтөрдөн 16 300 гектар жерди мамлекетке кайтарды? Ким Жогорку Кеңештин чечиминен кийин дароо мамлекеттик комиссия түздү? Премьер-министрлердин ичинен кимиси “Центерранын” экологиялык кылмыштарын эл алдында ачыктап, келишимди өзгөртүү керек деп айтып чыкты эле? Ким Кумтөрдү калктын начар жашаган аярлуу катмарына жардам катары 21 миллион доллар бөлүп берүүгө мажбур кылды эле? Мени ушул иштерим үчүн соттоп жатышабы?.." — деп суроо салды ал.

Айыптоочу тараптын Бабанов премьер-министр кызматында турганда Жогорку Кеңештин айрым депутаттарын убактылуу депутаттык комиссиянын отчётуна каршы добуш берүүгө “үндөгөн” дегени боюнча дагы комментарий берген.

"2010-2012-жылдар Жогорку Кеңештин депутаттары өз алдынча жана өкмөттөн көз каранды эмес учуру катары тарыхта калды.
Жогорку Кеңеш мени жана менин өкмөтүмдү кандай катуу сындаганы эсиңиздерде болсо керек. Бизди отставкага кетирүүгө аракет кылып, ишеним көрсөтпөө жарыялашкан. Жыйынтыгында, алар максатына жетип, коалицияны ыдыратып, мен 31-августта отставкага кеттим.

Керек болсо "Республика" фракциясындагы менин үзөңгүлөштөрүм да бир кылка эмес, өз көз караштарына жараша добуш беришкен. Арасында “макул” же “каршы” добуш бергендери да бар, добуш бербей койгондору да бар. Ушунун өзү керек болсо фракциядагы депутаттар да чечимди жеке өздөрү кабыл алган дегенди далилдеп турбайбы", — деди саясатчы.

Бабанов мөңгүлөр боюнча мыйзамга дагы каршы чыкканын айтты.

"2016-жылы парламентке Лысый жана Давыдов мөңгүлөрүн өздөштүрүү тууралуу мыйзамды алып келишкенде жеке мен жана биздин фракция каршы добуш бергенбиз. Бул менин "Центеррага" системдүү түрдө каршы чыгып жүргөнүмдүн дагы бир далили. Мага 2012-жылдын акырына чейин иштегенге мүмкүнчүлүк бербей коюшканы өтө өкүнүчтүү – биз Кумтөрдөгү Кыргызстандын үлүшүн сөзсүз түрдө 70 пайызга жеткирип, Кыргызстан өзү Кумтөрдү башкарып калмак", — деди ал.

Бабанов ал үчүн жашоодогу эң кымбат нерсе — бул анын фамилиясы экенин кошумчалаган.

719
Белгилер:
кылмыш, кен, Кумтөр, Өмүрбек Бабанов, Кыргызстан
Тема:
Өмүрбек Бабановдун камалышы (12)
Тема боюнча
Өмүрбек Бабанов эки айга УКМКнын тергөө абагына киргизилди
Өсүмдүк майы. Архив

Россия 365 тонна суу майды Кыргызстанга гумжардам катары берди

11
(жаңыланган 15:54 24.06.2021)
Россия БУУнун Кыргызстандагы Дүйнөлүк соода программасынын ири донору болуп саналат. Акыркы 10 жылда дээрлик 1 миллион кыргызстандыкка колдоо көрсөтүлгөн.

БИШКЕК, 24-июн. — Sputnik. Бишкек менен Ошко Россия гумжардам катары берген 365 тонна суу май жеткирилди. Азыктын бул түрү 27 миң аз камсыз үй-бүлөгө берилет.

Россия Кыргызстанга Дүйнөлүк соода программасынын алкагында байма-бай колдоо көрсөтүп келет. Мисалы, жазында витаминдүү ун жеткирилсе, эми суу май берилди. Гумжардамды тапшыруу иш-чарасына РФнын Кыргызстандагы элчилиги менен БУУнун Дүйнөлүк соода программасынын өкүлдөрү жана КРдин Саламаттык сактоо министрлигинин кызматкерлери катышты.

"365 тонна суу майдын 60 тоннасы Бишкектеги кампага киргизилсе, калганы Ошко жөнөтүлдү", — деди Россиянын Кыргызстандагы элчилигинин тышкы саясат тобунун жетекчиси Артем Романов.

 Бишкекке Казакстан гумжардам катары жөнөткөн 4500 тонна ун жеткирилди
© Фото / пресс-служба посольства РК в Кыргызстане
Саламаттык сактоо министрлигинин алдындагы Соцкамсыздоо департаментинин директору Актан Балбаков өкмөттүн атынан Россияга ыраазычылык билдирди.

БУУнун Дүйнөлүк соода программасынын маалыматына караганда, аз камсыз үй-бүлөлөр ар кандай долбоорлорго катышуу менен (каналдарды оңдоо жана калыбына келтирүү, бак тигүү ж.б.) ун жана суу май ала алышат.

Россия БУУнун Кыргызстандагы Дүйнөлүк соода программасынын ири донору болуп саналат. Акыркы 10 жылда дээрлик 1 миллион кыргызстандыкка колдоо көрсөтүлгөн. Жардам мектеп окуучуларына, фермерлер, айылдык аялдар жана аз камсыз үй-бүлөлөргө берилген.

11
Белгилер:
Ош, Бишкек, май, суу, ун, программа, БУУ, Россия, Кыргызстан
Тема боюнча
Бишкекке "Спутник V" вакцинасынын 80 миң дозасы алып келинди
Жалал-Абадда жол кырсыктарын алдын алууга багытталган баннерлер илинди

Жалал-Абад: жол кырсыктарын алдын алуу үчүн баннерлер илинип, кеңештер айтылды

32
(жаңыланган 15:08 24.06.2021)
Облустук жол кыймылынын коопсуздугун камсыздоо бөлүмү акыркы мезгилде адам өлүмүнө алып келген жол кырсыктары көбөйгөнүн кабарлады.

БИШКЕК, 24-июн. — Sputnik. Жалал-Абадда жол кырсыктарын алдын алууга багытталган баннерлер илинди. Бул тууралуу Sputnik агенттигине облустук жол кыймылынын коопсуздугун камсыздоо бөлүмүнүн өкүлү Айбек Сатыбалдиев билдирди.

  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Жалал-Абадда жол кырсыктарын алдын алууга багытталган баннерлер илинди
    © Фото / Зульфия Тургунова
  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Акыркы мезгилде адам өлүмүнө алып келген жол кырсыктары көп катталып жатканы белгиленди
    © Фото / Зульфия Тургунова
  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Баннерлер демөөрчүлөр менен биргеликте илинди
    © Фото / Зульфия Тургунова
  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Ошондой эле Жалал-Абаддын ЖКККБсы айдоочуларды жол кыймылынын эрежелерин так сактап жүрүүгө чакыруу менен бир катар кеңештерди берди: рулга отургандан кийин коопсуздук курун тагыныңыз жана жүргүнчүлөр да байлаганын текшериңиз.
    © Фото / Зульфия Тургунова
1 / 4
© Фото / Зульфия Тургунова
Жалал-Абадда жол кырсыктарын алдын алууга багытталган баннерлер илинди

Акыркы мезгилде адам өлүмүнө алып келген жол кырсыктары көп катталып жатканы белгиленди. Баннерлер демөөрчүлөр менен биргеликте илинди. Ошондой эле Жалал-Абаддын ЖКККБсы айдоочуларды жол кыймылынын эрежелерин так сактап жүрүүгө чакыруу менен бир катар кеңештерди берди: рулга отургандан кийин коопсуздук курун тагыныңыз жана жүргүнчүлөр да байлаганын текшериңиз.

  • Кичинекей балдарды бою, салмагына жараша атайын ылайыкташтырылган олтургучка отургузуңуз;
  • ылдамдыктын чегин билип, аралыкты сактаңыз. Бул эрежелерди унутуу далай каргашага алып келерин статистика да көрсөтүүдө;
  • чарчап же өзүңүздү жаман сезип жатсаңыз рулга отурбаңыз. Ошондой эле ичимдик ичип алып автоунаа айдайм деп такыр ойлобоңуз, кесепети чоң;
  • унааны абайлап, эч нерсеге алаксыбай кылдаттык менен айдаңыз. Уюлдук телефон менен рулда баратып сүйлөшпөңүз;
  • жолду карап тыюу салынган аймактарга, жерлерге көңүл буруңуз;
  • унааңыздын техникалык абалына көз салыңыз, мүчүлүштүктөр болсо рулду башкарбаңыз;
  • автоунааңыздын ичинде биринчи жардам кутучасы (аптечка), караңгыда чагылышып турган жилет жана өрт өчүргүч болгону жакшы;
  • жөө жүрүүчүлөр өтүүчү жол кооптуу жер экендигин унутпаңыз. Мындай жакка жакындаганда айдоочу ылдамдыгын алдын ала азайтып, өзүн колго алышы зарыл.
32
Белгилер:
автоунаа, айдоочу, кеңеш, баннер, жол кырсык, Жалал-Абад облусу
Тема боюнча
Ысык-Көл милициясы эс алууга келген чет элдиктерге 7 кеңеш берди