Кыз. Архив

Кочкордон Бишкекке кетип калган. Милиция 11 жаштагы Айтурганды издөөдө

165
(жаңыланган 16:11 08.06.2021)
Изделип жаткан кыз эки күн мурун маршруттук таксиге отуруп Бишкекке келгени боюнча маалыматтар алынган.

БИШКЕК, 8-июн. — Sputnik. Кочкор райондук ички иштер бөлүмү 11 жаштагы Айтурган Садыкованы издеп жатат.

Пропавшая 11-летняя Айтурган Садыкова
© Фото / пресс-служба УВД Нарынской области
Кочкор райондук ички иштер бөлүмү 11 жаштагы Айтурган Садыкованы издеп жатат

Ал 6-июнь күнү өзү жашаган Кочкор районунун Арсы айылындагы үйүнөн чыгып кеткен бойдон дайынсыз болууда.

Алынган маалыматтар боюнча, Айтурган 6-июнда саат 15:00дөр чамасында Кочкордун автобекетинен маршруттук таксиге отуруп, Бишкек шаарынын автобекетинен түшүп калган.

Белгилери: толмочунан келген, бет түзүлүшү тоголок, кара тору, чачы кара, узундугу ийинине жетет.

Кийген кийимдери: кызыл футболка, кара шым, ак ботас жана колунда кызыл түстөгү мектеп сумкасы бар.

Райондук милиция кызды көргөн-билгендер болсо төмөнкү номерлерге чалып, кабарлап коюуну өтүнөт: 102, (03535) 5-02-79, 0700 11-11-60.

165
Белгилер:
кыз, издөө, Бишкек, Кочкор
Тема боюнча
Орхан Инандыны табууну талап кылгандар бүгүн да митингге чыгышты. Видео
Бишкек шаары. Архив

Шейшембиге карата аба ырайы

33
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

33
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы

Тонналаган акыр-чикир. Түтүн каптаган Бишкектин таштанды таштоочу жайынан видео

66
(жаңыланган 20:48 14.06.2021)
Калаадан чыккан бардык акыр-чикирди алып барып төккөн Бишкектин негизги таштанды таштоочу жайынын азыркы абалы кандай? Бул туурасында Sputnik Кыргызстандын видеосунан көрүңүз.

Жакында эле мэрия таштанды полигонун рекультивациялоо жана жабуу иштери жанданганын билдирген. Көп өтпөй рекультивациялоо кайра токтоп калганы белгилүү болду. Себеби подрядчы эстониялык компания ишти аягына чыгаруу үчүн башында макулдашылган каражатка кошумча дагы 1,3 миллион евро сураган.

Аталган долбоордун жалпы наркы 22 миллион евро, келишимге 2013-жылы кол коюлуп, 2015-жылы Жогорку Кеңеш ратификациялаган. Анын алкагында жаңы полигон салынып, эски таштанды жайды жабуу жана рекультивация иштери жасалат. Азыркы таштанды талаасы түздөлүп, акырындык менен жашыл аймакка айландырылмакчы. Мындан сырткары, метанды жок кылуу жабдуусун коюу пландалган, анткени таштанды ташталган жерден метан көп чыккандыктан түтөп, өрт тутана берет.

Ал эми рекультивациялоо долбоорунун наркы 9 миллион евро. Ишти аткаруу келишимине 2017-жылы июлда кол коюлган. Буга каражатты Европа өнүктүрүү жана реконструкция банкы бөлгөн. Анын жарымы грант, калганы кредит катары берилет.

66
Белгилер:
полигон, долбоор, жабуу, таштандылар сакталган жай, таштанды, Бишкек
Тема боюнча
Бишкектин таштанды полигонун рекультивациялоо иши 14 айдан кийин жанданды
Өкмөт уулуу калдыкты казып, 106 тонна алтын алууга белсенди. Кумтөрдөн видео