Сапат эл аралык билим берүү мекемесинин президенти Орхан Инанды. Архив

Орхан Инанды Түркиянын элчилигиндеби? КР бийлигине жооп айтылды

2840
(жаңыланган 19:07 08.06.2021)
6-июнь күнү Орхан Инандынын жубайы Рейхан Инанды ишенимдүү маалымат булагы жолдошу Түркия элчилигинин имаратында кармалып жатышы мүмкүн деп айтканын билдирген.

БИШКЕК, 8-июн. — Sputnik. Түркиянын Кыргызстандагы элчилиги табылбай жаткан Орхан Инанды дипломатиялык өкүлчүлүктүн имаратында эмес деген маалымат берди. Бул тууралуу Жогорку Кеңештин укук тартиби жана кылмыштуулук менен күрөшүү комитетинде ички иштер министринин орун басары Нурбек Абдиев билдирди.

Белгилей кетсек, 6-июнь күнү Орхан Инандынын жубайы Рейхан Инанды ишенимдүү маалымат булагы жолдошу Түркия элчилигинин имаратында кармалып жатышы мүмкүн деп айтканын билдирген.

Абдиев бул маалымат боюнча Тышкы иштер министрлигине сурам жөнөтүлгөнүн айтты. Мындан сырткары, Инандынын элчиликтин имаратында экенин ким айтканын тактоо үчүн Рейхан Инанды менен да сүйлөшүү болгонун кошумчалады.

"Тилекке каршы, мындай маалыматты алар башка мамлекеттен алышкан. Биз бул маалымат булагы менен сүйлөшө алган жокпуз. Түркиянын элчилиги Орхан Инанды алардын имаратында эмес экенин айтты. Элчиликтин имаратын кирип кароого укугубуз жок. Мындан улам дипломатиялык каналдар аркылуу гана иштеп жатабыз", — деди Абдиев.

Ал Орхан Инанды башка документ менен Кыргызстандан чыгып кетти деген имиш болгондуктан Интерпол аркылуу Россия жана башка мамлекеттерге багыттама берилгенин кошумчалады.

Эске салсак, "Сапат" лицейлер тармагынын президенти, Кыргызстан жараны Орхан Инанды 31-майдын түнүнөн бери дайынсыз. Инандынын автоунаасы Октябрь районундагы Малдыбаев көчөсүндө "Ала-Арча" суусунун жээгинде эшиги ачык калган тейде табылганы айтылып, атасынын жоголгону боюнча уулу арыз жазган. Мындан улам президент Садыр Жапаров аны издөө үчүн кошумча күч тартууну тапшырган.

Кийинчерээк УКМК Орхан Инандыны эки жыл мурда уюшкан кылмыштуу топтун мүчөлөрү издеген деген маалымат тараткан.

2840
Белгилер:
Жогорку Кеңеш, ИИМ, элчилик, Түркия, Орхан Инанды
Тема:
Орхан Инандынын Бишкекте жоголушу (24)
Тема боюнча
Орхан Инандыны табууну талап кылгандар бүгүн да митингге чыгышты. Видео
Орхан Инандынын жубайы: мага жеткен маалымат боюнча жолдошум элчиликте
Москвадагы эл аралык мамилелер институту. Архив

Москвадагы эл аралык мамилелер институтуна сунушталган КР жарандары. Тизме

54
(жаңыланган 00:10 25.06.2021)
Талапкерлерди министрликтин Сынактык тандап алуу боюнча комиссиясы аныктап, алардын ЖРТда алган упайы жана англис тили боюнча тестирлөөнүн жыйынтыгы эске алынган.

БИШКЕК, 24-июн. — Sputnik. КРдин Тышкы иштер министрлиги Эл аралык мамилелер боюнча Москва мамлекеттик институтуна кабыл алууга сунушталган кыргызстандыктардын тизмесин жарыялады.

Мекеменин маалымат кызматы абитуриенттерди тандоо иши Россия менен Кыргызстандын ТИМинин ортосундагы кызматташуу программасынын алкагында жүргүзүлгөндүгүн билдирди.

"Сынактык тандап алуу боюнча комиссия ЖРТнын жана англис тили боюнча тестирлөөнүн жыйынтыктарын алды. Ошондой эле тандалган багыттар боюнча эң жогорку баллга ээ болгон талапкерлердин тизмесин бекитти", — деп айтылат маалыматта.

Талапкерлердин тизмеси

Бакалавриат

  • Абдымаликова Айзада Абдымаликовна (багыты эл аралык мамилелер)
  • Чалбаев Ильдар Уланбекович (багыты эл аралык мамилелер)
  • Абылгазиева Айша Таалайбековна (багыты чет өлкөлүк аймак таануу)
  • Эрматова Саадат Сэйитбековна (багыты юриспруденция)
  • Мукаева Бермет Айдарбековна (багыты юриспруденция)
  • Маликова Дарин Маликовна (багыты экономика)

Магистратура

  • Бердиев Арген Равшанович (багыты эл аралык мамилелер)
  • Караева Айжана Мааданбековна (багыты юриспруденция).
54
Белгилер:
тизме, талапкер, Россия, Кыргызстан
Тема боюнча
МГИМО кыргызстандык абитуриенттерди кабыл алат. Шарт-талабы
Кыргызстандын 10 мыкты бүтүрүүчүсү тандап алган окуу жайлар
Россиялык университет кыргызстандык студенттерди кабыл алууда. Шарт-талабы
Вакцина алып жаткан кыз. Архив

Түркиянын вакцинасы Кыргызстанда сыналабы? Министрдин жообу

39
(жаңыланган 23:02 24.06.2021)
Түркиянын саламаттык сактоо министри Turcovac вакцинасынын үчүнчү фазадагы сыноосу Кыргызстанда өтө тургандыгын кабарлаган.

БИШКЕК, 24-июн. — Sputnik. Түркия коронавируска каршы вакцинасын үч өлкөдө сынайт, анын ичинде Кыргызстан да бар. Бул тууралуу саламаттык сактоо министри Фахреттин Кожага шилтеме кылып жергиликтүү ЖМКлар жазып чыкты. Буга чейин Түркиянын президенти Режеп Тайип Эрдоган ата мекендик вакцинанын үчүнчү фазадагы сыноосу башталгандыгын айткан.

"Үчүнчү фазадагы изилдөөгө 40 миң 800 ыктыярчы катышат. Сыноолор Венгрия, Азербайжан жана Кыргызстанда жүргүзүлөт. Биз тизмеге дагы башка мамлекеттерди кошууга аракет кылып жатабыз", — деген министр.

Бул маалымат боюнча Кыргызстандын саламаттык сактоо жана социалдык өнүктүрүү министри Алымкадыр Бейшеналиев төмөнкүлөрдү билдирди.

"Түрк тарап сунуштап жатат, бирок биз алардын шарттарын билгибиз келет. Азырынча кат алмашуу гана болууда", — деди министр.

Препарат кооптуу эмеспи деген суроого Бейшеналиев "кооптуулук болушу мүмкүн" деп жооп берди.

Ал ошондой эле ортодо эч кандай макулдашуу жок экендигин кошумчалады.

Эске сала кетсек, учурда кыргызстандыктар коронавируска каршы россиялык "Спутник V" жана кытайлык Sinopharm менен эмделип жатышат.

39
Белгилер:
сыноо, вакцина, Түркия, Кыргызстан
Тема:
Коронавируска каршы эмдөө
Тема боюнча
Акылбек Жапаров: өлкөдө элдин 0,7%ы гана вакцина алды, бул — биздин трагедия
Казак өкмөтү: Кыргызстанга вакцина берүү пландалган эмес