Ысык-Көл. Архив

Эколог Ысык-Көлдү сактап калуунун жолун көрсөттү

72
(жаңыланган 17:50 09.06.2021)
Ысык-Көлдө экологиялык көйгөй абдан көп. Адис алар келечекте көлдүн жок болушуна алып келүүсү мүмкүн экенин айтат.

БИШКЕК, 9-июн. — Sputnik. Ысык-Көлдө экологиялык катастрофаны болтурбоонун жолу бар. Мындай пикирин курчап турган чөйрө жана климаттын өзгөрүүсү жаатындагы адис Владимир Гребнев Sputnik Кыргызстан радиосунун эфиринде  билдирди.

Ал белгилегендей, Ысык-Көлдү коргоо боюнча азыркы тапта көрүлүп жаткан чаралар экологияны жакшырта албайт.

Эксперт в области охраны окружающей среды и изменения климата Владимир Гребнев
© Sputnik / Эркин Садыков
Курчап турган чөйрө жана климаттын өзгөрүүсү жаатындагы адис Владимир Гребнев
"Ысык-Көлдү коргоо боюнча кандайдыр бир чаралар көрүлсө да алар экологияга өзгөчө таасирин тийгизбейт. Андай аракеттер өзгөчө акцияларды өткөрүүдө, маанилүү иш-чараларда жана айрым окуялар учурунда гана пайда болот. Мындайда бирдиктүү программанын алкагында жана узак убакытка чейин жүргүзүлүүчү системалуу иш-аракет зарыл", — деген ал.

Эксперт көлдүн абалын биргелешкен аракеттердин негизинде гана жакшыртууга болорун кошумчалады.

"Мамлекеттин колдоосу, жергиликтүү элдин аракети болмоюнча Ысык-Көлдүн экологиялык абалын жакшыртуу мүмкүн эмес. Бул көйгөйдү коомчулук, өзгөчө экология жаатындагы бейөкмөт уюмдар жана жергиликтүү тургундар көтөрүп чыгышы керек. Мамлекеттик органдардын милдети ошол маселелерди өз убагында жөнгө салып, келечекте бул сыяктуу көрүнүштөрдүн болтурбоого аракет кылуу керек", — деп белгиледи Гребнев.

Ал Ысык-Көл облусундагы экологиялык абалдын өнүгүшүнө өзүнүн болжолун айтты.

"Бүгүнкү күндө жаратылышты коргоо ишине караганда финансылык пайдага умтулуу басымдуулук кылат. Бул абал жыл өткөн сайын начарлап бара жатканынан кабар берет. Деген менен Ысык-Көл бассейнин калыбына келтирүү боюнча комплекстүү программа иштеп чыгып, абалды оңдоого дагы деле мүмкүнчүлүк бар. Эгерде мындай программа жакынкы 5-7 жыл аралыгында толук кандуу иштей турган болсо, анда 10 жылдын ичинде оңолгонун көрөбүз", — деп белгиледи эколог.

Гребнев кошумчалагандай, эгерде азыртадан баштап Ысык-Көлдүн экологиялык көйгөйүнө жетиштүү көңүл бурулбаса, анда аны жоготуп алуу коркунучу күч.

72
Белгилер:
Владимир Гребнев, көйгөй, экология, Ысык-Көл
Тема боюнча
Эколог Ысык-Көлдүн экосистемасына болгон коркунучтарды айтып берди
Бишкек шаары. Архив

Шейшембиге карата аба ырайы

46
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

46
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы

Тонналаган акыр-чикир. Түтүн каптаган Бишкектин таштанды таштоочу жайынан видео

88
(жаңыланган 20:48 14.06.2021)
Калаадан чыккан бардык акыр-чикирди алып барып төккөн Бишкектин негизги таштанды таштоочу жайынын азыркы абалы кандай? Бул туурасында Sputnik Кыргызстандын видеосунан көрүңүз.

Жакында эле мэрия таштанды полигонун рекультивациялоо жана жабуу иштери жанданганын билдирген. Көп өтпөй рекультивациялоо кайра токтоп калганы белгилүү болду. Себеби подрядчы эстониялык компания ишти аягына чыгаруу үчүн башында макулдашылган каражатка кошумча дагы 1,3 миллион евро сураган.

Аталган долбоордун жалпы наркы 22 миллион евро, келишимге 2013-жылы кол коюлуп, 2015-жылы Жогорку Кеңеш ратификациялаган. Анын алкагында жаңы полигон салынып, эски таштанды жайды жабуу жана рекультивация иштери жасалат. Азыркы таштанды талаасы түздөлүп, акырындык менен жашыл аймакка айландырылмакчы. Мындан сырткары, метанды жок кылуу жабдуусун коюу пландалган, анткени таштанды ташталган жерден метан көп чыккандыктан түтөп, өрт тутана берет.

Ал эми рекультивациялоо долбоорунун наркы 9 миллион евро. Ишти аткаруу келишимине 2017-жылы июлда кол коюлган. Буга каражатты Европа өнүктүрүү жана реконструкция банкы бөлгөн. Анын жарымы грант, калганы кредит катары берилет.

88
Белгилер:
полигон, долбоор, жабуу, таштандылар сакталган жай, таштанды, Бишкек
Тема боюнча
Бишкектин таштанды полигонун рекультивациялоо иши 14 айдан кийин жанданды
Өкмөт уулуу калдыкты казып, 106 тонна алтын алууга белсенди. Кумтөрдөн видео