Айзада Канатбекованын портрети. Архив

Айзаданы ала качууга шектүүлөрдүн бири окуянын чоо-жайын айтып берди

441
(жаңыланган 12:23 11.06.2021)
Шектүүнүн айтымында, Айзаданын өлүмүнө себепкер болгон Замирбек Теңизбаев сүйлөшкөн кызым романтиканы каалап жатат деп аны ала качууга жардам берүүсүн өтүнгөн.

БИШКЕК, 11-июн. — Sputnik. Айзада Канатбекованы ала качууга шектелгендердин бири Орузбек Нурумбетов окуянын кандайча болгонун айтып берди.

Учурда Бишкектин Биринчи май райондук сотунда Айзада Канатбекованын өлүмү боюнча сот отуруму болуп жатат.

Нурумбетовдун айтымында, ал Айзаданын өлүмүнө себепкер болгон Замирбек Теңизбаев менен жарым жыл мурда таски айдап жүрүп таанышкан.

"5-апрелге караган түнү тааныш балдар менен компьютердик клубда отурганбыз. Эртең менен чыгып, тамак ичип алалы деп "Ош" базарындагы кафелердин бирине барганбыз. Тамактанып жаткан учурда Замирбек Теңизбаев келип, мени сыртка чыгып сүйлөшүүгө чакырды. Чыксам сүйлөшкөн кызыма үйлөнөйүн дегем, ала качууга жардам берип койгула деди. Эмнеге ала качасың деп башында макул болгон эмесмин. Ал сүйлөшкөн кызым романтика менен үйлөнөлү деп жатат деп аябай суранды. Мен ошондо макул болдум", — деди шектүү.

Кийин ал кафеге кайра кирип, ал жакта отурган тааныштарын дагы кыз ала качууга чакырганын айтты.

"Алар да башында кыйылып анан макул болушту. Ошентип Медеров жана Тыныстанов көчөлөрүнүн кесилишине барып, кызды күттүк. Ал жолдон өтүп келе жатканда Замирбек чыгып, колунан кармап машинага алып келди. Мен көтөрүп автоунаага салдым. Аны менен чогуу арткы орундукка отургам. Жакшынакай эле сүйлөшүп барышкан", — деди Нурумбетов.

Шектүү кийин алар Гагарин көчөсүндөгү 47-абактын жанына токтоп, Теңизбаев аны сыртка алып чыкканын кошумчалады.

"Замирбек "мындан ары өзүбүз эле Ошко кетебиз, Кара-Балтада жеңелерим күтүп жатат" деген. Калган төрт бала артыбыздан мени алып кетүү үчүн келе жаткан. Биз кайра артка кетип, Замирбек Ак-Өргө тарапты көздөй бет алган. Мен мындай болорун билген эмесмин", — деди ал.

Ала качууга шектүүлөрдүн бири Сыймык Молдосариев ал күнү Нарындан келгенин айтып, окуяга кокустан кабылып калганын кошумчалады.

Айзаданын өлүмү

5-апрель күнү эртең менен саат 07:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 07:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган.

Кызды ала качууга катыштыгы бар делип төрт шектүү кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.

Айзаданын жакындарынын адвокаты соттук-медициналык экспертизада ал киши колдуу болгонго чейин зордукталганы аныкталганын айтып чыккан. Муну милиция дагы тастыктаган.

441
Белгилер:
окуя, шектүү, кыз ала качуу, өлүм, сот, Айзада Канатбекова
Тема:
Бишкекте 27 жаштагы кыздын уурдалып, өлтүрүлүшү (53)
Тема боюнча
Шектүү көз жумганына байланыштуу Айзаданын өлүмү боюнча иш токтотулду
Милиция Айзада Канатбекова өлтүрүлгөнгө чейин зордукталганын тастыктады
Пилот, Side attack drift team эл аралык дрифт командасынын мүчөсү, бир нече мелдештердин жеңүүчүсү Акылбек Өмүракунов

Өмүракунов: дрифт автоспорттун эң коопсуз түрү

12
Пилот, Side attack drift team эл аралык дрифт командасынын мүчөсү, бир нече мелдештердин жеңүүчүсү Акылбек Өмүракунов дрифт автоспорттун эң коопсуз түрү экенин айтты.

2017-жылдан бери дрифт менен алектенип келем. Ушул убакытка чейин алган тажрыйбам жарыштарда биринчи болууга мүмкүндүк берүүдө. Бул тууралуу Акылбек Өмүракунов Sputnik Кыргызстан радиосунун эфиринде маек куруп жатып билдирди.

Өмүракунов: дрифт — автоспорттун эң коопсуз түрү

Анын айтымында, 12 жашынан баштап автоунаа башкара баштаган.

"Мен автоунааларга эс тарткандан бери кызыгам. Башталгыч класстарда дептерлерге өзгөчө автомашиналардын сүрөттөрүн тартып жүрчүмүн. Башка балдар кандайдыр бир тасмалардан эргүү алып, анан гана автоспортко келишет. Ал эми мен үчүн "Форсаж" сыяктуу картиналар ачылыш деле болгон эмес. Менин азыркы унаам Nissan 200sx. Казакстандан сатып алгам. Негизи дрифтке катыша турган техниканы толугу менен жасап чыгабыз. Себеби машинанын мотору, коробкасы жана башка бардык жагы бышык, күчтүү болушу зарыл. Унаанын каркасынын ичи жалаң трубалардан турат. Ошондуктан дрифт автоспорттун бардык түрлөрүнүн ичинен эң коопсузу десек болот. Унаа мелдеште чындап эле оор сыноодон өтөт. Ошондуктан ар бир жарыштан соң техника толук кароодон өткөрүлөт. Бул машиналар менен шаар ичинде жүрө албайбыз. Себеби мыйзам жол бербейт жана үнү абдан катуу чыгат. Жарыштын унаалары чиркегич менен гана ташылат", — деди Өмүракунов.

Пилот шаар ичиндеги көчө жарышчылары элдин дрифт маданиятын кабылдоосуна терс таасир тийгизип жатканын кошумчалады.

12
Белгилер:
авто, спорт, жарыш, дрифт
Тема боюнча
Вильнюста жашаган автоспортчу Данас Азикеев: "Литвадагы күлүк кыргыз" дешет
Бишкекте оңдоп-түзөөдөн кийин төрт көчөнүн ачылышы

Бишкектин төрт көчөсү 1-июлда автоунаалар үчүн ачылат. Тизме

39
(жаңыланган 12:10 24.06.2021)
Сухэ-Батор көчөсүнүн Каралаевден Шабдан баатырга чейинки бөлүгүнүн оңдолушу жана Аламүдүн дарыясы аркылуу курулуп жаткан көпүрө калаанын түштүк бөлүгүндөгү кичи райондордун жол тыгынын азайтат.

БИШКЕК, 24-июн. – Sputnik. Бишкектин төрт көчөсү оңдолуп бүтүп, 1-июлда тарнспорт үчүн ачылат. Бул тууралуу мэриядан билдиришти.

  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Бишкектин төрт көчөсү оңдолуп бүтүп, 1-июлда тарнспорт үчүн ачылат
    © пресс-служба мэрии города Бишкек
  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Мэриядан билдиришкендей, шаардын 35 көчөсүндө реконструкция иштери уланып жатат
    © пресс-служба мэрии города Бишкек
  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Маалыматта Жукеев-Пудовкин көчөсү Советтер Союзунан бери оңдолбогону белгиленди
    © пресс-служба мэрии города Бишкек
1 / 3
© пресс-служба мэрии города Бишкек
Бишкектин төрт көчөсү оңдолуп бүтүп, 1-июлда тарнспорт үчүн ачылат

Автоунаа үчүн ачыла турган көчөлөрдүн тизмеси:

  • Огонбаев көчөсүнүн Ибраимовдон Осмонкулга чейинки бөлүгү;
  • Жунусалиев көчөсүнүн Абдрахмановдон Арча-Бешик конушундагы Масалиевге чейинки бөлүгү;
  • Айбийкеден Ак-Ордодогу темир жолго чейин;
  • Ак-Тилек көчөсүнөн Ак-Тилек конушундагы Дзержинскийге чейин.

Мэриядан билдиришкендей, шаардын 35 көчөсүндө реконструкция иштери уланып жатат. Анын ичинен төмөнкү көчөлөрдүн жолу 70 пайызга оңдолуп бүттү:

  • Сухэ-Батор;
  • Койбагаров;
  • Карасаев;
  • Көкчө-Тоо;
  • Ташкент;
  • Логвиненко;
  • Стадионная;
  • Фере;
  • Буденный.
"Арча-Бешиктеги Жайыл баатыр көчөсүнүн Чортековдон Алыкуловго чейинки бөлүгү (2,8 чакырым) борбор калаанын түштүк-батыш тарабындагы жолдун "жүгүн" жеңилдетет. Ошондой эле Сухэ-Батор көчөсүнүн Каралаевден Шабдан баатырга чейинки бөлүгүнүн оңдолушу жана Аламүдүн дарыясы аркылуу курулуп жаткан көпүрө калаанын түштүк бөлүгүндөгү кичи райондордун жол тыгынын азайтат. Курулуш иштеринин арты менен унаа көп жүргөн Ахунбаев менен 7-Апрель көчөлөрү бошой түшөт", — дешти мэриядан.

Маалыматта Жукеев-Пудовкин көчөсү Советтер Союзунан бери оңдолбогону белгиленди.

39
Белгилер:
курулуш, тыгын, жол, Бишкек мэриясы
Тема боюнча
Бишкекке жаңы алып келинген автобустар кайсы жактарга каттайт? Маршрут

Нокаутка кеткен Макгрегор. Мушкердин Порье менен экинчи ирет беттешкен видеосу

0
(жаңыланган 12:56 24.06.2021)
UFC уюмунун YouTube каналына ирландиялык мушкер Конор Макгрегордун америкалык Дастин Порье менен болгон экинчи беттеши жарыяланды.

Мелдеш ушул жылдын 24-январында UFC 257 турниринин алкагында өткөн. Порье Макгрегорду экинчи раундда нокаутка кетирген. Бул ирландиялык спортчунун карьерасындагы биринчи нокаут.

Эске салсак, мушкерлер алгачкы жолу 2014-жылы күч сынашкан. Анда Порье техникалык нокаут менен утулуп калган. 11-июль күнү экөө үчүнчү ирет бири-бирине каршы рингге чыгат.

0
Белгилер:
видео, беттешүү, Дастин Порье, Конор Макгрегор, UFC
Тема боюнча
Жети секундда сулата чапты. UFC 263 мелдешинин урунттуу учурларынын видеосу
Баш көтөртпөй... Абдыкааров OPEN FC Гран-при мелдешинин финалына чыккан видео