Кармалган киши кишенчен. Архив

Айзаданы ала качууга шектелгендердин бири окуяга кокусунан кабылганын айтты

122
(жаңыланган 13:27 11.06.2021)
Сыймык Молдосариев Нарындан бир күнгө келгенин айтып, шектүүлөр менен 4-апрелден 5-апрелге караган түнү "Ош" базары жактан таанышканын билдирди.

БИШКЕК, 11-июн. — Sputnik. Айзаданы ала качууга шектелгендердин бири Сыймык Молдосариев Нарындан Бишкекке кыздар менен жыныстык катнашта болуу үчүн келген. Бул тууралуу уурдалып өлтүрүлгөн Айзада Канатбекованын иши боюнча сотто мамлекеттик айыптоочу тергөөчүнүн айып кагазын окуп жатып айтты.

Соттук отурумда Сыймык Молдосариев Нарындан Бишкекке бир күнгө келгенин айтып, бирок кыздар тууралуу кеп кылган жок. Ал жумуштары менен келгенин айтып, шектүүлөр менен 4-апрелден 5-апрелге караган түнү "Ош" базары жактан таанышканын билдирди.

"Таңда жаанда жолдо калгам. Балдар менен ошондо таанышкам. Ага чейин эч кимиси менен байланышым жок болчу. Окуяга кокусунан кабылып калдым", — деди ал.

Ал эми Айзаданы ала качууга шектелгендердин бири Ажыкабыл Рысбай уулу Сыймык Молдосариевди жолдо жаанда турганын көрүп салып кетишкенин айтты.

"Компьютердик клубдан чыгып тамактаналы деп кетип баратып, жолдон Сыймыкты көрүп калдык. Жаанда жалгыз туруптур. Автоунаага салып алганбыз. Ал биз тамактанган жерге кошо барган", — деди Рысбай уулу.

Сыймык Молдосариев Нарын шаарында орто билим алганын, бойдок экенин, буга чейин соттолбогонун айтты.

Эске салсак, бүгүн Биринчи май райондук сотунда Айзаданын өлүмү боюнча соттук отурум өтүп жатат. Коронавирус боюнча кырдаалдан улам шектүүлөр, жабыркаган тарап, күбөлөр, жактоочулар жана ЖМК өкүлдөрү жыйынга онлайн катышууда.

Айзаданын өлүмү

5-апрель күнү эртең менен саат 07:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 07:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган.

Кызды ала качууга катыштыгы бар делип беш шектүү кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.

Айзаданын жакындарынын адвокаты соттук-медициналык экспертизада ал киши колдуу болгонго чейин зордукталганы аныкталганын айтып, маалыматты милиция дагы тастыктаган.

122
Белгилер:
шектүү, сот, кыз ала качуу, Айзада Канатбекова
Тема:
Бишкекте 27 жаштагы кыздын уурдалып, өлтүрүлүшү (53)
Тема боюнча
Айзаданын өлүмү боюнча отурум: шектүүлөрдүн үчөө мурда соттолуп чыккан
"Апаңды да өлтүрүп кетем" деп коркутуп жүрүптүр. Айзаданын жакындарынын видеомаеги
Бишкек шаары. Архив

Шейшембиге карата аба ырайы

34
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

34
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы

Тонналаган акыр-чикир. Түтүн каптаган Бишкектин таштанды таштоочу жайынан видео

67
(жаңыланган 20:48 14.06.2021)
Калаадан чыккан бардык акыр-чикирди алып барып төккөн Бишкектин негизги таштанды таштоочу жайынын азыркы абалы кандай? Бул туурасында Sputnik Кыргызстандын видеосунан көрүңүз.

Жакында эле мэрия таштанды полигонун рекультивациялоо жана жабуу иштери жанданганын билдирген. Көп өтпөй рекультивациялоо кайра токтоп калганы белгилүү болду. Себеби подрядчы эстониялык компания ишти аягына чыгаруу үчүн башында макулдашылган каражатка кошумча дагы 1,3 миллион евро сураган.

Аталган долбоордун жалпы наркы 22 миллион евро, келишимге 2013-жылы кол коюлуп, 2015-жылы Жогорку Кеңеш ратификациялаган. Анын алкагында жаңы полигон салынып, эски таштанды жайды жабуу жана рекультивация иштери жасалат. Азыркы таштанды талаасы түздөлүп, акырындык менен жашыл аймакка айландырылмакчы. Мындан сырткары, метанды жок кылуу жабдуусун коюу пландалган, анткени таштанды ташталган жерден метан көп чыккандыктан түтөп, өрт тутана берет.

Ал эми рекультивациялоо долбоорунун наркы 9 миллион евро. Ишти аткаруу келишимине 2017-жылы июлда кол коюлган. Буга каражатты Европа өнүктүрүү жана реконструкция банкы бөлгөн. Анын жарымы грант, калганы кредит катары берилет.

67
Белгилер:
полигон, долбоор, жабуу, таштандылар сакталган жай, таштанды, Бишкек
Тема боюнча
Бишкектин таштанды полигонун рекультивациялоо иши 14 айдан кийин жанданды
Өкмөт уулуу калдыкты казып, 106 тонна алтын алууга белсенди. Кумтөрдөн видео