Күндүзгү стационарда бейтапты карап жаткан дарыгер. Архив

Жалал-Абаддагы COVID: облустук оорукана толуп, күндүзгү стационарлар ачылмай болду

254
(жаңыланган 09:50 15.06.2021)
Облустук ооруканада дарыланып жаткан 61 бейтаптын ичинен сегизинин абалы өтө оор болсо, 35и кычкылтек концентраторунун жардамы менен дем алып жатканы айтылды.

БИШКЕК, 15-июн. — Sputnik. Жалал-Абадда соңку аптада коронавирус жана пневмонияга кабылгандардын саны өсүп, облустук оорукананын жугуштуу илдеттер бөлүмү бейтаптарга толду. Бул тууралуу өкмөттүн Жалал-Абад облусундагы өкүлчүлүгүнүн маалымат кызматы билдирди.

Ага ылайык, коронавирус боюнча кырдаал облустук штабдын жыйынында талкууланган.

"Оорукананын 65 орунга ылайыкташкан жугуштуу илдеттер бөлүмүндө учурда 61 бейтап дарыланууда. Алардын ичинен сегизинин абалы өтө оор болсо, 35и кычкылтек концентраторунун жардамы менен дем алууда. 348 адам үй шартында дарыланып жатат", — деп айтылат маалыматта.

Оору жуктургандардын саны өскөндүктөн, Ноокен жана Аксы аймактык ооруканаларында жугуштуу илдеттер бөлүмдөрү ачылганы кошумчаланды. Ал жакта Ноокен, Базар-Коргон, Майлуу-Суу, Аксы, Ала-Бука, Чаткал, Таш-Көмүрдүн тургундары дарыланып жатат.

"Жакында Сузак районунда да кабыл алуулар башталып, Жалал-Абад шаарында күндүзгү стационарлар ачылат. Облус башчысынын орун басары Ырысбек Ызабеков тийиштүү кызматтарга жергиликтүү бийлик менен бирге түшүндүрүү иштерин жүргүзүп, рейддерди күчөтүү тапшырмасын берди", — деп жазылат билдирмеде.

Ызабеков коомдук транспорттогу жүргүнчүлөрдүн санын кыскартуу, санитардык талаптардын сакталышын көзөмөлдөө зарылдыгын да эскерткен.

254
Белгилер:
Жалал-Абад облусу, коронавирус, оорукана, бейтап, кырдаал
Тема:
Коронавируска байланыштуу Кыргызстандагы кырдаал (2873)
Тема боюнча
Адис Кыргызстанда COVID эмнеге күч ала баштаганын түшүндүрдү
COVID-19дан улам Ош шаарында 1-июлга чейин бардык иш-чаралар токтотулду
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

50
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

50
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

83
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

83
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!