Күнгө кактанып жаткан кыз. Архив

Кандай адамдар пляжда күнгө көп күйбөшү керек. Адистин пикири

175
Косметолог көл жээгинде күнгө күйүүдөн мурда бир нече эрежени билип алуу керектигин айтат. Анткени жайкы күн айрым адамдардын ден соолугуна бир топ зыян келтириши мүмкүн.

БИШКЕК, 17-июн. — Sputnik. Жай келип, пляждын убагы башталган кез. Муну утурлай косметолог жана нутрициолог Анна Кугук Sputnik радиосунун эфиринде кандай учурда күнгө күйбөш керектигин айтып берди.

Биринчиден, айрым косметикалык процедуралардан кийин бир нече жума күнгө чыкпай турган оң.

"Пилинг сыяктуу теринин сырткы катмары сыйрылып түшө турган процедураларды көлгө барарда жок дегенде эки апта мурда кылдыруу керек. Болбосо териде кетпей турган тактар пайда болот", — дейт адис.

Ошондой эле күндөн розацеа илдети бар адамдар оолак болушу керек. Бул аутоиммундук оору болуп эсептелет. Мында тери сезгенип, кызарып, сууланышып кетет. Аны дарылоо өтө оор экени айтылат.

Үчүнчүдөн, пляжга, ачык асман алдына чыгарда көп боенбой эле койгон жакшы. Косметикага кошулган айрым химиялык каражаттар күндө терини ого бетер күйгүзүп, аллергия пайда кылышы мүмкүн.

Адис күнгө ден соолугуна зыян келтирбей күйгүсү келген адамдарга эртең менен саат 10го чейинки жана кечки 17.00дөн кийинки учурлар жакшы экенин эскертет.

175
Белгилер:
жай, пляж, күн, ден соолук, косметика, илдет
Тема боюнча
Дарыгер диетасыз, залга барбай эле арыктоонун жолун айтты
Түндө курсак ачпаш үчүн эмне кылуу керек? Диетологдун кеңеши
Кабул шаары. Архив

ЖМК: талибдер өзбек тилин расмий макамынан ажыратып салды

98
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

98
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот
Балыкчы шаарындагы үйлөр. Архив

Жекшембиге карата аба ырайы

147
19-сентябрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 18-сен. — Sputnik. Жекшемби күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй өрөөнүндө +28...+33, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +23...+28 жана Нарын аймагында +24...+29 градус болору айтылды.

Термометрдин көрсөткүчү Бишкекте +31...+33, Ош калаасында +33...+35 градуска жетет.

147
Белгилер:
Кыргызстан, аба ырайы
Тема боюнча
Кыргыз-кытай чек арасы үч күнгө жабылат. Себеби