Президент Садыр Жапаров БУУнун башкы катчысынын жардамчысы Мирьяна Сполярич Эггер менен жолугушу учурунда

Кыргызстан мөңгүлөрдү коргоо боюнча ЮНЕСКОнун алкагында демилге көтөрөт

81
(жаңыланган 15:04 17.06.2021)
Өлкө башчы Кыргызстандагы мөңгүлөрдүн абалын көзөмөлдөө жана алардын өзгөрүшүнө жетиштүү жооп кайтаруу боюнча мүмкүнчүлүктөрдү күчөтүүнү көздөп жатканын белгиледи.

БИШКЕК, 17-июн. — Sputnik. Жакында Кыргызстан ЮНЕСКОнун алкагында мөңгүлөрдү сактоо жаатында демилгелерди көтөрөт. Бул тууралуу президент Садыр Жапаров БУУнун башкы катчысынын жардамчысы Мирьяна Сполярич Эггерди кабыл алып жатып айтты.

Өлкө башчынын маалымат кызматы кабарлагандай, жолугушуу бүгүн болуп, анда ар кыл багыттардын кеңири чөйрөсүндө биргелешип кызматташуунун актуалдуу маселелери боюнча пикир алмашуу болду.

  • Президент КР принял помощника Генерального секретаря ООН Мирьяну Сполярич Эггер. 17 июня 2021 года
    Жакында Кыргызстан ЮНЕСКОнун алкагында мөңгүлөрдү сактоо жаатында демилгелерди көтөрөт. Бул тууралуу президент Садыр Жапаров БУУнун башкы катчысынын жардамчысы Мирьяна Сполярич Эггерди кабыл алып жатып айтты
    © Пресс-служба президента КР / Султан Досалиев
  • Президент Садыр Жапаров принял помощника Генерального секретаря ООН. 17 июня 2021 года
    Өлкө башчынын маалымат кызматы кабарлагандай, жолугушуу бүгүн болуп, анда ар кыл багыттардын кеңири чөйрөсүндө биргелешип кызматташуунун актуалдуу маселелери боюнча пикир алмашуу болду
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Жакында Кыргызстан ЮНЕСКОнун алкагында мөңгүлөрдү сактоо жаатында демилгелерди көтөрөт. Бул тууралуу президент Садыр Жапаров БУУнун башкы катчысынын жардамчысы Мирьяна Сполярич Эггерди кабыл алып жатып айтты

Мамлекет башчысы БУУ тутумунун Кыргызстандын өнүгүүсүнө кошкон зор салымын белгилеп, уюмдун агенттиктерине туруктуу өнүктүрүү жаатында өлкөдөгү ишмердиги жана Баткен облусуна көрсөткөн гуманитардык жардамы үчүн ыраазычылык билдирди.

"Жапаров чек ара аймактарынын тургундарынын жашоо-шартын жакшыртуу маанилүү экенин белгилөө менен чек ара аймактарын өнүктүрүү боюнча атайын, максаттуу долбоорлорду биргеликте ишке киргизүүнү сунуш кылды. Ошондой эле дүйнөдө климаттык өзгөрүүлөргө байланыштуу көйгөйлөр барган сайын актуалдуу болуп бараткандыгына токтолуп, Кыргызстан ЮНЕСКОнун алкагында мөңгүлөрдү сактоо жаатында демилгелерди көтөрө тургандыгына көңүл бурду", — деп айтылат маалыматта.

Президент эл аралык өнөктөштөрдүн жардамы менен Кыргызстандагы мөңгүлөрдүн абалын көзөмөлдөө жана алардын өзгөрүшүнө жетиштүү жооп кайтаруу боюнча өлкөнүн мүмкүнчүлүктөрүн күчөтүүнү көздөп жатканын билдирип, БУУну бул багытта бирге иш алып барууга чакырды.

Мирьяна Сполярич Эггер өз кезегинде БУУнун түзүмдөрү өлкөнүн чек ара райондорунун жашоочуларына кошумча колдоо көрсөтүү мүмкүнчүлүктөрүн иликтеп жаткандыгын баса белгиледи.

Сауд Аравия падышасы Салман бин Абдель Азиз Аль Сауд. Архив
© Фото / пресс-служба правительства/ Алишер Алиев
"Ал аялдардын жана жаштардын укуктарын коргоо боюнча иштерди канааттануу менен белгилеп, алардын коом турмушундагы активдүү ролуна токтолду. Мирьяна Сполярич Эггердин айтымында, Кыргызстан региондогу өлкөлөрдүн арасында бул багытта алдыңкы орунду ээлейт", — деп айтылат маалыматта.

БУУнун Башкы катчысынын жардамчысы учурда Өнүктүрүү программасы иштелип жаткандыгын, анын алкагында Кыргызстанга жардам көрсөтүү каралып жатканын маалымдады.

Ошондой эле ал айлана-чөйрөнү жана биологиялык ар түрдүүлүктү сактоо боюнча экологиялык долбоорлорду колдоонун маанилүүлүгүн белгилеп, кыргыз тарапты кызыктырган бардык долбоорлорду ишке ашырууга көмөк көрсөтүүгө даярдыгын билдирди.

81
Белгилер:
БУУ, Кыргызстан, Садыр Жапаров, жолугушуу, Мөңгү, долбоор, Баткен, чек ара
Тема боюнча
Жапаров Балыкчы — Барскоон жолунун курулушун баштоону тапшырды
Президент Жапаров: "Кумтөрдүн" эсебинен Нарын өнүктүрүү фонду түзүлөт
Мамлекет башчы Садыр Жапаров телефон аркылуу Айсулуу Тыныбекованы куттуктады

Жапаров Айсулуунун беттешин бүлөсү менен көрүп, балбанды телефондон куттуктады

8
(жаңыланган 20:53 04.08.2021)
Белгилүү болгондой, өлкө башчы финалдык таймашты үй-бүлөсү менен көргөн. Президент Тыныбекованы келечекте дагы көп ийгиликтер күтөрүн өзгөчө белгилеген.

БИШКЕК, 4-авг. — Sputnik. Мамлекет башчы Садыр Жапаров телефон аркылуу улуттук курама команданын мүчөсү, балбан Айсулуу Тыныбекованы Олимпиада оюндарында күмүш медалга ээ болушу менен куттуктады. Бул тууралу президенттин маалымат кызматы кабарлады.

  • Президент Садыр Жапаров с супругой Айгуль Жапаровой во время просмотра выступления борца Айсулуу Тыныбековой на Олимпийских играх в Токио. 04 августа 2021 года
    Белгилүү болгондой, өлкө башчы финалдык таймашты үй-бүлөсү менен көргөн
    © Пресс-служба президента КР / Султан Досалиев
  • Президент Садыр Жапаров с супругой Айгуль Жапаровой во время просмотра выступления борца Айсулуу Тыныбековой на Олимпийских играх в Токио. 04 августа 2021 года
    Президент Тыныбекованы даңктуу жеңиштери менен Кыргызстанды бир нече жолу дүйнөлүк аренада даңазалаганын, аны келечекте дагы көп ийгиликтер күтүп жатканын өзгөчө белгилеген
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Белгилүү болгондой, өлкө башчы финалдык таймашты үй-бүлөсү менен көргөн

Белгилүү болгондой, өлкө башчы финалдык таймашты үй-бүлөсү менен көргөн. Президент Тыныбекованы даңктуу жеңиштери менен Кыргызстанды бир нече жолу дүйнөлүк аренада даңазалаганын, аны келечекте дагы көп ийгиликтер күтүп жатканын өзгөчө белгилеген.

"Бүгүн - бүтүндөй Кыргызстан үчүн өзгөчө маанилүү, унутулгус күн. Сиздин бул жогорку сыйлыгыңыз көп жылдар бою күн сайын, талбай машыккан эмгегиңиздин, жеңишти көздөгөн темирдей эркиңиздин, улуу максаттарга умтулгандыгыңыздын акыбети болуп калды. Сиз татыктуу күрөш, мыкты даярдык жана майтарылгыс моралдык дух көрсөттүңүз", — деди Жапаров.

Президент олимпиадалык команданын спортчулары менен машыктыруучулар курамына ден соолук каалап, мекенге аман-эсен кайтып келишин тилеген.

8
Белгилер:
Кыргызстан, Айсулуу Тыныбекова, Садыр Жапаров, куттуктоо
Тема:
2021-жылы Токиодо өтө турган Олимпиада оюндары
Тема боюнча
Айсулуунун жашы токтобой. Бүткүл Кыргызстанды ыйлаткан видео
Олимпиададан утмайын турмушка чыкпайм деген. Айсулуу тууралуу 10 факт
Унаанын ачкычы, акча жана телефон. Иллюстративдик сүрөт

"Коопсуз шаардын" айып пулун азайтуу мыйзамы күчүнө кирди. Канчага кыскарат

37
(жаңыланган 20:27 04.08.2021)
Эми эгер айдоочу 15 күндүн ичинде айып пулдан кутулам десе, анда 300 сом эле төлөп калат. Башкача айтканда, айып пул 70 пайызга кыскарат.

БИШКЕК, 4-авг. — Sputnik. Президент Садыр Жапаров жол эрежесин бузуу үчүн каралган айрым айып пулдарды азайтуу боюнча мыйзамга кол койду.

Аталган мыйзам 30-июнда Жогорку Кеңеш тарабынан кабыл алынган.

Эми эгер айдоочу 15 күндүн ичинде айып пулдан кутулам десе, анда 300 сом эле төлөп калат. Башкача айтканда, айып пул 70 пайызга кыскарат. Кеп биринчи категорияда каралган 1 000 сом туурасында болууда.

Айып пулу азайтылган эреже бузуулар:

  • мотошлемдерди же коопсуздук курларын пайдалануу эрежелерин бузууда;
  • аныкталган ылдамдык чегин саатына 10 чакырымдан өйдө чыгарып, бирок 20 чакырымдан ашырбай айдаса;
  • жол белгилеринин талаптарын бузса, жол чийиндеринин эрежелерин бузса (экинчи автоунааны ашып өтүү тартибин бузуудан же маневр жасап каршы тилкеге чыга калуудан сырткары);
  • аялдамада токтоо же токтоп туруу эрежесин бузса;
  • коопсуз аралыкты, интервалды сактабаса же транспорт каражатын жолдо жайгаштыруу, автомагистралда жүрүү эрежесин бузса;
  • аялдама же стоп-линияны, жол эрежелери менен эскертилген чийиндерди бузса же светофордун күйгөнүнө, жол кыймылын жөндөгөн автоинспектордун ишаратына карабай жол чийиндеринен өтүп кетсе;
  • каршы кыймыл тилкесине чыкпай туруп кууп өтүү же маневр жасоо эрежелерин бузса;
  • жарык берүүчү тышкы каражаттарды пайдалануу же белги берүүчү эрежелерди бузса (бардык механикалык автоунаалардын күндүз, эл жашаган жерден сырткаркы аймактарда жарыкты жакынкы жерге бериш үчүн фараларды күйгүзүп жүрүүгө коюлган талаптардан сырткары).

Бул мыйзам күчүнө киргенге чейин төлөнбөгөн жогоруда көрсөтүлгөн укук бузуулар үчүн айыптар (мотошлемдерди же коопсуздук курларын пайдалануу эрежелерин бузууну кошпогондо), туумдарды жокко чыгаруу жана жеңилдетилген мезгилди калыбына келтирүү менен жогорудагы мыйзамдын ченемдерине ылайык төлөнөрү белгиленген. Башкача айтканда, буга чейинки салынган 1000 сомдук айыптарды 15 күндүн ичинде 70 пайыздык жеңилдик менен төлөй алышат.

37
Белгилер:
Садыр Жапаров, мыйзам, Коопсуз шаар, долбоор, айып пул, эреже, бузуу
Тема боюнча
Айтикул уулу: алты айда айдоочуларга 214 миллион сомдук айып салынды
Бишкек: эреже бузган айдоочулар 165 млн. сомдон ашык айып пулду төлөбөй жүрөт