Унаа оңдоочу жай. Архив

Байкалбай эле автоунааны жарактан чыгарып койчу 5 көйгөй

306
Эксперттер автоунааны таптакыр күтпөгөн жерден чыга калып жүдөтө турган, айрым учурда кырсыкка себепкер кылган көйгөйлөрдү санап беришти.

БИШКЕК, 20-июн. — Sputnik. Авто Mail.ru порталынын эксперттери машиналардын анча байкалбаган ыйкы-тыйкысын санап беришти.

Майдын агышы

Көзгө көрүнүп-көрүнбөгөн тешик же жарака шланг, болбосо бензобактын корпусунан майдын агып калышын шарттайт. Бүгүнкү күндө корпус формасынын татаалдыгынан улам атайын пластиктен даярдалат. Ысып турган деталга бир тамчы эле бензин тийсе эмне болорун элестетип көрүңүз. Унааны токтотуп жатканда машинанын алдындагы майдын тактарына олуттуу көңүл буруу зарыл.

Ал эми машинаңызды унаа оңдоочу жайга алып келсеңиз, шланг, түтүктөрдү бир сыйра каратып коюу керек. Баса, бензин унаадагы күйүүгө жөндөмдүү жалгыз суюктук эмес экенин эстен чыгарбаңыз.

Дөңгөлөк

Негизи автоунаанын көп күч келген бөлүгү — дал ушул дөңгөлөк. Андыктан тешилиши, кесилип калышынын кесепети оор болот. Бул өзгөчө катуу баратканда опурталдуу. Жай айдаганда деле этият болбосо дөңгөлөктү тез эле жарактан чыгарып койсо болот.

Мында жаман жолдо этияттап айдап, дөңгөлөктөрдү байма-бай текшертип туруу оң.

Дөңгөлөктү мык, шуруп, айнек, чыгып турган учтуу нерселерден баштап аң-чөнөк, бордюр да жарактан чыгарып коет. Оңдолуп бүтө элек жолдон да айдоодо сак болуу кажет.

Суюктуктардын азайып кетиши

Тажрыйбасы анча көп эмес айдоочулар суюктуктардын азайып кетиши сыяктуу маселеге "куюп алам да" деп көңүл бурбай коюшу мүмкүн. Бирок мындай суюктуктардын жетишсиздиги бир топ көйгөйдү шарттап коюшу ыктымал. Жок эле дегенде ремонтко чыгым болосуз.

Мотор майынын аздыгы унааны көпкө чейин оңдоочу жайга калтырууга же поршендерди алмаштырууга себеп болот. Капчыгыңызды айтпаганда деле бул түйшүктүү маселе. Анын үстүнө машина эскирген сайын мотор майына муктаждык жогорулайт. Ал эми муздатып туруучу суюктук азайып кетсе мотор ысып, кооптуулук жаралат.

Бакта жарака кетишинен, жолдун аң-дөңүнөн же цилиндрдин тешилип калышынан тормоз суюктугу азайса айдоочу жана унаа ичиндеги адамдар үчүн кооптуу. Негизи бул суюктукту тормоздун жакшы иштеши үчүн эки жылда бир жолу толугу менен алмаштырып туруу зарыл.

Башкаруу системасынын жабыркашы

Тажрыйбалуу айдоочу үчүн деле машинанын өзүнөн чыккан добуштардан рулдун башкача чыккан үнүн дааналап угуу татаал. Жаман жол, машинанын эскириши, коррозия, ылай-чаң, реагент жана башка ушу сыяктуу нерселер рулдук системанын ишин начарлатып жиберет. Албетте, ары-бери буруп айдай бересиз, бирок кооптуулугу күч.

Унаага ээ боло албай калбаш үчүн рулдун өтө эле жеңил болуп калышына, же тескерисинче, оорлоп калышына, бурулуп жатканда чыккан башкача добуштарга көңүл буруу керек. Мындай учурда сөзсүз кайсы жери бузулуп жатканын аныктап, зарылдык жаралса деталдарын алмаштыруу кажет.

Коррозия

Канчалык аракет көрсөк деле жыл өткөн сайын темирдин баарын дат басат. Эгер ал сыртында болсо, унаанын көрүнүшүн гана бузушу мүмкүн. Көрүнбөгөн коррозия алда канча кооптуу.

Өз убагында очогу аныкталбаган дат автомобилдин түйүндөрүн алсыратып, бузулушуна алып келет, мындан тышкары, кузов жумшарып калат. Бул кырсыкка кабылуунун бирден-бир себеби.

Мындан улам эксперттер майды, фильтрлерди, лампаларды алмаштырып эле тим болбой, автоунаанын түбүндөгү коррозиянын очогун табууга да кеңеш берет. Металлдагы тешик-жаракаларды да көз жаздымда калтырууга болбойт. Машина жаңы болсо деле бара-бара жогоруда айтылган көйгөйлөр башталарын унутпоо зарыл.

306
Белгилер:
автоунаа, оңдоо, мотор, май, кыймылдаткыч, көйгөй
Тема боюнча
Катуу ылдамдыктагы унаа бет маңдай келгенде биринчи эмне кылуу керек? Кеңеш
Кабул шаары. Архив

ЖМК: талибдер өзбек тилин расмий макамынан ажыратып салды

57
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

57
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот
Балыкчы шаарындагы үйлөр. Архив

Жекшембиге карата аба ырайы

73
19-сентябрга караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 18-сен. — Sputnik. Жекшемби күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй өрөөнүндө +28...+33, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +23...+28 жана Нарын аймагында +24...+29 градус болору айтылды.

Термометрдин көрсөткүчү Бишкекте +31...+33, Ош калаасында +33...+35 градуска жетет.

73
Белгилер:
Кыргызстан, аба ырайы
Тема боюнча
Кыргыз-кытай чек арасы үч күнгө жабылат. Себеби