Кол чатыр көтөргөн адам. Архив

Маал-маалы менен өткүн өтүп турат. Бир жумага карата аба ырайы

1139
Синоптиктер жума ичинде кээ бир аймактарда түнкүсүн өткүн өтүп, күндүз күн ачык болорун айтышты.

БИШКЕК, 20-июн. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.

Ага ылайык, көпчүлүк аймактарда түнкүсүн жаан жаап, күндүзү ачык болот. Кээ бир жерде күндүз да өткүн өтөт.

Чүй облусу

21-22-23 жана 26-июнда түнкүсүн тоолуу райондордо жаан жаап өтүп, күн күркүрөшү, бийик тоолуу райондордо кар жаашы күтүлөт. Дыйканчылык аймактарда жаан-чачын күтүлбөйт. 24-июнда күн ачык болот. Эртеси, 25-июнда, көпчүлүк аймактарда жаан жаайт. Бишкекте 20-26-июнда түнкүсүн жана 25-июнда күндүз өткүн өтүп, күн күркүрөйт. Калган убакта күн ачык болот.

Талас облусу

20-22-июнда өткүн өтүп, бийик тоолуу райондордо кар жаайт. 25-июнда күндүз жана 26-июнда көпчүлүк аймактарда жаан жаайт. Бирок Талас шаарында 26-июнда күндүз жаан-чачын күтүлбөйт.

Ош облусу

Облустун айрым жерлеринде жума бою өткүн өтүп, бийик тоолуу райондорунда кар жаашы күтүлөт. Өрөөнүндө жана дыйканчылык аймактарында жаан жаабайт. Ошондой эле түнкүсүн өткүн өтөрү айтылат.

Жалал-Абад облусу

20-21-22-июнда тоолуу райондордо жаан жаайт. 23-24-июнда жана 25-июнда түнкүсүн жаан-чачын күтүлбөйт. 25-июнда күндүз жана 26-июнда өткүн өтүп, күн күркүрөйт. Баткенде 20-июнда күндүз кээ бир райондордо өткүн өтүп, бийик тоолуу райондорунда кар жаайт. 21-24-июнда жана 25-июнда түнкүсүн жаан-чачын күтүлбөйт. 25-июнда күндүз жана 26-июнда түнкүсүн көпчүлүк аймактарда жаан жаай турганы айтылды.

Ысык-Көл облусу

20-июндан 24-июнга чейин көп жерде өткүн өтүп, бийик тоолуу райондорунда кар жаашы болжолдонууда. 25-26-июнда дагы жаанчыл болот. Каракол жана Чолпон-Ата шаарларында да айрым убакта өткүн өтүп, кайра күн ачылып, кечкисин жаан жаайт.

Нарын облусу

20-21-июнда кээ бир райондордо өткүн өтүп, күн күркүрөшү, бийик тоолуу райондордо кар жаашы күтүлөт. 22-23-июнда түнкүсүн жаан-чачын болбойт, бирок күндүз өткүн өтөт. 24-июнда жана 25-июнда түнкүсүн жаан-чачын күтүлбөйт. 26-июнда көпчүлүк аймактарда жамгыр жаайт.

1139
Белгилер:
жаан-чачын, аба ырайы, Кыргызстан
Тема боюнча
Ысыгыраак болот. Июль айына карата аба ырайы
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

77
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

77
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео  
Депутаттар Бишкектеги ресторанда

Бүгүн төрага депутаттарга чай берип жатат. Ресторандан тартылган видео

1522
(жаңыланган 22:29 29.07.2021)
Быйылкы сессиянын жыйынтыкталганына байланыштуу Жогорку Кеңештин спикери сый тамак уюштурганы маалым болду.

БИШКЕК, 29-июл. — Sputnik. Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат.

ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду.

  • Один из бишкекских ресторанов, где проходит банкет депутатов после завершения внеочередной сессии. 29 июля 2021 года
    Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат
    © Sputnik / Эламан Карымшаков
  • Автомобили депутатов в одном из бишкекских ресторанов после завершения внеочередной сессии. 29 июля 2021 года
    ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду
    © Sputnik / Эламан Карымшаков
1 / 2
© Sputnik / Эламан Карымшаков
Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат

Кабарчы жиберген кадрдан ресторандын алдына жолтандабастар толуп, депутаттар ичине кирип жатканын көрүүгө болот.

Белгилей кетсек, эл өкүлдөрү бүгүн кезексиз жыйындарын жыйынтыктап, каникулга тараган.

Мындан эки күн мурда депутаттарды президент Садыр Жапаров да сый тамакка чакырган эле.

1522
Белгилер:
сый тамак, спикер, депутат
Тема боюнча
Качып, жалтактап... Жапаровдун сый тамагына бараткан депутаттардын видеосу
ЖК депутаттары кезексиз жыйындарын аяктап, каникулга тарады