Өспүрүм. Архив

Буга чейин далай качкан. Чүйдө 15 жаштагы бала кайрадан изделүүдө. Сүрөт

83
(жаңыланган 09:57 21.06.2021)
Жоголгон баланын энесинин айтымында, ал 5-классында эле окуусун таштап, үйдөн кача баштаган. Акыркы ирет 20-февраль күнү үйүнөн чыккан боюнча дайынсыз болууда.

БИШКЕК, 21-июн. — Sputnik. Чүйдүн Панфилов райондук милициясынын кызматкерлери буга чейин бир нече ирет жоголуп, кайра табылган 15 жаштагы Адилет Данияровду издеп жатат. Бул тууралуу Чүй ОИИББдин маалымат кызматы кабарлады.

Пропавший в Панфиловском районе Чуйской области Адилет Данияров
© Фото / пресс-служба пресс-служба ГУВД Чуйской области
Дайынсыз жоголгон Адилет Данияров

Ага ылайык, укук коргоо органдарына 8-апрелде 36 жаштагы аял кайрылып, уулу Адилет Кум-Арык айылындагы үйүнөн 20-февраль күнү чыгып кеткен боюнча кайтып келбегенин билдирген.

Аталган факт каттоого алынып, сотко чейинки өндүрүш башталды.

"Арыз берген аял сурак учурунда өспүрүм Ысык-Көлдө төрөлүп-өскөнү, 5-классында мектептеги окуусун таштаганы белгилүү болду. Андан кийин үйдөн качып, түнү менен, жадагалса айлап, жумалап келбей койчу экен. Ошондуктан энеси мурда арыз жазган эмес. Ошондой эле баланы милиция кызматкерлери бир нече жолу туугандарына жана реабилитациялык борборго өткөрүп бергени аныкталды", — деп айтылат маалыматта.

Иззделип жаткан баланын бою 160-165 сантиметр, чачы кара, өзү арыгыраак. Акыркы ирет кара куртка, кара спорттук шым жана кроссовка кийип жүргөн. Башынын сол жагында тырыгы бар.

Панфилов райондук милициясы Адилет Данияровду көргөн-билгендерди 0312 6079 89, 0702 31 75 22, 0557 08 03 87 жана 0701 79 0018 номерлерине кабарлап коюуну өтүнөт.

83
Белгилер:
Чүй облусу, Панфилов району, бала, издөө, милиция
Тема боюнча
Бишкекте 20 жаштагы кыз былтыртан бери изделүүдө. Сүрөтү жана белгилери
Заслуженный тренер КР по греко-римской борьбе Мейрамбек Ахметов в зале, где тренирует воспитанников

Акжолдун Токиодо калыстык кылып жаткан машыктыруучусу балбанды сүрөй албайт. Себеби

0
Кечээ, 2-августта, кыргызстандык адис Ахметов Токиодо грек-рим күрөшү боюнча 60 килограмм салмактагы балбандардын финалдык беттешине башкы калыстык кылды.

БИШКЕК, 3-авг. — Sputnik. Акжол Махмудовдун жеке машыктыруучусу Мейрамбек Ахметов Токиодогу Олимпиада-2020да эл аралык деңгээлдеги калыстык милдетти аткарып жүрөт. Анын иш учурундагы сүрөтүн Кыргызстандын спорттук күрөш федерациясы социалдык тармактагы баракчасына чыгарды.

Кечээ, 2-августта, кыргызстандык адис грек-рим күрөшү боюнча 60 килограмм салмакта беттешкендердин финалын башкы калыс катары тейледи. Анда кубалык Луис Альберто Орта Санчес менен япониялык Кинечиро Фумита беттешкен. Кубалык балбан упай айырмасында утуп, олимпиада чемпиону болду. Мындан сырткары, 77 килограмм салмакта өзүнүн шакиртинин (Акжол Махмудов - ред.) атаандаштары болгон ирандык Мухаммедали Гераи менен кубалык Йосванис Пена Флорестин кармашына калыстык кылды.

Жогоруда белгилегендей, Ахметов Олимпиада оюндарында грек-рим күрөшү боюнча 77 килограмм салмакта финалга чыккан кыргызстандык балбан Акжол Махмудовдун жеке машыктыруучусу. Бирок спорттогу эрежелерге ылайык, арбитр болуп жүргөндүктөн өзүнүн тарбиялануучусу Акжол беттешке чыкканда жанына барууга, кеп-кеңешин айтып багыт берип турууга тыюу салынган.

0
Москва метросунда полиция кызматкерлери. Архив

Россияда кыргызстандыктар массалык түрдө текшерилип жатабы? Расмий жооп

19
(жаңыланган 13:53 03.08.2021)
Буга чейин Россиянын Москва шаарында 180дей мигрант мушташкан. Бул боюнча жалпысынан 102 адам кармалса, анын 71и кыргызстандыктар болгон.

БИШКЕК, 3-авг. – Sputnik. Кыргызстандын Россиядагы элчилиги социалдык тармактардагы "кыргызстандыктарды РФте массалык түрдө текшерип жатышат" деген билдирүүлөр боюнча түшүндүрмө берди.

"Учурда Россиянын компетенттүү органдары "Кузьминки" метросунда болгон окуяга катыштыгы болушу мүмкүн делген чет элдиктерди издөөсүн улантууда. Россиянын укук коргоо органдарынын бул аракеттери өлкө аймагында тартипти орнотуу жана коопсуздукту камсыздоого багытталган", — дешти элчиликтен.

Ошондой эле дипломатиялык өкүлчүлүк 15-июндагы Россия президентинин коронавирус инфекциясынын жайылып кетишин алдын алуу боюнча жарлыгына ылайык, чет элдиктерди же жарандыгы жок адамдарды текшерүү иштери дагы болуп жатканын кошумчалады. Маалыматка караганда, бул текшерүүлөрдүн жыйынтыгында жаранды өлкөдөн чыгарып салуу жолу каралган эмес.

Буга чейин Россиядагы телеканалдардын бири Москвада 180дей мигранттын мушташын көрсөткөн. Анда 11-июлда Химкиде тажик мигранттары эки кыргызстандыкты бычактаганы айтылган. Мындан улам тирешүү башталып, шаардагы "Кузьминки" метростанциясында массалык мушташ чыккан. Урушта жалпысынан 102 адам кармалса, анын 71и кыргызстандык болгон.

19
Белгилер:
Кыргызстан, Россия, жаран, текшерүү, элчилик
Тема боюнча
Кыргызстандык абитуриенттер россиялык ЖОЖго түйшүксүз өтө алат
Кыргызстандыктар Москва — Казань жолун салып иштемекчи