Ысык-Көл облусунда иштеген милиция кызматкерлери. Архивдик сүрөт

Ысык-Көл милициясы эс алууга келген чет элдиктерге 7 кеңеш берди

71
(жаңыланган 12:29 22.06.2021)
Көлдө туристтик милиция ар бир эс алуучунун коопсуздугун камсыз кылуу боюнча аракеттерди көрө турганы, бирок саякатчылар да эске ала турчу жагдайлар бар экени белгиленди.

БИШКЕК, 22-июн. — Sputnik. Кыргызстанда жайкы туристтик мезгилдин башталышы менен чет элдик меймандар Ысык-Көлгө эс алууга келишүүдө. Буга байланыштуу облустук милиция коопсуздук жаатында кеп-кеңеш берди.

Ага ылайык, туристтик милиция ар бир эс алуучунун коопсуздугун камсыз кылуу боюнча аракеттерди көрө турганы, бирок саякатчылар да эске ала турчу жагдайлар бар экени белгиленет.

Саякатчыны тоноп кетсе ал консулдукка чалып, анан милицияга кайрылышы керекпи, визасы бүтүп калса милиционерлер өлкөдөн кетишин талап кыла алабы? Ушул жана башка суроолорго Ысык-Көл облусунун ички иштер башкармалыгы жооп берген.

Алдын ала чара көрүңүз

Эс алуу учурунда өзүңүздүн коопсуздугуӊузду камсыз кылуу үчүн чет өлкөгө келерден мурун бардык документтерди (виза, паспорт, камсыздандыруу), билеттерди текшериңиз. Алардын бардыгы тийиштүү тартипте жана мөөнөтү жарактуу болушу керек. Туристтик агенттиктин Кыргызстандагы өкүлчүлүгүнүн телефондорун жана дарегин жазып коюңуз. Алар саякат учурунда сизге жардам берүүгө милдеттүү. Бул сизди жайгаштыруу, жашоо шарттары, тейлөө деңгээли жана тамактандыруу маселелерине тиешелүү. Сактык маселесине өзгөчө кам көрүӊүз жана жеке буюмдарыңызга кайдыгер мамиле кылбаӊыз.

Документтерди жана ири суммадагы акчаларды өзүңүз менен алып жүрбөй мейманканада калтырыңыз. Бир бөлүгүн банктык картада сактаңыз. Ошол эле учурда сапар алдында Кыргызстанда ушул карта менен төлөө мүмкүнчүлүгү бар-жогун текшерип алыңыз. Сиз жашаган мейманканада сейф же сактоо бөлмөсү болсо жакшы болот. Маанилүү документтердин электрондук көчүрмөсүн чыгарып алыңыз, түп нускасын жоготуп алган учурда сизге керек болот.

Акча же документтер уурдалса кайда кайрылууга болот?

Чет өлкөлүк жаран каалаган уюлдук телефон аркылуу 102, 112 же 0705 00 91 02 номерине байланышуусу зарыл. Билдирүүгө Ысык-Көл облусунун милициясы токтоосуз чара көрөт.

112 номери – ыкчам жардам көрсөтүү кызматтары үчүн бирдиктүү номер. Ал жарандардын өмүрүнө жана ден соолугуна коркунуч жаралган учурда жардам көрсөтүү, каргаша, кырсык, өрттөрдө, коомдук тартипти бузууда жана башка окуяларда, ошондой эле өзгөчө кырдаалдарда келтирилген материалдык чыгымды азайтуу жана адамдарга бирдиктүү маалыматтык колдоо көрсөтүү максатында иштелип чыккан муниципалдык багыттагы диспетчердик кызмат.

Андан тышкары, Ысык-Көл ОИИБдин туристтик милициясынын базасында Сall-борбор иштейт, анда чет элдик турист же эс алуучу 0705 00 91 02 номерине чалып, англис же орус тилдеринде керектүү маалыматтарды ала алат.

Чет элдик жаран кыргызча билбесе милиционер менен кантип сүйлөшөт?

Сырттан келген саякатчы милиция бөлүмүнө келгенде котормочу менен камсыз болот. Ошол эле учурда Жазык-процессуалдык кодексине ылайык, котормочу жазык процессине кызыкдар адам болбошу керек. Котормочу чет элдик жаран сүйлөгөн жана тергөө амалдары жүргүзүлүп жаткан тилди билиши кажет. Мындан тышкары, анын жазуу жүзүндөгү документтерди которуу тажрыйбасы болушу керек.

Чет элдик жаранга элчиликтин же консулдуктун өкүлү керекпи?

Уурдоо, талап-тоноо жана башка кылмыштар боюнча милицияга арыз жаза турчу чет элдик жаранга өз өлкөсүнүн элчилигинин же консулдугунун өкүлдөрүнүн катышуусу талап кылынбайт.

Бирок чет өлкөлүк турист жабырлануучу же окуяга күбө катары өтүп жатса, өз жаранынын мыйзамдуу өкүлү катары катышууга укуктуу.

Эгерде милиция арызды карабаса

Эгерде чет элдик жаранга карата кылмыш жасалып, милиция кызматкерлери тергөө жүргүзүүдөн баш тартса же тергөө ишин создуктурса, ал адам укук коргоо органдарынын кызматкерлеринин аракеттерине же аракетсиздигине сотко даттанууга укуктуу. Мындан тышкары, арыз ээси ИИМдин ички иликтөө кызматына (0704999918) же ыкчам борборго (0312 66 23 31) кайрыла алат.

Ошондой эле милиция кызматкерлеринин аракетине же аракетсиздигине байланыштуу прокуратуранын 0312542818 ишеним телефонуна чалып арызданса болот.

Жоголгон буюмдар ээсине кайтарылып берилеби?

Эгерде кылмышкер аныкталып, андан жабырлануучунун буюмдары алынса, ээсине кайтарылып берилет. Кандай болгон күндө дагы уурдоо фактысы Кылмыш жана жоруктардын бирдиктүү реестринде катталат. Милиция сөзсүз түрдө бул фактыны териштирет.

Эгерде виза маселеси келип чыкса

Кыргызстанда туристтин визасы аяктаганга чейин бир нече күн калса милиция кызматкери аны өлкөдөн чыгып кетишин талап кылганга укугу жок.

71
Белгилер:
виза, Коопсуздук кеңеши, эс алуу, турист, милиция, Ысык-Көл
Тема боюнча
Дарыгер эмгек өргүүдө кантип туура эс алуу керектигин айтты
Кыргызстанга кирүүнүн эрежеси. Кандай документтер талап кылынат?
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

71
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

71
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео  
Депутаттар Бишкектеги ресторанда

Бүгүн төрага депутаттарга чай берип жатат. Ресторандан тартылган видео

1442
(жаңыланган 22:29 29.07.2021)
Быйылкы сессиянын жыйынтыкталганына байланыштуу Жогорку Кеңештин спикери сый тамак уюштурганы маалым болду.

БИШКЕК, 29-июл. — Sputnik. Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат.

ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду.

  • Один из бишкекских ресторанов, где проходит банкет депутатов после завершения внеочередной сессии. 29 июля 2021 года
    Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат
    © Sputnik / Эламан Карымшаков
  • Автомобили депутатов в одном из бишкекских ресторанов после завершения внеочередной сессии. 29 июля 2021 года
    ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду
    © Sputnik / Эламан Карымшаков
1 / 2
© Sputnik / Эламан Карымшаков
Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат

Кабарчы жиберген кадрдан ресторандын алдына жолтандабастар толуп, депутаттар ичине кирип жатканын көрүүгө болот.

Белгилей кетсек, эл өкүлдөрү бүгүн кезексиз жыйындарын жыйынтыктап, каникулга тараган.

Мындан эки күн мурда депутаттарды президент Садыр Жапаров да сый тамакка чакырган эле.

1442
Белгилер:
сый тамак, спикер, депутат
Тема боюнча
Качып, жалтактап... Жапаровдун сый тамагына бараткан депутаттардын видеосу
ЖК депутаттары кезексиз жыйындарын аяктап, каникулга тарады