Экзамен алдында абитуриент. Архив

Кыргызстандын 10 мыкты бүтүрүүчүсү тандап алган окуу жайлар

3387
(жаңыланган 17:01 22.06.2021)
Ар бир окуу жылынын аягында мектеп бүтүрүүчүлөрү жалпы республикалык тестирлөөдөн өтөт. Алтын сертификат алгандар үчүн өлкөдө бардык ЖОЖдордун эшиги ачык.

2020-2021-окуу жылындагы ЖРТнын жыйынтыгы чыгып, анда кимдин канча балл алганы белгилүү болду. Алдын ала маалыматтар боюнча, 58 бүтүрүүчү жогорку упайга ээ болду. Sputnik Кыргызстандын кабарчысы алардын ичинен алдыңкы 10 киши кайсы окуу жайга тапшырарын же тапшырып койгонун сураштырды.

Жайдар Нургазиев Каракол шаарындагы Кусейин Карасаев атындагы "Сапат" лицейин аяктады. ЖРТдан ал 232 балл алды, бул республика боюнча эң жакшы көрсөткүч. Жайдар Гонконгдогу ЖОЖдордун бирине тапшырганын айтты.

Выпускник кыргызского-турецкого лицея Сапат имени Кусеина Карасаева в Караколе Жайдар Нургазиев, набравший наивысший балл на Общереспубликанском тестировании (ОРТ)
© Фото / администрация кыргызско-турецкого лицея "Сапат" имени Х. Карасаева в Караколе
Жайдар Нургазиев Каракол шаарындагы Кусейин Карасаев атындагы "Сапат" лицейин аяктады
"Гонконгдогу окуу жайга ЖРТнын жыйынтыгы зарыл эмес эле, бирок документ катары керек болчу. Буюрса ал жактан да бекер жана стипендия менен окуганы турам. Социология факультетин тандадым. Эл менен иштеген жагат, коомдун өнүгүшүнө салым кошом деген ниетим бар", — деди бүтүрүүчү.

Бишкектеги № 26 гимназиянын бүтүрүүчүсү Алия Сарыгулова 231 баллга ээ болду. Ал Борбордук Азиядагы Америка университетинин программалык инженерия факультетин тандап алган.

Выпускница бишкекской гимназии № 26 Алия Сарыгулова
© Фото / из личного архива Алии Сарыгуловой
Бишкектеги № 26 гимназиянын бүтүрүүчүсү Алия Сарыгулова 231 баллга ээ болду
"Сапаттуу билим — бардык нерсенин негизи. Азыр IT-адистер абдан керек. Биринчиден, бул тармак ордунда турбайт жана актуалдуулугун жоготпойт. Экинчиден, зериккенге убактың болбойт", — деди Алия.

Талас облусундагы Жумагул уулу Алымкул орто мектебинин сыймыгы — Сымбат Касымбекова 230 баллга татыды. Ал азырынча Борбордук Азиядагы Америка университети же чет өлкөлүк ЖОЖдордун бирин тандайм деп турат. Колдонмо математика менен компьютердик инженерияны жактырат.

Бишкектеги № 13 мектеп-гимназиясынын бүтүрүүчүсү Медер Рахатбеков дагы 230 балл алды. Ал Гонконгдогу Кытай университетине өтүүнү көздөп жатат.

"Тапшыруу үчүн мага ЖРТнын жыйынтыгы гана жетпей жаткан. Аны аларым менен аталган окуу жайга жөнөтөм. Кесип боюнча айтсам, Data Science (маалыматтар тууралуу илим) менен Urban Science (урбанистика) экөөнүн бирин ойлонуп жатам. Кичине кезимен баштап компьютерге жакынмын. Математика менен урбанистиканы аябай жакшы көрөм. Келечекте Кыргызстанды архитектура жагынан өтө кооз өлкө катары элестетип, ошол кыялымды ишке ашыруу үчүн бардык аракеттерди көрөм", — деди Медер.

Адил Ахматбеков — Бишкектеги № 61 физика-математикалык автордук мектепти аяктады. ЖРТдагы жыйынтыгы — 228 балл. Ал Москвадагы Жогорку экономика мектеби улуттук изилдөөлөр университетине "колдонмо математика жана информатика" адистиги боюнча окууга өттү.

Выпускник авторской физико-математической школы-лицея № 61 Адиль Ахматбеков
© Фото / из личного архива Адиля Ахматбекова
Адил Ахматбеков Бишкектеги № 61 физика-математикалык автордук мектепти аяктады
"Мага коддорду жазып, тапшырмаларды аткарган жагат. Андыктан бул багыт мен үчүн идеалдуу деп айтсам болот. IT-тармагында иштегим келет, ал эми мен тандаган программа боюнча келечекте каалаган үндөш кесипти тандасам болот", — деди Адил.

Баткен облустук мектеп-гимназия-интернатын аяктаган Нуржамал Абдиллаева 227 балл топтой алды. Ал Эл аралык "Ала-Тоо" университетиндеги медицина факультетинде окуйт. Бул окуу жайды англис тилинде сабак берилгендиги үчүн тандап алган.

Бүтүрүүчүлөр алтын сертификаттар аземинде . Архив
© Пресс-служба президента КР / Султан Досалиев
Дал ушундай баллды Нарын облусунун Ак-Талаа районундагы Атамбеков орто мектебинин бүтүрүүчүсү Нургүл Адисова да алды. Ал дагы Эл аралык "Ала-Тоо" университетинде окуп, IT-адис болууну көздөп жатат.

227 балл алган Аскар Иманакунов мектепти 2018-жылы аяктаган. Алгач Кыргызстанга, кийин Польшага окууга тапшырып, бирок пандемиядан кийин кайра кайтып келген. Эки окуусун тең аяктаган эмес. ЖРТны өз күчүн сыноо үчүн тапшырып көргөнү менен жыйынтыгын билген соң кайрадан окууга өтүүнү ойлонуп жатат.

Обладатель золотого сертификата ОРТ-2021 Аскар Иманакунов
© Фото / из личного архива Аскара Иманакунова
227 балл алган Аскар Иманакунов мектепти 2018-жылы аяктаган
"Азырынча чечим кабыл ала элекмин. Бирок Гонконгдогу окуу жайлардын бирин караштырып жатам. Ал жакка алтын сертификат жана TOEFL жыйынтыгы боюнча алышы мүмкүн. Буга чейин журналистика жана графикалык дизайн боюнча окууларга тапшыргам. Азыр мени программалоо кызыктырып жатат", — деди Аскар.

Бишкектеги № 61 физика-математикалык автордук мектебин бүтүрүп, ЖРТда 227 балл алган Бектур Конушбаев Түштүк Флорида университетине (АКШ) кабыл алынды. Аны физика багыты абдан кызыктырат.

Ушул эле №61 мектептин бүтүрүүчүсү Айдар Кыштобаев 227 балл алып, учурда Россия жана Гонконг университеттеринин ичинен бирин тандаганы турат.

Выпускник АФМШЛ № 61 Айдар Кыштобаев
© Фото / из личного архива Айдара Кыштобаева
Ушул эле №61 мектептин бүтүрүүчүсү Айдар Кыштобаев
"Москвадагы Физика-техникалык институту менен Гонконг университети (HKU) экөөнүн бирине барам. HKU окуу жайынан расмий кат келди. Эми россиялык окуу жайдын жообун күтүп жатам", — деди ал.

Университетте Айдар программалоо багыты боюнча билим алганы турат.

Бишкектеги № 61 физика-математикалык автордук мектебинин дагы бир бүтүрүүчүсү Кубанычбек Тагайбеков 227 балл алган. Редакция өзү менен байланыша алган жок.

3387
Белгилер:
билим берүү, Университет, балл, тест, ЖРТ, бүтүрүүчү, Кыргызстан
Тема боюнча
ЖРТдан эң көп баллга татыган Жайдар: Гонконгдогу окуу жайга тапшырып койгом
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

77
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

77
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео  
Депутаттар Бишкектеги ресторанда

Бүгүн төрага депутаттарга чай берип жатат. Ресторандан тартылган видео