SpaceX компанияснын негиздөөчүсү Илон Маск. Архив

Кыргызстанда Илон Масктын Starlink компаниясынын өкүлчүлүгү ачылышы мүмкүн

526
(жаңыланган 19:43 28.06.2021)
Илон Маск планетанын калкын ылдам спутниктик интернет менен камсыз кылууга ниеттенип жүрөт. Бул үчүн Starlink долбоору иш алып барууда.

БИШКЕК, 28-июн. — Sputnik. SpaceX уюму Кыргызстанда Starlink компаниясынын өкүлчүлүгүн ачууну караштырып жатат. Бул тууралуу өлкөнүн Санариптик өнүктүрүү министрлигинин маалымат кызматы билдирди.

Министр Дастан Догоев Starlink Market Access ишканасынын улук менеджери Брайан Шепис менен жолуккан.

"Жолугушууда алыс жерлерди, өлкөнүн алыскы райондорундагы социалдык объектилер жана мектептерди, ошондой эле калктын аярлуу катмарын жогорку ылдамдыктагы жеткиликтүү интернет менен камсыздоо маселеси талкууланды. SpaceX компаниясы техникалык талаптардын тизмеси боюнча кошумча маалымат сурап, мындан аркы кызматташтыкты өнүктүрүү боюнча макулдашууга кол коюлду", — деп айтылат маалыматта.

Starlink — бул жогорку ылдамдыктагы интернет байланышын камсыз кылуу үчүн SpaceX тарабынан орнотулган глобалдык спутник системасы. Программа дүйнө жүзүндөгү интернет байланышын жакшыртууга жана кеңейтүүгө багытталган. SpaceX уюму долбоордун алкагында 2021-жылдын сентябрына чейин 11 миңден ашуун спутникти учурууну пландаган.

Божомолго ылайык, бул бүтүндөй жер жүзүнүн калкын жеткиликтүү жана ылдам спутниктик интернет менен камсыздайт.

Starlink программасын инвестициялоо 10 миллиард доллар деп бааланууда. StarLink үчүн бир айлык абоненттик төлөм 99 долларды түзөт. Интернетти колдонуу үчүн антеннасы жана Wi-Fi роутери бар терминалды сатып алуу зарыл. Комплект алууга 500 доллар жетиштүү болот.

SpaceX белгилегендей, спутниктик интернетке кошулуунун баштапкы этабында жабдууларды орнотууга болжол менен беш мүнөт убакыт керектелет. Кийинчерээк ал үч мүнөткө чейин кыскарат. Ал эми орнотуу үчүн кандайдыр бир атайын билим талап кылынбайт.

526
Белгилер:
Илон Маск, Кыргызстан, Санариптик өнүктүрүү министрлиги, Дастан Догоев, интернет
Тема боюнча
Илон Маск бир аптада 10 миллиард доллар киреше көрдү
Вид на новостройки в жилом массиве Кок-Джар в зимнее утро

Мэрия конуштардагы жер участокторуна техникалык паспорт берет. Шарты

0
(жаңыланган 12:45 07.12.2021)
Муниципалитет бул документ жерди мыйзамдаштыруу көйгөйүн чечүүдөгү алгачкы этаптардын бири экенин эскертти.

БИШКЕК, 7-дек. — Sputnik. Конуштардагы жер тилкелерди документ менен шайкеш келтирүү үчүн 7-декабрдан тарта мобилдик топ ишин баштайт. Бул тууралуу Бишкек мэриясы билдирди.

Маалыматка караганда, көчмө топ алгач изилдөө жүргүзүп, андан соң үйлөр салынып калган жер участокторуна техникалык паспорт даярдалат.

Мобилдик топтун ишинин убакыт-сааты meria.kg сайтына жарыяланат.

"Техникалык паспорт жерди мыйзамдаштырып алууга укук бербейт. Анда болгону кыймылсыз мүлк боюнча техникалык маалымат топтолот. Бул документ жерди мыйзамдаштыруу көйгөйүн чечүүдөгү алгачкы этаптардын бири", — деп айтылат маалыматта.

Кыймылсыз мүлккө алгачкы изилдөө жүргүзүү боюнча кайрылуу үчүн документтердин тизмеси:

  • жарандын өздүгүн тастыктоочу күбөлүк (ID карта, түп нускасы жана көчүрмөсү);
  • кварталдык комитеттин төрагасы тарабынан күбөлөндүрүлгөн чектеш кошуналардан алынган тил каттар;
  • жашагандыгы жөнүндө жана үй-бүлөдөгү адамдардын саны боюнча кварталдык комитеттин төрагасы тарабынан же МТУнун төрагасы тарабынан күбөлөндүрүлгөн маалым кат.
0
Белгилер:
Бишкек, мэрия, паспорт, көчмөн, жер, участок
Кытай грантынын эсебинен жол боюнча үч ири долбоору

Бишкек мэриясы Кытай грантынын эсебинен жол боюнча ири долбоор сунуштады

40
(жаңыланган 12:12 07.12.2021)
Келерки жылы Кытайдын жардамы менен Бишкектеги жолдорду куруу жана оңдоо боюнча кезектеги фазаны ишке ашыруу пландалып жатат.

БИШКЕК, 7-дек. — Sputnik. Бишкек мэриясы Кытай грантынын эсебинен жол боюнча үч ири долбоорду ишке ашырууну сунуштады.

Мэр города Бишкек Айбек Джунушалиев ознакомился с проектами, которые находятся на рассмотрении для третьей фазы дорожного проекта за счет гранта КНР. 07 декабря 2021 года
© пресс-служба мэрии города Бишкек Улукбек Шамбетов
Бишкек мэриясы Кытай грантынын эсебинен жол боюнча үч ири долбоорду ишке ашырууну сунуштады

Муниципалитеттин маалымат кызматы 2022-жылы "Бишкек шаарынын ички жол тармактарын өнүктүрүү" долбоорунун үчүнчү фазасын баштоо пландалып жатканын эске салды.

Мэрия сунуштаган долбоорлор:

  • Лев Толстой — Фучик — Садырбаев (Бах) көчөлөрүнүн кесилишинде эки деңгээлдүү автотранспорттук жол курулуп, Фучик көчөсү узартылат. Ошондой эле Бахтын Лев Толстойдон Гагаринге чейинки бөлүгү оңдолот;
  • Лев Толстой менен Жаш гвардия проспектисиндеги транспорттук түйүн проспектиден Матыев көчөсүнө чейин узартылат. Ошондой эле Чапаев көчөсүнө Ала-Арча дарыясы аркылуу өткөн көпүрө курулат;
  • Темир жол аркылуу Сүйүнбаев жана Төрөкул Айтматов көчөлөрүнө Лев Толстойго чыккан жол үстүндөгү көпүрөлөрдү куруу;
  • Кийин Кара-Дарыя көчөсүнүн Лев Толстойдон Медеровго чейинки бөлүгүн узартууга мүмкүнчүлүк жаралары айтылды.

Учурда долбоор алдындагы иштер жана алдын ала эсептөөлөр жүргүзүлүүдө.

40
Белгилер:
Бишкек, Кытай, грант, жол оңдоо, куруу, көпүрө, мэрия, долбоор, план
Тема боюнча
Бишкектин 23 жерине жол чырак коюлду. Даректери
Бишкек мэриясы жаңы жылдык кечеден баш тартып, акчасын кайрымдуулукка жумшайт
Мэрия: быйыл Жаңы жылдын түнүндө салют атылбайт