Бишкек шаарынын эпидемиологиялык абалы боюнча мэриянын жыйыны

COVID-19га каршы чабал иштеген жетекчилер сөгүш алды

55
(жаңыланган 12:14 30.06.2021)
Жетекчилердин жазаланганы тууралуу шаардык эпидемия жана эпизоотиялык кырдаал боюнча комиссиянын отчёту угулган жыйында айтылды.

БИШКЕК, 30-июн. — Sputnik. Бишкекте коронавируска каршы күрөшүүдө кетирген кемчиликтери үчүн вице-мэрлерден тарта бир катар жетекчилер сөгүш алды. Бул тууралуу мэрдин милдетин аткаруучу Бактыбек Кудайбергенов борбордогу эпидемиялык жана эпизоотиялык кырдаалдар боюнча комиссиянын отчётун уккан жыйында айтылганын муниципалитет билдирди.

Шаардын убактылуу башчысы Кудайбергенов коронавирустун жайылышына байланыштуу борбор калаадагы абалды эске алып, эпидемияны алдын алуу жана четтетүү боюнча иш-чараларды тийиштүү деңгээлде жүргүзө албаганы үчүн Шаардык эпидемия жана эпизоотиялык кырдаалдар боюнча комиссиянын башчысы, вице-мэр Виктория Мозгачевага катуу сөгүш жарыялады.

Ал ошондой эле коомдук транспорттордогу санитардык эрежелердин сакталышына көзөмөл жүргүзө албаганы үчүн вице-мэр Русланбек Акылбековго, шаардагы райондордун жетекчилерине эскертүү берди.

Мындан сырткары, коронавируска каршы күрөшүү ишине тартылган шаардык бир катар мекеме жетекчилердин дисциплинардык жоопкерчилигин кароо талап кылынды.

Жыйында Кудайбергенов COVID-19га каршы күрөшүүдө коомдук транспорт жүргүнчүлөрүнө санитардык-гигиеналык эрежелерди сактоо, бет кап тагынуу, антисептик каражаттарын колдонуу, айдоочуларга унааларды такай дезинфекциялоо, жүргүнчүлөрдү көп салбоо тууралуу эскертүүлөрдү үзгүлтүксүз берүү милдетин койду.

Кудайбергенов ошондой эле комиссия мүчөлөрүн жарандардын массалык чогулуусунун алдын алуу иштерин күчөтүүгө, вице-мэрлердин, райондордун башчыларынын жана башка жетекчилердин катышуусунда рейддерди өткөрүүгө чакырды.

Мындан сырткары. шаардык транспорт, кафе, ресторан, соода борбор жана базарларда санитардык талаптар боюнча эреже бузгандарды аныктоо боюнча тийиштүү иш-чараларды уюштурууну тапшырды.

Шаарда массалык иш-чараларды өткөрүүгө тыюу салынган. Мындан улам шаар бийлиги бет кап тагынуу, социалдык аралыкты сактоо, антисептиктерди колдонуу сыяктуу санитардык нормаларды так сактоону өтүнөт.

Эске салсак, кечээтен бери өлкөдө 1 965 кишиден коронавирус табылса, анын ичинен 1 490 учур Бишкек шаарында катталган.

55
Белгилер:
абал, Бактыбек Кудайбергенов, коронавирус, Бишкек мэриясы
Тема:
Коронавируска байланыштуу Кыргызстандагы кырдаал (2851)
Тема боюнча
Организмди вакцинацияга кантип даярдоо керек. Дарыгердин кеңеши
Вакцинаны жарым жылда бир сайдырып туруу керектиги айтылды
Тяжелоатлет из Кыргызстана Бекдоолот Расулбеков во время тренировок. Архивное фото

Оор атлетчи Бекдөөлөт Расулбеков Токиого жөнөп кетти. Сүрөт 

0
(жаңыланган 11:53 26.07.2021)
Расулбеков Бишкек убактысы боюнча 31-июль күнү саат 16:50дө беттешке чыгат. Ал күч сынашчу А тайпасында 10 оор атлетчи бар экени айтылды. 

БИШКЕК, 26-июл. — Sputnik. Кыргызстандык оор атлетчи Бекдөөлөт Расулбеков Олимпиада оюндарына катышуу үчүн Токио шаарына жөнөп кетти. Бул тууралуу Жаштар иши, дене тарбия жана спорт агенттиги кабарлады.  

Спортчуну башкы машыктыруучусу Камбар Токтоналиев менен улук машыктыруучусу Өмүржан Молдодосов коштоп кеткен.  

Команданы аэропортко чейин Спорттун олимпиадалык түрлөрү боюнча дирекциясынын кызматкерлери узатып барышкан.  

Белгилей кетсек, Бекдөөлөт Расулбеков Бишкек убактысы боюнча 31-июль күнү саат 16:50дө беттешке чыгат. Жалпы 96 килограмм салмактык даражада 15 спортчу катышса, спортчунун А тайпасында 10 оор атлетчи бар.

0
Белгилер:
мелдеш, оор атлетика, Бакдөөлөт Расулбеков, олимпиада, Токио
Барселонадагы көчөлөрдүн биринде илинип турган сүрөт. Архивдик сүрөт

Окумуштуулар: COVID менен ооруган адамдардын интеллект деңгээли төмөндөйт

10
(жаңыланган 11:46 26.07.2021)
Улуу Британиялык окумуштуулар COVID-19га чалдыккан адамдын акылы кайтарылгыс деңгээлде төмөндөй турганын тастыкташты.

БИШКЕК, 26-июл. — Sputnik. Лондондогу Империялык колледждин жана Кембридж университетинин окумуштуулары COVID-19 илдетинен жабыркаган бейтаптардын интеллект деңгээли олуттуу төмөндөгөнүн аныкташкан. Бул тууралуу эл аралык басылмаларга таянып Sputnik Казакстан жазды.

Алар 81 337 кишини катыштырып тажрыйба жүргүзүшкөн. Анын 12 689у COVID-19дун ар кандай формасы менен ооруган. Аң-сезимдин мүмкүнчүлүктөрүнүн аспектилерин өлчөө максатында тесттик тапшырма даярдалган. Натыйжада ооруга чалдыккандардын көпчүлүгү, анын ичинде жеңил түрү менен сыркоологондор да вирус жукпагандарга караганда тапшырмаларды аткарууда кыйналышкан. Айрыкча, аргументтерди жана пландоо көндүмдөрүн талап кылган маселелерди чече алышкан эмес.

Мындан тышкары, узакка созулган COVID-19дун симптомдору катары "мээдеги башаламандык", ойду бир жерге топтой албагандык аталды.

Психиканын бузулушунун олуттуулугу бир жагынан оорунун күчтүүлүгүнө байланыштуу болгон. Жасалма дем алдыруучу аппаратка туташтырылышы керек болгон бейтаптарда эң чоң кыйынчылыктар аныкталган. Тагыраагы, алардын аң-сезиминин деңгээли жети пунктуга төмөндөгөн. Мындай көрүнүш инсультка кабылып, бир нерсени үйрөнүүгө жөндөмү жок болуп калгандарда да байкалган эмес.

Ошондой эле окумуштуулар таанып-билүү жөндөмүнүн төмөндөшү менен вирус жуккандан бери өткөн убакыттын ортосундагы байланыштын бар-жогун текшеришкен. Натыйжада эч кандай байланыш байкалбай, COVID-19 орду толгус кесепеттерге алып келет деген бүтүмгө келишкен.

Буга чейин Берлиндеги Charite университетинин клиникасынын биологдору SARS-CoV-2 адамдын мээсине жыт сезүүчү былжыр челиндеги нерв клеткалары аркылуу кирерин аныкташкан. Бул адамдагы баш оору, чарчоо жана "мээдеги башаламандык" сезими сыяктуу неврологиялык көйгөйлөргө алып келет.

10
Белгилер:
окумуштуулар, интеллект, илдет, коронавирус
Тема:
Дүйнөгө жайылган коронавирус
Тема боюнча
Коронавируска каршы күнү-түнү эмдеген пунктулардын дареги
Коронавирус адамды бат карытат. Процессти кантип жайлатуу керек
Коронавирус дагы 12 кишинин өмүрүн алды. 26-июлдун статистикасы