Арак ичүү. Архивдик сүрөт

Ууланасың! Адис вакцина алган адам ичимдик ичип алса эмне болорун айтты

450
Адистин айтымында, вакцина алгандан кийин антитело пайда боло баштайт. Бул учурда организм өзгөчө сезимтал болуп, зыяндуу нерселерди өтө оор кабыл алат.

БИШКЕК, 6-июл. — Sputnik. Иммунолог жана аллерголог Владимир Болибок коронавируска каршы вакцина алгандан кийин спирт ичимдиктеринен эмне үчүн оолак болуп туруу керектигин түшүндүрдү. Дарыгердин пикирин "Российская газета" басылмасы жазды.

Адистин айтымында, вакцина алгандан кийин антитело пайда боло баштайт. Бул учурда организм өзгөчө сезимтал болуп, зыяндуу нерселерди өтө оор кабыл алат.

"Ичимдик аз өлчөмдө дагы ууланууга алып келиши мүмкүн. Боор менен уйку без жабыркайт. Ошондой эле эмдөөдөн кийин бир нече күн бою мончого түшүп же чыйрыгып калбоо керек. Стресстик абалдан дагы адам өзүн оолак кармаганы жакшы", — деди Болибок.

Сөзүнүн аягында дарыгер вакцина адамдын спирт ичимдиктерин ичкенине карабай иштей берерин, бирок препарат менен ичимдиктин "кездешпей" эле койгону туура экенин кошумчалады.

450
Белгилер:
организм, ичимдик, вакцина, коронавирус
Тема:
Коронавируска каршы эмдөө (191)
Тема боюнча
Вакцина алууну каалагандар эми 118 кызматы аркылуу да каттала алышат
Кыргызстандын президенти Садыр Жапаров. Архивное фото

ЖК депутаты: Садыр Жапаров бизди сый тамакка чакырды

14
(жаңыланган 17:44 27.07.2021)
Эл өкүлүнүн айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

БИШКЕК, 27-июл. — Sputnik. Президент Садыр Жапаров сессиялар жыйынтыкталып жатканына байланыштуу парламент депутаттарын сый тамакка чакырды. Бул тууралуу Sputnik агенттигинин кабарчысына эл өкүлү Умбеталы Кыдыралиев билдирди.

Анын айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

Анткен менен айрым парламентарийлер шайлоо боюнча мыйзам долбоору талкууланарын айтса, башкалары эмне үчүн чакырылганын таптакыр билбей турганын билдиришти.

Ал эми президенттин маалымат катчысы Эрбол Султанбаев Жапаровдун депутаттар менен бейрасмий жолугушуусу пландалганын, учурдагы күн тартибиндеги актуалдуу маселелер боюнча пикир алмашуу болорун айтты.

Буга чейин аталган жолугушууга чакыруу алганын депутат Айсулуу Мамашова айтып, иш-чара "Ала-Арча" мамлекеттик резиденциясында өтөрүн кошумчалаган.

Белгилей кетсек, өткөн жумада 21-июль күнү да ЖК депутаттары Садыр Жапаров менен жолугуп, шайлоо системасы боюнча сунушталган мыйзам долбоору ортого салынган. Анда эл өкүлдөрүн ЖК имаратынын жанынан автобуска салып алып кетишкен.

14
Белгилер:
тамак, депутат, Садыр Жапаров
Тема боюнча
Депутаттар Садыр Жапаров менен жолугуу үчүн бүгүн да резиденцияга барышат
Депутат Тотонов: Бишкек шаар эмес эле ат сарай, иткана болуп калды 

Шумкар асманда учкан дронго кол салып, аны илип кетти. Видео

17
Социалдык тармактарда шумкардын квадракоптерге чабуул койгон видеосу тарады. Жырткыч куш аппаратты мыкчып алып кеткен.

Россиялык ЖМКлар жазгандай, окуя Камчатка аймагында жергиликтүү блогер табияттын кооздугун тартып жатканда болгон.

Жырткыч куш учуучу аппаратка кол салган. Кадрдан көрүнүп тургандай, шумкар дронду учуп бара жаткан жеринен илип кеткен. Аппаратты асманда бир кыйла аралыкка чейин мыкчып барып, саздак жерге таштап койгон.

Маалым болгондой, дрон GPS координаттары аркылуу табылган.

17
Белгилер:
окуя, Камчатка, Чабуул, дрон, шумкар
Тема боюнча
Аюулар дронго кол салганда... Сахалинде тартылган видео
Көзүн чокуп... Шумкар менен кескелдириктин беш сааттык кармашы. Видео