Медициналык кызматкер COVID-19 каршы Sinopharm кытай вакцинасы менен. Архив

Кытайдан келчү Sinopharm вакцинасынын 1,25 млн. дозасы кандай бөлүнөрү айтылды

84
(жаңыланган 10:50 07.07.2021)
9-июлда Кытайдан Sinopharm вакцинасынын 1,25 миллион дозасы келиши күтүлүүдө. Анын ичинен 1,1 миллион дозаны өлкө республикалык бюджеттин эсебинен сатып алса, 150 миң дозасын Кытай акысыз берген.

БИШКЕК, 7-июл. — Sputnik. Министрлер кабинетинин төрагасынын орун басары Жылдыз Бакашова Кытайдан келчү Sinopharm вакцинасынын 1,25 миллион дозасы облустар боюнча кандай бөлүштүрүлө турганын брифингде айтты.

Маалым болгондой, келе турган вакциналар облустарга төмөндөгүдөй көлөмдө бөлүнөт:

  • Бишкек — 240 миң доза;
  • Ош шаары — 110 миң;
  • Ош облусу — 175 миң;
  • Чүй облусу — 200 миң;
  • Ысык-Көл облусу — 120 миң;
  • Жалал-Абад облусу — 165 миң;
  • Баткен облусу — 80 миң;
  • Нарын облусу — 80 миң;
  • Талас — 80 миң.
84
Белгилер:
Кыргызстан, Кытай, вакцина, облус, бөлүштүрүү, план
Тема:
Коронавируска каршы эмдөө (211)
Тема боюнча
9 киши каза болуп, 4 миңден ашык адам ооруканада жатат. COVID статистикасы
Жакында коронавирустун очогуна айланат делген өлкө аталды

Кубанарымды же кайгырарымды билбей турам. Акжол менен Мээримдин видео маеги 

71
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

71
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин
UFC уюмунун экс-чемпиону Хабиб Нурмагомедов. Архив

Көлгө келген Хабиб: эртең Олимпиадада алтын алышыңарга тилектешмин

66
(жаңыланган 00:17 04.08.2021)
Ысык-Көлгө ММА боюнча турнирге конок катары келген Нурмагомедов бүгүнкү Олимпиада оюндарын көргөнүн айтып, кыргызстандыктарга ийгилик каалады.

БИШКЕК, 4-авг. — Sputnik. Эртең Олимпиада оюндарында алтын медаль алышыңарга тилектешмин. Бул тууралуу UFC уюмунун экс-чемпиону Хабиб Нурмагомедов Чолпон-Атада өтүп жаткан Eagle Fighting Championship (EFC) турниринде сөз сүйлөп жатып билдирди.  

"Бүгүнкү Олимпиада оюндарын көрдүк. Тилекке каршы, утулуп калды (Акжол Махмудов, — ред.). Бирок күмүш менен коло да жакшы. Эми алтын да болот. Эртең алтын алышыңыздарды каалайм, тилектешмин", - деди Нурмагомедов. 

Белгилей кетсек, ушул тапта аралаш мушташ боюнча Eagle Fighting Championship (EFC) турнири өтүүдө. Анда Хабиб лиганын түптөөчүсү жана конок катары чакырылган. Эске салсак, Олимпиада оюндарында балбандар Акжол Махмудов күмүш алса, Мээрим Жуманазарова коло тагынды. Ал эми Айсулуу Тыныбекова финалга чыкты, эртең алтын үчүн күрөшөт.

66
Белгилер:
Чолпон-Ата, Хабиб Нурмагомедов, Олимпиада-2020, медаль
Тема:
2021-жылы Токиодо өтө турган Олимпиада оюндары
Тема боюнча
Сүйүнчү! Бусурманкул Абдибаит уулу Хабибдин лигасынын чемпиону болду. Сүрөт  
Олимпиада: эки балбандын жеңишинен кийин Кыргызстан 64-орунга чыкты
Алексей Федосеев Хабибдин турниринде атаандашын муунтуу ыкмасы менен жеңди. Сүрөт