Медайым Спутник V вакцинасы менен. Архив

"Спутник V" вакцинасынын майнаптуулугу жөнүндө Nature жазды

71
(жаңыланган 17:37 07.07.2021)
COVID-19га каршы турган препарат катары дүйнөдө биринчилерден болуп катталган "Спутник V" вакцинасын дүйнөнүн арбын бөлүгү колдонууда.

БИШКЕК, 7-июл. — Sputnik. Россия чыгарган "Спутник V" вакцинасын дүйнөнүн дээрлик 70 пайызы колдонуп жатканы менен кыйыр таасир боюнча талаш-тартыштан улам Дүйнөлүк саламаттык сактоо уюмунун (ДССУ) колдоосун ала элек. Бул тууралуу РИА Новости Nature журналындагы материалга таянып жазган.

Макаланын автору "Спутник V" COVID-19га каршы турган препарат катары дүйнөдө биринчилерден болуп катталгандыгын жана ондогон мамлекеттерде жактырылгандыгын айтып келип, дүйнөгө таралышы үчүн ДССУнун уруксаты керек экенин эске салат. Чет өлкөлүк бир топ эпидемиологдор каттоонун тез болуп кеткендигин сынга алган.

Бир топ шектенүүлөр The Lancet журналындагы "Спутник V" коронавирустун алдын алууда 91,6 пайыз майнаптуу жана COVID-19дун оор өтүшүн 100 пайыз жеңилдетет деген макаладан кийин жок болду. Кийинчерээк Гамалея атындагы Эпидемиология жана микробиология улуттук изилдөө борбору 2021-жылдын апрель айында вакцинанын эки дозасын сайгандан кийинки натыйжасы 97,6 пайызды түзгөндүгү тууралуу маалыматтарды жарыялады.

Чет өлкөлүк окумуштуулардын сын-пикирлерине карабай, Түштүк Корея, Аргентина, Венгрия жана Индия препаратты колдошту, ал эми Бириккен Араб Эмирлигинде анын натыйжасын 97,8 пайыз деп баалашты.

Макалада "Спутник V" препаратынын курамында башка AstraZeneca менен Johnson & Johnson вакциналарынан айырмаланып, бир эмес, эки аденовирус бар экендиги айтылган. Бул препараттын коргой турган касиетин арттырары айтылган. Россиялык вакцинаны сайгандан кийин башка препараттарга салыштырып айтканда, бир дагы өлкөдө тромбоз пайда болгон учурлар кездешкен эмес. Маселен, Аргентина, Бразилия жана Сан-Маринодон эмдөөнүн оор кесепети болду деген маалымат айтылган жок.

Автор "Спутник V" вакцинасын Россияда жана чет өлкөдө андан ары изилдөө анын коопсуздугу жана майнаптуулугу боюнча маалыматты дагы так, даана кылып көрсөтүп берет деп макаласын жыйынтыктаган.

71
Белгилер:
'Nature' журналы, вакцина, Спутник V, Дүйнөлүк саламаттыкты сактоо уюму, Россия
Тема:
"Спутник V" вакцинасы (134)
Тема боюнча
"КовиВак": коронавируска каршы вакцинанын өзгөчөлүктөрү
Эмдөөдөн кийин антитело калыптанбаса эмне болот. Адистин пикири
Дарыгер-косметолог Назира Элебесова

Элебесова: ысыкта курамында ретинол бар каражаттарды колдонбогула

30
(жаңыланган 15:32 27.07.2021)
Дарыгер-косметолог Назира Элебесова ысыкта териге кам көрүү жана күнгө туура кактануу тууралуу айтып берди.

Тоолуу аймакта жашагандыктан кыргызстандыктар spf 50 жогорку деңгээлде коргоочу бет май колдонушу керек. Ал эми пляжга баргандар күндөн коргонуучу кремди 15-20 мүнөт сайын жаңылап сүйкөө зарыл. Бул тууралуу Назира Элебесова Sputnik Кыргызстан радиосунун эфиринде маек куруп жатып билдирди.

Элебесова: ысыкта курамында ретинол бар каражаттарды колдонбогула

Анын айтымында, териге кам көрүүдө туура тамактанып, жетиштүү деңгээлде суу ичүү керек.

"Жайында терини коргоочу каражаттарды колдонуу сунушталат. Ар бир адам өз терисинин өзгөчөлүгүнө жараша косметика тандоо абдан маанилүү. Ысыкта курамында ретинол бар, терини агартуучу каражаттарды колдонбош керек. Мында сепкил түшүп же пигменттик тактар карарып кетиши мүмкүн. Негизи беттин териси 70 пайыз косметологдон, калганы үйдөн кам көргөнгө жараша болот. Учурда бетти нымдаштыруучу процедуралар актуалдуу болуп жатат. Бул ийне аркылуу гиалурон гелин куюу, RF лифтинг аркылуу терини жашартуу ыкмалары. Азыр саат 12ден 15:00гө чейин күн ачуу тиет. Андыктан бул убакытта сыртка чыкпай, эртең менен же кечирээк күнгө күйүү сунушталат", — деди Элебесова.

Косметолог күнгө өтө күйүп калганда температура көтөрүлөрүн, бул учурда күнгө чыкпай, көбүрөөк суюктук ичиш керектигин айтты. Андан сырткары, дарыгерге кайрылып, ал сунуштаган майды сүйкөө керектигин кошумчалады.

Подкасттын толук вариантын төмөнкү видеодон көрүңүз:

30
Белгилер:
Назира Элебесова, кам көрүү, тери, косметолог
Тема боюнча
Кандай адамдар пляжда күнгө көп күйбөшү керек. Адистин пикири
Электр лампасы. Архив

28-июлда Бишкектин бир катар аймактарында электр кубаты болбойт. Тизме

20
(жаңыланган 15:27 27.07.2021)
"Түндүк электрдин" адистеринин шаршемби күнгө пландаган иштеринин көпчүлүгү Бишкектин тегерек-четиндеги конуштарда болот.

БИШКЕК, 27-июл. — Sputnik. Эртең, 28-июлда, Бишкектин 18 көчөсүндө электр энергиясы өчүрүлөт. Бул тууралуу маалымат "Түндүк электр" ишканасынын сайтына чыкты.

Бул күнү уюмдун тийиштүү кызматкерлери трансформаторлорду оңдоо, үйлөрдүн арасындагы зымдардын тартылышын көзөмөлгө алуу, кабелдерди текшерүү сыяктуу иштер менен алектенишет.

Өчүрүү графиги:

  • 09:00дөн 13:30га чейин — Арча-Бешик конушунда (Арча-Бешик жана Тогуз-Түтүн көчөлөрү);
  • 09:00дөн 17:00гө чейин — Патрис Лумумба көчөсү;
  • 09:00дөн 18:00гө чейин — Махатма Ганди, Түлөбердиев жана Васильев көчөлөрүнүн бөлүктөрү, ошондой эле Арча-Бешик конушунда (Чортеков жана Шербет көчөлөрү);
  • 09:30дан 17:30га чейин — Ахунбаев көчөсү (№100 үй);
  • 09:30дан 18:30га чейин — Салиева, Муса Жалил, Кантемиров көчөлөрүнүн бөлүктөрүндө жана Жибек Жолу проспекти, ошондой эле Көк-Жар конушунда (Коңорчок, Көк-Жар көчөлөрүндө);
  • 10:00дөн 17:30га чейин — Кара-Жыгач конушунда (Субан-Ата жана Виноградная көчөлөрүндө);
  • 13:30дан 18:00гө чейин — Арча-Бешик конушунда (Кара-Кужур жана Шералиев көчөлөрүндө).
20
Белгилер:
оңдоо иштери, өчүрүү, электр кубаты, 'Түндүк Электр' ишканасы, Бишкек
Тема боюнча
Карызы 12 млн. сомго жетти. Бишкекте 2,3 миң абоненттин жарыгы өчүрүлөт
Токтогул ГЭСине коюлуучу гидроагрегаттын дөңгөлөгү алып келинди. Видео
Улуттук допингге каршы борбор дирекциясынын жетекчиси Нургүл Кермакунова

Кермакунова: самын да спортчуну допинг колдонгондой көрсөтүп коюшу мүмкүн

0
Улуттук допингге каршы борбор" дирекциясынын жетекчиси Нургүл Кермакунова Токио Олимпиадасына катыша турган кыргызстандык спортчулар кызытма колдонууга каршы күрөшүүдө бардык нормаларды толук аткарганын айтты.

Олимпиадага даярданууда 41 спортчу жана алардын машыктыруучулары, дарыгерлери Дүйнөлүк антидопинг агенттигинин (WADA) койгон талаптарына жараша кеп-кеңештерди алышты. Мындай маалыматты Нургүл Кермакунова Sputnik Кыргызстан радиосунун эфиринде маек куруп жатып билдирди.

Кермакунова: самын да спортчуну допинг колдонгондой көрсөтүп коюшу мүмкүн

Анын айтымында, аталган борбор Олимпиада оюндарына кеткен спортчулардын мелдешке чейинки убакта допинг колдонбогонуна кепилдик берет.

"Улуттук антидопинг борборунун" негизги иши - спортчуларды Токио Олимпиадасына даярдоо болду. Анын маанилүү бөлүгү спортчуларды маалыматтык жактан камсыздоого кетти. Анткени такталбаган кабарлар туура эмес тандоолорду, чечимдерди чыгарууга жол ачат. Ири спорттук мелдешке даярданууда 41 спортчу жана алардын машыктыруучулары, дарыгерлери, персоналдары Дүйнөлүк антидопинг агенттигинин (WADA) койгон талаптарына жараша кеп-кеңештерди алып, бардык нормаларды туура аткарышты. Допингге каршы санарип окуу системасынын базасында спортчулар тиешелүү эскертмелерди алып, окуудан өткөн соң атайын сертификатка ээ болушту. Спортчулар мелдешке кетер алдында ата-энеси, туугандары, достору менен жакындан кучакташып узатууга эки жума эрте тыюу салдык. Анткени бул биздин улуттук өзгөчөлүгүбүз болгондуктан өбүшүп, кучакташып коштошуу көп кооптуулукту жаратышы ыктымал. Мисалы, эмоционалдык жактан алганда спортчу тыюу салынган заттарды колдонбогон учурда да гормоналдык өзгөрүүлөргө дуушар болуп, көрсөткүч тиешелүү ченемден ашып кетиши мүмкүн. Ал тургай Олимпиада учурунда допингге текшерүүдөн өтөр алдында колун самындап жууп алса да гормондор өзгөрүп, анализи туура эмес чыгып калуу коркунучу бар", — деди Кермакунова.

Ошондой эле адис спортчулар Олимпиадада ар бир деталга көңүл буруп, өзүн этият, тыкан алып жүрүүсү талап кылынарын кошумчалады.

0
Белгилер:
Нургүл Кермакунова, Улуттук антидопинг борбору, Токио, олимпиада
Тема:
2021-жылы Токиодо өтө турган Олимпиада оюндары
Тема боюнча
Жоламан, Акжол, Атабек, Үзүр. Грек-рим күрөшүнүн балбандары Токиого аттанды