Колуна кишен тагылган киши. Архивдик сүрөт

Жапаровдун маалымат катчысы: бийлик Инандыны Түркияга өткөрдү деген шектенүү абсурд

106
(жаңыланган 21:52 07.07.2021)
Буга чейин Жогорку Кеңештин айрым депутаттары Кыргызстандын бийлиги Түркия менен өз ара келишип, Орхан Инандыны кармап берген деген шектенүүнү айтышкан.

БИШКЕК, 7-июл. — Sputnik. Кыргызстандын бийлиги Орхан Инандынын өлкөдөн чыгарылып кетишине тийиштиги бар деген шектенүүлөр акылга сыйбайт. Бул тууралуу президенттин маалымат катчысы Эрбол Султанбаев билдирди.

Буга чейин Жогорку Кеңештин айрым депутаттары Кыргызстандын бийлиги Түркия менен өз ара келишип, Орхан Инандыны кармап берген деген шектенүүнү айтышкан. Айрым парламентарийлер "кармап беришти", "белек кылышты" деген түрк медиасында жарык көргөн макалаларды мисалга келтирди. Президенттин маалымат катчысы булардын баарын абсурд деп атады.

"Орхан Инанды жоголгон биринчи күндөн тартып эле президент Жапаров күч түзүмдөрүнө аны издөөнү, чек араларды көзөмөлдөөнү, кошумча күчтөрдү тартып ыкчам издөө иштерин жүргүзүүнү тапшырган. Буга чейин да аны уурдоого үч ирет аракет болгон экен. Акыркысында биздин атайын кызматтын өкүлдөрү сактап калганы аныкталды. УКМК Инандыга жан сакчынын кайтаруусунда этият болууну өтүнгөн", — деген Султанбаев.

Ал Инандынын уурдалганы боюнча маселе түрк тарапка коюлганын, кечээ өлкөнүн Тышкы иштер министрлиги Түркиянын элчисине нааразычылык нотасын тапшырганын белгиледи. Түркия тарап буга азырынча расмий жооп бере элек. Деген менен алар оозеки түрдө Орхан Инанды Түркиянын жараны экендигин, ал жарандыктан чыкпагандыгын билдиришкен.

Орхан Инандынын уурдалышы

"Сапат" билим берүү тармактарынын негиздөөчүсү Орхан Инанды 1-июнга караган түнү Бишкектен жоголгон. Автоунаасы эшиктери ачылган абалда Октябрь районундагы Малдыбаев көчөсүндө Ала-Арча суусунун жээгинде табылып, ал кишинин жоголгондугу тууралуу арызды уулу жазган. "Сапат" билим берүү мекемесинин юристи Зоотбек Кудайбергенов Орхан Инанды Кыргызстандын жарандыгын 2012-жылы алганын белгилейт.

Өз кезегинде Улуттук коопсуздук мамлекеттик комитети Инандыны уурдоо боюнча кол салуу болорун эки жыл мурда эскерткенин билдирди. Президент Садыр Жапаров Инанды жоголгон күнү аны табуу боюнча күч органдарына тапшырма берген. Бул маселе Коопсуздук кеңешинин жыйынында да козголгон.

6-июнда Орхан Инандынын жубайы Рейхан Инанды айрымдар анын күйөөсү Түркиянын Бишкектеги элчилигинде болушу мүмкүн экенин айтканын билдирген. Кийинчерээк ИИМге Түркиянын элчилигинин имаратында Инанды жок экенин маалымдашкан.

Жапаров Түркияга жасаган иш сапарында бул боюнча Эрдогандан сураганда, ал Инандыны билбей турганын айткан.

5-июлда Түркиянын президенти Режеп Тайип Эрдоган бир ай мурда жоголгон Орхан Инанды атайын операцияда кармалып, Түркияга жеткирилгенин жар салды. Ал арада Түркиянын Кыргызстандагы элчиси Ахмет Садык Доганга Кыргызстан тараптан нота тапшырылганы маалым.

Бүгүн Жогорку Кеңеште Орхан Инандынын жоголушу боюнча маалымат угулуп, токтом кабыл алынды.

106
Белгилер:
Орхан Инанды, уурдоо, Кыргызстан, бийлик
Тема:
Орхан Инандынын Бишкекте жоголушу (46)
Тема боюнча
Орхан Инандынын тарапташтары Өкмөт үйүнүн алдына митингге чыкты. Сүрөт, видео
Башкы прокуратура Инандынын жубайы жазган арыз боюнча жооп берди
УКМК: Инанды уурдалган күнү жан сакчылары башка жакка суранып кеткен
Спортчу Айсулуу Тыныбекова

Кыргызстандык балбан кыздар Олимпиададан эки медаль менен кайтты. Сүрөт

52
(жаңыланган 18:33 05.08.2021)
Тыныбекова кыргызстандыктарга ыраазычылыгын билдирип, машыктыруучулары жана спортчу кыздар менен Токиодо түшкөн сүрөттөрүн жарыялаган.

БИШКЕК, 5-авг. — Sputnik. Күрөш боюнча Кыргызстандын кыз-келиндер курама командасынын Олимпиада-2020 мелдешиндеги сапары карыды. Бул тууралуу спортчу Айсулуу Тыныбекова Facebook баракчасы аркылуу билдирди.

"Күрөш боюнча Кыргызстандын кыз-келиндер курама командасынын Олимпиада оюндарындагы мелдештери аягына чыкты. Бардыгыңыздарга колдооңуздар жана сүйүүңүздөр үчүн ыраазычылык билдиребиз", — деп жазган спортчу.

Кыргызстандык балбан машыктыруучулары жана спортчу кыздар менен Токиодо түшкөн сүрөттөрүн да жарыялаган.

Эске салсак, Олимпиада оюндарында грек-рим күрөшүнүн балбаны Акжол Махмудов менен балбан кыз Айсулуу Тыныбекова күмүш медаль тагынса, Мээрим Жуманазарова коло байге жеңген.

52
Белгилер:
Айсулуу Тыныбекова, күрөш, балбан, олимпиада, сүрөт
Тема:
2021-жылы Токиодо өтө турган Олимпиада оюндары
Тема боюнча
Олимпиададан утмайын турмушка чыкпайм деген. Айсулуу тууралуу 10 факт
Кылкылдап, аянтка батпай. Айсулуунун мелдешин көрүүгө чогулган элдин сүрөтү
Бангладештик Рафид Ясардын Бактылуу фермер сүрөтү. Архив

Стенин атындагы сынакта онлайн добуш берүү боюнча жеңүүчү аныкталды

12
(жаңыланган 18:37 05.08.2021)
Сынактын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу.

БИШКЕК, 5-авг. — Sputnik. Андрей Стенин атындагы эл аралык фотожурналистика сынагынын баштапкы жыйынтыгы чыгып, интернет-колдонуучулардын сүймөнчүгүнө бангладештик Рафид Ясар ээ болду. Ал сынакка "Бактылуу фермер" аттуу эмгегин жөнөткөн.

Сүрөттө түстүү капустанын түшүмүн жыйнап, ага кубанып турган фермер көрсөтүлгөн. Бул кадрга интернет-колдонуучулардын дээрлик 25 пайызы "мыкты" деп добуш берген. Сүрөтчү элдин ишеними ага күч берип, өзү кыялданып жүргөн режиссерлук кесипке жетем деп ишенүүдө.

Фотография Счастливый фермер Рафида Ясара из Бангладеша признана лучшим снимком на международном конкурсе фотожурналистики имени Андрея Стенина
© Фото / Stenincontest / Рафид Ясар
Андрей Стенин атындагы эл аралык фотожурналистика сынагынын баштапкы жыйынтыгы чыгып, интернет-колдонуучулардын сүймөнчүгүнө бангладештик Рафид Ясар ээ болду. Ал сынакка "Бактылуу фермер" аттуу эмгегин жөнөткөн
"Элдик добуш берүү гран-при эмес экенин түшүнөм. Бирок ар бир добуш - мен үчүн сыймык. Бул сынакта менчелик жеңишке жеткиси келген адам барбы, билбейм. Эң күчтүүсү жеңсин", — деди ал. 

Сентябрь айынын аягында Стенин атындагы сынактын жыйынтыгы чыгып, гран-при тапшыруу аземи онлайн-форматта өтөт. Уюштуруучулар жылдын соңуна чейин жеңүүчүлөрдүн эмгектерин дүйнөлүк турнеге алып чыгууну пландоодо.

Сынак тууралуу

"Россия сегодня" эл аралык маалымат агенттиги негиздеп, Россиянын ЮНЕСКО иштери боюнча комиссиясынын колдоосу менен өтүп келген Андрей Стенин атындагы эл аралык фотожурналистика сынагынын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу. Бул таланттуу, сезимтал, алдыга умтулган жаш сүрөтчүлөр үчүн мыкты аянтча.

Быйыл башкы маалыматтык өнөктөш Вести.Ru порталы, "Россия-Культура" жана "Москва 24" телеканалдары болду.

Ошондой эле Sputnik маалымат агенттиги жана радиосу, Askanews маалымат агенттиги, Independent Media медиахолдинги, ANA маалымат агенттиги, RT телеканалы жана порталы, Shanghai United Media Group (SUMG), China Daily гезитинин интернет-порталы, The Paper интернет-порталы, Al Mayadeen медиатүйүнү, Prensa Latina, DBW интернет-порталы жана Telam маалымат агенттиги өнөктөш болду.

12
Белгилер:
Россия, сүрөт, сынак, жыйынтык, жеңүүчү
Тема боюнча
Көргөнгө татыйт! Стенин атындагы сынактагы эң мыкты эмгектер