Колл-центрдин медициналык кызматкери. Архив

COVID деп шектенсеңиз, чалыңыз! Мэрия Бишкектеги медиктердин номерин жарыялады

48
(жаңыланган 14:37 08.07.2021)
Муниципалитет коронавирус менен ооругандардын саны өсүп, шаарда эпидемиологиялык кырдаал оор бойдон турганын белгилейт.

БИШКЕК, 8-июл. — Sputnik. Бишкек мэриясы калаада үй-бүлөлүк медицина борборлорунун ишеним телефондору иштеп жатканын эскертет.

Муниципалитет коронавирус менен ооругандардын саны өсүп, шаарда эпидемиологиялык кырдаал оор бойдон турганын белгилейт. Бүгүн 693 адамдан COVID-19 аныкталган.

"Шаардык саламаттыкты сактоо башкармалыгы грипп, КРВИ, коронавирустун алдын алуу жана күрөшүү чараларын күчөтүүдө. Борбор калаада медиктердин 37 мобилдик бригадасы иштеп жатат. Соңку бир суткада 822 дарекке барып, 993 адамдан ПЦР-анализ алды. Мобилдик бригадалар 118 телефон чалуу борборуна түшкөн чакыруунун негизинде барарын белгилейбиз", — деп жазылат маалыматта.

Ошондой эле ооруга чалдыккан шаардыктарды Үй-бүлөлүк медицина борборунун дарыгерлеринен кеңеш алып, илдеттен баштапкы стадиясында кутулууга чакырат. Мэрия медиктер ар дайым жардам көрсөтүүгө даяр экенин билдирди.

Аны менен катар үй-бүлөлүк медициналык борборлорунун жетекчилеринин, дарыгерлеринин жана ишеним телефондорунун номерлерин жарыялады.

Октябрь райондук үй-бүлөлүк медициналык борборунун дарыгерлери

Ленин райондук үй-бүлөлүк медициналык борборунун дарыгерлери

Биринчи май райондук үй-бүлөлүк медициналык борборунун дарыгерлери

Свердлов райондук үй-бүлөлүк медициналык борборунун дарыгерлери

48
Белгилер:
Бишкек, медик, коронавирус, номер
Тема:
Коронавируска байланыштуу Кыргызстандагы кырдаал (2880)
Тема боюнча
Коронавируска каршы вакцина алчулар үчүн маанилүү 8 суроого жооп
Штаб: коронавирусту дарылоо үчүн кошумча 190 орун даярдалууда
Спортчу Айсулуу Тыныбекова

Кыргызстандык балбан кыздар Олимпиададан эки медаль менен кайтты. Сүрөт

68
(жаңыланган 18:33 05.08.2021)
Тыныбекова кыргызстандыктарга ыраазычылыгын билдирип, машыктыруучулары жана спортчу кыздар менен Токиодо түшкөн сүрөттөрүн жарыялаган.

БИШКЕК, 5-авг. — Sputnik. Күрөш боюнча Кыргызстандын кыз-келиндер курама командасынын Олимпиада-2020 мелдешиндеги сапары карыды. Бул тууралуу спортчу Айсулуу Тыныбекова Facebook баракчасы аркылуу билдирди.

"Күрөш боюнча Кыргызстандын кыз-келиндер курама командасынын Олимпиада оюндарындагы мелдештери аягына чыкты. Бардыгыңыздарга колдооңуздар жана сүйүүңүздөр үчүн ыраазычылык билдиребиз", — деп жазган спортчу.

Кыргызстандык балбан машыктыруучулары жана спортчу кыздар менен Токиодо түшкөн сүрөттөрүн да жарыялаган.

Эске салсак, Олимпиада оюндарында грек-рим күрөшүнүн балбаны Акжол Махмудов менен балбан кыз Айсулуу Тыныбекова күмүш медаль тагынса, Мээрим Жуманазарова коло байге жеңген.

68
Белгилер:
Айсулуу Тыныбекова, күрөш, балбан, олимпиада, сүрөт
Тема:
2021-жылы Токиодо өтө турган Олимпиада оюндары
Тема боюнча
Олимпиададан утмайын турмушка чыкпайм деген. Айсулуу тууралуу 10 факт
Кылкылдап, аянтка батпай. Айсулуунун мелдешин көрүүгө чогулган элдин сүрөтү
Бангладештик Рафид Ясардын Бактылуу фермер сүрөтү. Архив

Стенин атындагы сынакта онлайн добуш берүү боюнча жеңүүчү аныкталды

12
(жаңыланган 18:37 05.08.2021)
Сынактын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу.

БИШКЕК, 5-авг. — Sputnik. Андрей Стенин атындагы эл аралык фотожурналистика сынагынын баштапкы жыйынтыгы чыгып, интернет-колдонуучулардын сүймөнчүгүнө бангладештик Рафид Ясар ээ болду. Ал сынакка "Бактылуу фермер" аттуу эмгегин жөнөткөн.

Сүрөттө түстүү капустанын түшүмүн жыйнап, ага кубанып турган фермер көрсөтүлгөн. Бул кадрга интернет-колдонуучулардын дээрлик 25 пайызы "мыкты" деп добуш берген. Сүрөтчү элдин ишеними ага күч берип, өзү кыялданып жүргөн режиссерлук кесипке жетем деп ишенүүдө.

Фотография Счастливый фермер Рафида Ясара из Бангладеша признана лучшим снимком на международном конкурсе фотожурналистики имени Андрея Стенина
© Фото / Stenincontest / Рафид Ясар
Андрей Стенин атындагы эл аралык фотожурналистика сынагынын баштапкы жыйынтыгы чыгып, интернет-колдонуучулардын сүймөнчүгүнө бангладештик Рафид Ясар ээ болду. Ал сынакка "Бактылуу фермер" аттуу эмгегин жөнөткөн
"Элдик добуш берүү гран-при эмес экенин түшүнөм. Бирок ар бир добуш - мен үчүн сыймык. Бул сынакта менчелик жеңишке жеткиси келген адам барбы, билбейм. Эң күчтүүсү жеңсин", — деди ал. 

Сентябрь айынын аягында Стенин атындагы сынактын жыйынтыгы чыгып, гран-при тапшыруу аземи онлайн-форматта өтөт. Уюштуруучулар жылдын соңуна чейин жеңүүчүлөрдүн эмгектерин дүйнөлүк турнеге алып чыгууну пландоодо.

Сынак тууралуу

"Россия сегодня" эл аралык маалымат агенттиги негиздеп, Россиянын ЮНЕСКО иштери боюнча комиссиясынын колдоосу менен өтүп келген Андрей Стенин атындагы эл аралык фотожурналистика сынагынын максаты — жаш фотографтарды колдоо, бүгүнкү күндөгү фотожурналистиканын көйгөйлөрүнө коомчулуктун көңүлүн буруу. Бул таланттуу, сезимтал, алдыга умтулган жаш сүрөтчүлөр үчүн мыкты аянтча.

Быйыл башкы маалыматтык өнөктөш Вести.Ru порталы, "Россия-Культура" жана "Москва 24" телеканалдары болду.

Ошондой эле Sputnik маалымат агенттиги жана радиосу, Askanews маалымат агенттиги, Independent Media медиахолдинги, ANA маалымат агенттиги, RT телеканалы жана порталы, Shanghai United Media Group (SUMG), China Daily гезитинин интернет-порталы, The Paper интернет-порталы, Al Mayadeen медиатүйүнү, Prensa Latina, DBW интернет-порталы жана Telam маалымат агенттиги өнөктөш болду.

12
Белгилер:
Россия, сүрөт, сынак, жыйынтык, жеңүүчү
Тема боюнча
Көргөнгө татыйт! Стенин атындагы сынактагы эң мыкты эмгектер

Устат Изабеков Токиодо намыска жараган кыздарын канатына калкалап... Фотофакт

0
(жаңыланган 19:17 05.08.2021)
XXXII жайкы Олимпиададан күмүш медаль уткан Айсулуу Тыныбекова мелдештен кийин Токио шаарында түшкөн сүрөтүн Facebook баракчасына чыгарды.
XXXII жайкы Олимпиададан күмүш медаль уткан Айсулуу Тыныбекова, коло медаль алган Мээрим Жуманазарова жана алардын машыктыруучсу Нурбек Изабеков
© Фото / Нурпери Садырбекова

Анын ичинен коло медаль алган Мээрим Жуманазарова жана машыктыруучу Нурбек Изабеков үчөөнүн сүрөтү көпчүлүктү суктандырууда. Жаңы тарыхты жазган балбандар устатын ортого алып, ал эми Изабеков кыздарын канатына калкалап түшкөн.

Тыныбекова кечээ Токио Олимпиадасында кыз-келиндер күрөшү боюнча финалдык беттеште бир упайлык айырма менен жеңилип экинчи орунду ээлеген. Ал эми Жуманазарова Кыргызстандын куржунун коло медаль менен толтурду. Муну менен алар эгемен тарыхта кыз-келиндер арасында Олимпиададан медаль алган алгачкы спортчу болуп калышты.

Токио шаарындагы XXXII жайкы Олимпиада 23-июлда башталган. Олимп оюндары 8-августта аяктайт.

0
Белгилер:
Айсулуу Тыныбекова, Нурбек Изабеков, Мээрим Жуманазарова
Тема:
2021-жылы Токиодо өтө турган Олимпиада оюндары
Тема боюнча
Олимпиада: эркин күрөш балбаны Эрназар Акматалиев индиялык спортчу менен кармашат
Олимпиада: Кыргызстан медаль боюнча Борбор Азияда алдыңкы сапка чыкты
Айаал Лазарев Олимпиаданын коло байгеси үчүн таймашат
Кыргызстандык балбан кыздар Олимпиададан эки медаль менен кайтты. Сүрөт