Балдар көргөзмөдө. Архив

Элчилик: Москвада дем алыш сайын балдар үчүн маданий иш-чара өткөрүлөт

36
Иш-чара өлкөнүн эгемендүүлүгүнүн 30 жылдыгына карата 11-31-июль күндөрү уюштурулат. Ага он төрт жашка чейинки балдар катышат.

БИШКЕК, 9-июл. — Sputnik. Москвада ар дем алыш сайын мигранттардын балдары үчүн маданий иш-чаралар өткөрүлөт. Бул тууралуу Кыргызстандын Россиядагы элчилигинен  кабарлашты.

Дипломатиялык корпус иш-чараны өлкөнүн эгемендүүлүгүнүн 30 жылдыгына карата 11-31-июль күндөрү уюштуруп жатканын айтты.

"Анын максаты — гуманисттик идеяларды жана баалуулуктарды жайылтуу, ошондой эле жаштардын маданий мүмкүнчүлүктөрүн жогорулатуу", — деп айтылат маалыматта.

Ага 5 жаштан 14 жашка чейинки балдар катышса болот. Ата-энелер +7(977)597-37-03 номери аркылуу каттата алышат.

Иш-чаранын Москва шаарындагы Большая Ордынка көчөсү, 64 дарегиндеги элчиликте өтөрүн кошумчалашты.

36
Белгилер:
иш-чара, балдар, эгемендүүлүк, элчилик, Москва, Кыргызстан
Тема боюнча
Элчилик: россиялык ЖОЖ кыргызстандык абитуриенттерге бюджеттик 20 орун бөлдү
Медициналык кызматкер ооруканада бейтап менен. Архиа

Коронавирус дагы 12 кишинин өмүрүн алды. 26-июлдун статистикасы

11
(жаңыланган 09:45 26.07.2021)
Соңку статистикалык маалыматтарды кошкондо пандемия башталгандан бери вирустун курмандыгы болгондордун саны 2 261ге жетти.

БИШКЕК, 26-июл. — Sputnik. Бир сутка ичинде коронавирустан 12 киши каза болду. Бул тууралуу Республикалык штабдан билдиришти.

Өлүм катталган аймактар:

  • Бишкек шаары – 8;
  • Чүй облусу – 4.

Соңку статистикалык маалыматтарды кошкондо пандемия башталгандан бери вирустун курмандыгы болгондордун саны 2 261ге жетти.

11
Белгилер:
өлүм, статистика, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Эмдөөдөн өттү деген сертификатты кайсы жерден жана кантип алууга болот 
Коронавирус адамды бат карытат. Процессти кантип жайлатуу керек
Киши жолду өтүп бара жатат. Архив

Жол кырсыгына жөө жүргөндөр да себепкер. Эмнелерди эске алуу керек

31
(жаңыланган 10:00 26.07.2021)
Милиция элдин аң-сезиминде жол кырсыктарына айдоочулар гана күнөөлүү деген ой калыптанып калганын, бирок жөө жүргөндөр да бир катар эрежелерге көңүл кош карап жатканын айтты.

БИШКЕК, 26-июл. — Sputnik. Ош шаарындагы акыркы алты айда катталган жол кырсыктарынын 53 пайызында жөө жүрүүчүлөрдүн күнөөсү бар экени маалым болду. Бул тууралуу шаардык милициянын маалымат кызматы кабарлады. 

"Көпчүлүгүбүздүн аӊ-сезимибизге жол кырсыктарына айдоочулар гана күнөөлүү, алар жооптуу деген ой сиӊип калган. Бирок статистикада андай эмес экен", — дешти ОШ ШИИББден.   

Тагыраагы, жарым жылдагы 280 жол кырсыгынын 150сүндө жөө кишилер катышкан жана алар бир катар эрежелерге көңүл бурбай жатканы айтылат. Атап айтканда:  

  • жолдо жүрүүнүн эрежелерин билишпейт же сакташпайт; 
  • атайын жөө жүргөндөр үчүн белгиленген жайлардан өтүшпөйт; 
  • жаш балдарын жалгыз жолдун аркы өйүзүндөгү дүкөндөргө жумшашат;   
  • жолдо өтүп бара жатышып кулакчын тагып алышат же телефон кармалашат. Кээде катуу ойлонуп же башка нерсеге алаксышат; 
  • мас болуп жолго чыгып алышат;   
  • тротуар менен эмес, жол бойлоп басышат; 
  • жолдон жүгүрүп же велосипед айдап өтүшөт. 

Ош шаардык милициясы жөө жүргөндөрдүн арасындагы жол кырсыктарын алдын алуу максатында атайын рейд уюштуруп жатканы кошумчаланды.  

Маселен, өткөн жумадагы рейдде Милициянын кайгуул кызматы тарабынан жол эрежесин бузгандарга карата 1 288 протокол түзүлгөн. Анын ичинен алты айдоочу мас болуп кармалып, 75 автоунаа айып короого киргизилди. Ошондой эле 34 айдоочунун документи жок унаа айдап жүргөнү аныкталды. 

Ош шаардык ички иштер башкармалыгы бардык жөө жүргөн кишилерди калаа аймагында атайын белгиси бар жерлерден гана өтүүнү, жол эрежесине так, өздөрүнө сак болууга чакырды.

31
Белгилер:
эреже, жол кырсык, жөө жүрүш, милиция, Ош
Тема боюнча
Министр: автоинспекторлор үч смен менен иштейт
Садыр Жапаров мас айдоочуларды аныктоо чараларын күчөтүүнү тапшырды