Актер жана режиссер Владимир Меньшов. Архив

Россия киносунун "сыйкырчысы" менен негизги нерсе кошо кеткендей...

87
Кино ааламы Владимир Меньшов менен коштошуп турат. Анын кинорежиссурадагы алгачкы дебюту "Розыгрыш" тасмасы болгон. Анда протагонисттер, онунчу класстын окуучулары Игорь Грушко жана Олег Комаровский адамдын күчү эмнеде экенин атаандашып аныктамакчы болушат.

Күч чындык жана адилеттүүлүк тарапта экени билинет. Чынчылдык жыргалчылыктан маанилүү деп эсептеген Грушко аны коргоп калууга чыгат, ал эми бул 16 жашар уланга оңойго турбайт...

Меньшов башкы роль үчүн ылайыктуу актёрду жайнаган сүрөттөрдүн арасынан көпкө издегенин айтышат. Натыйжада көк көздүү айылдык өспүрүмдү тандайт. Аны өнөрпоз өзүнө окшоштурган дешет.

Тартынчаак, бирок өжөр жигит актёрдук факультетке кабыл алынганча төрт ирет аракет кылган. Эми болбой калды дегенде кол куушуруп отурбастан дагы бир ирет бактысын сынап көрөт. Ошол соңку аракети аны жеңишке жеткирет.

Владимир Меньшов ушул тасмага киришкен маалда беш образды жараткан эле. Жоош, бир аз оройлугу бар, "биздин жигит" дегенге бардык жактан дал келип турса да, Меньшов дагы көптү багындыргысы келген. Бардык таланттуулардай эле ал өзүнөн, тагыраагы, өзү эң маанилүү деп эсептеген нерсени ааламга жар салууну самаган. Меньшов үчүн жакшылык баарынан бийик эле...

Флобер мадам Бовари тууралуу "Эмма — бул мен" деп белгилегендей эле "Москва слезам не верит" тасмасындагы Катя Тихомирова туурасында: "Катя – бул мен" десе жарашмак...

Каарманындай эле өзү да чыгармачылык, турмуштук ийгиликке жетүү үчүн кара жанын карч урган. Ошол каарманы сымал эле турмушту түшүнгөн убакта ал аны дал өзүндөй кабыл ала баштаган.

"Москва слезам не верит" бүгүнкү күндө советтик жашоонун энциклопедиясы катары кабылданат. Анда баары – билим жана илимге умтулуу, акыйкатты издөөдөн тайбай жана ага жетүүгө тырышуу, үй-бүлөлүк баалуулукту туу тутуу, артка кылчактабастан жана көп нерсени курмандыкка чалуу менен баарын жаңыдан баштай билүү жөндөмүбүз камтылат.

Арбап турган жылуулук жана назиктик да бизге таандык, бул – биз таянган, биз жөлөнгөн дос же курбубуз тоскон ийин, эң башкысы – жакшылыкта да, жамандыкта да бири-биринин жанында болушу. Бүтүндөй ошол маданий код Меньшов тарабынан ушунчалык ынанымдуу жана жүрөктүн тереңинен түнөк тапкандай деңгээлде берилген.

Белгилүү драматург, Кыргыз Республикасынын Баатыры Бексултан Жакиев. Архивдик сүрөт
© Пресс-служба правительства / Сабыр Аильчиев
"Москва слезам не верит" тасмасы "чет тилдеги эң мыкты фильми" катары 1981-жылы "Оскар" сыйлыгына татыган.

Тасма элге сунушталгандан он жылдан кийин бизге бөлөк баалуулуктардын доору баш баккан. Баягы жылуулук дегенден кабар жок, суктануунун ордун эсеп жана прагматизм ээлеп калган.

Чынчылдык эрдик катары саналган дүйнө заматта урап түшкөн. Ошондон он жыл өтпөй жаңы үмүттөрдүн бутактары байкала баштайт. Башында эмне болгон күндө да түйшөлүүлөр унутулуп, үмүт шооласы жанат.

Меньшов каарманы – мурдагы сүйгөнүнө баарын уттуруп, 40 жашка келген Катя аркылуу айтып кеткендей: "Жашоо эми гана башталат"...

Дал ушулар үчүн, Владимир Валентинович, сизге ыраазычылык менен терең таазим этебиз. Арабыздан кеткениңизге каңырыгыбыз түтөйт. Бирок сиздин тасмалардан сабак алгандай биз өз күчүбүзгө таянып, акыйкаттыкты коргоп, көз жашыбызды аарчып туруп махабатка ишенүүдөн тайбайбыз.

Калганы баары болот.

87
Белгилер:
Оскар, сахна, актер, Россия, кино, Владимир Меньшов
Тема боюнча
Кыргыздын тунгуч музыка таануучусу Балбай Алагушев дүйнө салды
Президент Садыр Жапаров менен УКМКнын жетекчиси Камчыбек Ташиев. Архивдик сүрөт

Жапаров менен Ташиевдин жаратылыштагы сүрөтү: бири сүйлөп, экинчиси берилип угуп...

23
(жаңыланган 21:24 24.07.2021)
Эки саясатчынын достук мамилеси жөнүндө коомчулукта айтылып, бул туурасында алар өздөрү да бекемдеп келет.

БИШКЕК, 24-июл. — Sputnik. Интернет айдыңында президент Садыр Жапаров менен УКМКнын жетекчиси Камчыбек Ташиевдин жаратылыш койнунда отуруп, бири кеп салып, экинчиси өтө көңүл коюп угуп жаткан сүрөт тарады.

Аны президенттин коомдук башталыштагы жардамчысы Адинай Марипова өзүнүн Facebook тармагындагы баракчасына койду. 

Эки саясатчынын достук мамилеси жөнүндө коомчулукта айтылып, бул туурасында алар өздөрү да бекемдеп келет. Жапаровдун айтымында, алар 15 жыл мурда таанышып, бирге иштешкен. Жогорку Кеңештин эки жолку чакырылышына депутат болушкан.

Кумтөр маселеси боюнча митингди чогуу уюштурушкан, андан соң бийликти күч менен басып алуу аракети боюнча ишке шектелишкен. Жапаровго бийликтин жогорку тепкичине чыгууга Ташиев көмөктөшкөнү эч кимге жашыруун эмес. Саясатчы Өмүрбек Текебаевдин аны "дос-секретарь" деп атаганы бар. Эске салсак, мурда өлкөдө идеологияга жооп берчү – мамлекеттик катчы (госсекретарь) кызматы болгон. Ташиев Жапаров абактан чыгарылган күндөн тарта жанында коштоп жүргөндүктөн, ЖК төрагасы Текебаев ага ушундай ылакап ысым ыйгарган. 

23
Белгилер:
Камчыбек Ташиев, Садыр Жапаров, Кыргызстан
Тема боюнча
Жапаров Мирзиёевди туулган күнү менен куттуктап, Кыргызстанга чакырды
Ала-Тоо аянтында сүрөткө түшкөн кыздар. Архивдик сүрөт

Жекшембиге карата аба ырайы

6
25-июлда өлкөдө ченемден тышкары ысык аба ырайы күтүлүп, абанын күндүзгү температурасы өрөөндөрдө 40 градуска чейин көтөрүлөт. Батыштан соккон шамалдын ылдамдыгы секундасына 4-9 метрге жетет.

БИШКЕК, 24-июл. — Sputnik. Жекшембиде республиканын дыйканчылык аймактарында жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй, Ош, Жалал-Абад, Баткен облустарында +35…+40, Талас өрөөнүндө +34…+39, Ысык-Көлдө +27…+32, Нарын аймагында +28…+33 градус болот.

Синоптиктер күндүн табы Бишкек, Ош шаарларында +38…+40, Чолпон-Атада +27…+29 градуска жетерин билдиришти.

6
Белгилер:
Кыргызстан, июль, аба ырайы
Тема боюнча
Аптаптуу ысык кайтып келет. ӨКМ шашылыш билдирүү таратты