Медициналык кызматкер бейтапка COVID-19 каршы вакцина коюп жатат

Кыргызстанда төрт күндө 6000ге чукул адам коронавируска каршы вакцина алды

143
(жаңыланган 11:58 09.07.2021)
5-июлда эмделгендердин саны 121 601 болсо, 9-июлда бул сан 127 591ге жеткен. Анын ичинен 83 001и вакцинанын экинчи дозасын сайдырышкан.

БИШКЕК, 9-июл. — Sputnik. Кыргызстанда 9-июлга карата жалпысынан 127 591 киши коронавируска каршы эмделди. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.

"Өлкөдө күнүнө 1000ден ашык адам вакцина алууда. Ушул жуманын башынан бери төрт күн ичинде 6000ге чукул адам эмделди. 5-июлда вакцина алгандардын саны 121 601ди түзсө, 9-июлда бул сан 127 591ге жеткен. Анын ичинен 83 001и вакцинанын экинчи дозасын сайдырышкан", — деп айтылат маалыматта.
  • Бишкек шаары — 42 793;
  • Ош шаары — 9 601;
  • Чүй облусу — 21 887;
  • Ош облусу — 14 269;
  • Ысык-Көл облусу — 11 032;
  • Талас облусу — 4 577;
  • Нарын облусу — 4 720;
  • Жалал-Абад облусу — 13 693;
  • Баткен облусу — 5 019.

Белгилей кетсек, бүгүн, 9-июлда, Кытайдан Sinopharm вакцинасынын 1,25 миллион дозасы келиши күтүлүүдө.

143
Белгилер:
Кыргызстан, коронавирус, эмдөө, вакцина
Тема:
Коронавируска каршы эмдөө (211)
Тема боюнча
АКШ: 4 балалуу эне эмделгендер арасында ойнотулган лотереяда 1 млн. доллар утуп алды
Коронавирустун индиялык штаммы Кыргызстанда катталган эмес. Штабдын билдирүүсү

Кубанарымды же кайгырарымды билбей турам. Акжол менен Мээримдин видео маеги 

56
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

56
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин
UFC уюмунун экс-чемпиону Хабиб Нурмагомедов. Архив

Көлгө келген Хабиб: эртең Олимпиадада алтын алышыңарга тилектешмин

57
(жаңыланган 00:17 04.08.2021)
Ысык-Көлгө ММА боюнча турнирге конок катары келген Нурмагомедов бүгүнкү Олимпиада оюндарын көргөнүн айтып, кыргызстандыктарга ийгилик каалады.

БИШКЕК, 4-авг. — Sputnik. Эртең Олимпиада оюндарында алтын медаль алышыңарга тилектешмин. Бул тууралуу UFC уюмунун экс-чемпиону Хабиб Нурмагомедов Чолпон-Атада өтүп жаткан Eagle Fighting Championship (EFC) турниринде сөз сүйлөп жатып билдирди.  

"Бүгүнкү Олимпиада оюндарын көрдүк. Тилекке каршы, утулуп калды (Акжол Махмудов, — ред.). Бирок күмүш менен коло да жакшы. Эми алтын да болот. Эртең алтын алышыңыздарды каалайм, тилектешмин", - деди Нурмагомедов. 

Белгилей кетсек, ушул тапта аралаш мушташ боюнча Eagle Fighting Championship (EFC) турнири өтүүдө. Анда Хабиб лиганын түптөөчүсү жана конок катары чакырылган. Эске салсак, Олимпиада оюндарында балбандар Акжол Махмудов күмүш алса, Мээрим Жуманазарова коло тагынды. Ал эми Айсулуу Тыныбекова финалга чыкты, эртең алтын үчүн күрөшөт.

57
Белгилер:
Чолпон-Ата, Хабиб Нурмагомедов, Олимпиада-2020, медаль
Тема:
2021-жылы Токиодо өтө турган Олимпиада оюндары
Тема боюнча
Сүйүнчү! Бусурманкул Абдибаит уулу Хабибдин лигасынын чемпиону болду. Сүрөт  
Олимпиада: эки балбандын жеңишинен кийин Кыргызстан 64-орунга чыкты
Алексей Федосеев Хабибдин турниринде атаандашын муунтуу ыкмасы менен жеңди. Сүрөт