Кафе кызматкери. Архивдик сүрөт

Бишкекте бир катар кафе, ресторандарга айып пул салынды. Тизме

107
(жаңыланган 17:24 09.07.2021)
Бардык жеке жактарга 3000 сомдон айып салынса, юридикалык жактар 13 миң сомдон төлөмөй болушкан.

БИШКЕК, 9-июл. — Sputnik. Ордо калаада бир нече кафе, ресторан, дүкөндөрдүн администрациялары санитардык эрежелерди сактабаганы үчүн айыпка жыгылышты. Бул тууралуу Бишкек мэриясынын маалымат кызматы кабарлады.

Белгилей кетсек, эпидемиологиялык кырдаалдан улам Шаардык санитардык-экологиялык инспекциянын кызматкерлери күндүз дүкөн, соода борборлорду, ал эми кечкисин жана түндө кафе-ресторандарды кыдырып текшерүүдө.

Айыпка жыгылган объектилер:

  • "Империя пиццы";
  • Beef Burgers;
  • "Савор";
  • "Каганат";
  • "Центр плова";
  • "Киана";
  • "Буржуй";
  • Pascal;
  • "Граф";
  • Fresh box ("Вефа" соода борбору);
  • "Хан Теңири";
  • "Белек";
  • "Палаццо";
  • "Кебаб хаус";
  • "Этилер";
  • "Ак-Бата";
  • "Даамдуу";
  • "Народный" гипермаркети;
  • "Вефа" соода борборунда жана Жал-23 кичи районундагы Rody Mood дүкөнү;
  • Dota компьютердик клубу.

Бардык жеке жактарга 3000 сомдон айып салынса, юридикалык жактар 13 миң сомдон төлөмөй болушту.

107
Белгилер:
Бишкек, кафе, ресторан, дүкөн, эреже, айып
Тема:
Коронавируска байланыштуу Кыргызстандагы кырдаал (2873)
Тема боюнча
Салык төлөбөгөн ишкерлерге жеңилдик берүү мөөнөтүн узартуу сунушталды

Аябай бактылуу болуп турам! Акаевдин сурактан чыккандан кийинки маеги видеодо

11
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

11
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!
Бишкек шаарынын мэринин милдетин аткаруучу Таалайбек Сарыбашов

Сарыбашов ишке киришери менен Бишкек мэриясында иштеген уулун жумуштан алды

77
(жаңыланган 21:55 02.08.2021)
Нурсултан Насирбеков мэриянын борбордук аппаратынын уюштуруу-инспектордук бөлүмүнүн адиси болуп иштеп жаткан.

БИШКЕК, 2-авг. — Sputnik. Бишкек шаарынын мэринин милдетин аткаруучу Таалайбек Сарыбашов менен муниципалитетте иштеген уулун кызматтан алды. Бул туурасында калаа башчынын маалымат катчысы Азамат Абсаттаров билдирди.

Анын уулу Нурсултан Насирбеков мэриянын борбордук аппаратынын уюштуруу-инспектордук бөлүмүнүн адиси болуп иштеп жаткан. Маалымат катчы Нурсултан Насирбековдун буга чейин конкурстан өтүп кызматка алынганын белгиледи.

Ош шаарынын мэри Таалайбек Сарыбашов кызматын которуп, бүгүн Бишкектин мэринин милдетин аткаруучу болуп дайындалган.

77
Белгилер:
Таалайбек Сарыбашов, кызмат, мэрия, уул, бошотуу
Тема боюнча
Өкмөт Алмаз Мамбетовду Ош шаарынын мэринин милдетин аткарууга жөнөттү
Алмазбек Бейшеналиев Кыргызстандын Швейцариядагы элчиси болду